《回到過去，破我未婚妻個處》

樓主加油！
日日一得閒就F5睇下有文出未
希望你可以出快啲啦！！！
好期待之後劇情！！

文呢

巴打都有追

琴晚原本預料會有第五次穿越，但卻一覺到天光，咩事都無發生。

我計一計係咪自己數漏日子，數嚟數去又無錯，咁即係代表穿越機會已經用盡？

如果係就慘，本來仲諗住返去救阿叔，家陣睇嚟唔洗旨意，仲有最大獲係我仲未破到Veronica個處。

唉...頂...

呢鋪真係無得怪個天，要怪就怪自己無鬼用。

上天大拿拿都俾左四次機會，而我卻一次都把握到，白白浪費曬啲機會。

早兩日我仲大大聲，同老豆講我有辦法搞掂壇嘢，點知到頭來連最後機會都無埋。

唔通真係要終止婚事，咁我要點同Veronica，以及世伯伯母交代？

定抑或再覓方法解除詛咒？

又或者令Veronica變返做處女，帶佢上深圳補返個處女膜唔知得唔得？

我極度懊惱，不斷諗方法想拆掂呢壇嘢，基本上返工喺完全無心機做嘢，俾上司鬧到仆街，但我都仍然提唔起精神。

唉，總之就係煩。

收工後，Veronica約我去酒店試菜，世伯伯母都有嚟。

佢地有叫我約埋阿爸阿媽，問題係佢兩個都唔支持呢頭婚事，又點會肯嚟。

不過話就話一齊試菜，其實定咩菜式都係由對方女家話事，因為訂酒席都係由佢地出錢。

「輝輝，男家嗰邊嘅賓客名單定好未呀？」Veronica夾舊青斑肉俾我。

「Er…都...都快架啦…」

「唔係呀嘛，仲未定得到？我地呢邊搞掂曬，親戚都通知埋，就等你地男家張名單，跟住就印貼派架啦。」旁邊嘅世伯插嘴。

「下…你地咁快通知曬啲親戚朋友啦…」

「快你頭！你自己計下你地仲有幾耐結婚？」世伯飲一啖茶話。

答案係得返一個月左右嘅時間。

「係呀輝輝，你地屋企真係要快啲定男家要請幾多人，同埋請咩人。」

「哦…知啦…」我應對式作答，心諗我老豆老母連出唔出席講唔定，仲點諗請咩賓客。

試左菜，定好菜式後，我地一行四人準備離開。

我諗起自己依家住喺酒店，打算物盡其用，一於撩Veronica上嚟過夜。

「上次啲係咪condom未用曬？」我靜靜雞又細細聲問對方。

「喂呀，又諗埋嗰啲嘢，今日我嚟m唔得呀。」

「又嚟m？」

「咁人地係女仔，個個月都嚟一次架啦，等過多月我地結左婚，又住埋一齊，到時想幾時嚟都得啦。」

Veronica同佢屋企人搭車返沙田，我就自己一條友返酒店。

訓教嘅時候，仍然換上整齊衣物，期望穿越再次來臨。

可惜結果不似預期。

我感到無奈、灰心同沮喪。

如果上天再俾一次機會我，我發誓我絕對會好好把握。

時間又過左幾日。

嬲左差唔多成個禮拜嘅老豆終於理返我，call左我返屋企。

一見面，對方劈頭第一句就問：「點？你諗清諗楚未？肯解除婚約未？」

「老豆，你俾啲時間我再諗下，我信實有方法解決...」

「你唔洗再諗咩方法解決，因為根本無辦法，你想結婚一係娶個處女，一係娶個個處係你破嘅女仔。」

我老豆攞出一本殘舊嘅族譜出嚟：「你自己睇下，入面有齊曬由你阿爺嘅阿爺嗰代落嚟，家族歷代有邊一個男丁同非處女結婚，同埋佢地落得咩下場，你阿叔個名都喺上面，你係咪想我將來親手加你個名落去？」

「呢本嘢你細細都俾我睇過，你講嘅我都明。」

我暫時唔同佢拗呢樣住，佢拎本族譜俾我睇，咁我就俾Shirley本書佢睇，並同佢解釋阿叔堅持結婚嘅真正原因。

佢聽完我講，揭開本書睇一睇，沉默左好一陣，然後苦笑一聲：「咁算點？你講呢啲俾我聽，即係話你想學你阿叔咁，為左愛情而犧牲係咪？」

「我唔係咁嘅意思，我只係想講我地都誤會左阿叔。」

「人都死左，依家講呢啲有咩用，總之唔好講咁多廢話，一句到尾，我限你聽日之內終止頭婚事。」

「下，得一日時間點夠，就算係唔結婚，咁你都要俾啲時間我諗下點開口。」

「我唔理你咁多，反正你一日未同條女解除婚約，一日唔好認我做老豆，呢個屋企亦都唔歡迎你！揸住呢本死人書同我即刻攔！」

「老豆你聽我講…」

「砰！」

老豆大力砰門，趕左我出門口。

唉，今晚又要住酒店。

我行去巴士站坐車，等車期間先發現，手上揸住嘅係族譜，實係頭先老豆唔小心調轉左。

呢本嘢記錄唔知喺幾多年前，我阿爺嘅阿爺俾一個叫朱天志嘅臭道士落左咒，害撚到我地家族咁多代都雞毛鴨血。

所有嘢都係呢條叫朱天志嘅仆街搞出嚟，上面明明寫住我阿爺嘅阿爺雖然拆佢間道觀，但後來有重新選址，仲起過間更大更豪華嘅俾佢。

身為道士，話曬都係練道之人，有乜理由咁小氣，郁啲就落毒咒。

講到尾解鈴還須繫鈴人，我地嘅詛咒可能得施咒者解得到，而過左咁多年，條友早就瓜老襯，不過唔知佢有無弟子或者後人之類嘅識解…

係喎！施咒者死左啫，話唔定佢嘅門派有後人識解呢種咒。

靈機一觸嘅我即刻上網search「朱天志道士傳人」，揾左一陣真係俾我揾到！

原來條臭道士屬於茅山派一個分支，而且的確有傳人，但好可惜，最後一代傳人喺2010年已經瓜左，門派後繼無人。

我再搜尋下最後一代傳人個名，發現喺2009年12月23號，佢居然嚟過香港。

新聞話當其時都唔少信徒揾佢祈福作法，離譜嘅係見一次面嘅收費係要十萬蚊。

呢樣我好似都有啲印象，嗰陣我老豆老母都有話想帶我去，但就俾唔起入場費，最後不了了之。

2009年12月23號，太平道觀。如果我早知呢條道士佬喺香港，咁之前穿越返過去嗰陣，唔理有無錢都好，就算係硬闖都要見佢一面。

話曬係佢嘅祖師爺害到我地咁慘，佢地作為後人絕對有義務，亦有責任解咒。

只不過，依家講乜都無用，我已經都無法再返到過去，全部都係得個諗字。

Hi

小曼姓咩

同平時一樣，沖完涼我就訓，照舊著返全套衫褲，仍盼望奇蹟再臨。

而我住嘅呢間酒店有一個好大嗰問題，就係張床太過軟，搞到我訓得唔太好，每日訓醒條腰感覺酸酸痛痛咁，令人好鬼難受。

嚟緊三日係短假期，照慣例有親假，我阿爸阿媽肯定會過大海打牌，我決定趁機會偷偷地返屋企，訓返個好教。

返去之前，我特登打個電話俾阿媽先，探下佢口風。

比起我老豆，我阿媽比較話圍啲，至少唔會講兩句就嬲。

我佢話佢同老豆真係會過澳門打牌。

咁就得啦，於是呢日我執齊行李，落大堂前台check out，準備返屋企。

喺check out嘅期間，有一個男人入嚟check in。

呢個男人我一眼就認得出去，佢係我一個見過幾次，但其實又完全唔識嘅人。

呢個人就係Kevin。

2009年嘅佢留撇遮眼嘅斜陰，2021年嘅佢留個周柏豪式嘅all-back頭。

兩者一樣都係咁mk，喺身形上，望落佢好似比以前更大隻。

條友傾住電話咁行到counter，我就企喺佢隔籬。

本來都無乜嘢，因為佢唔認得我，得我認得佢，只係佢傾電話嘅內容，卻令我心頭一震。

「阿Ling，你到邊呀？我已經到左，準備開定房洗白白等你…」

阿Ling？我有無聽錯？

呢個咪就係Kevin對Veronica嘅稱呼！！！

「…得啦，總之就瓊乾水等你，你快啲過嚟啦。」Kevin對住電話kiss goodbye。

佢講嘅嘢、以至說話嘅語氣都令我諗起，2009年Veronica同佢打情罵俏嘅說話。

我心生衝動，捉住佢問：「啱先你同邊個講電話？」

「喂先生，你邊位呀？」

「你係咪同 Ver...唔係...應該係，你係咪同陳嘉玲講電話？」

「癡線，我都唔識你嘅，死開啦！」對方一手fing開我。

我想上前追問，酒店嘅職員以為我想搞事，幾條友咁攔住我，並送我出酒店門口。

而酒店門口停左一排車，其中一架正正就係，早排我見Veronica上嘅嗰一架銀色房車。

莫非呢架係Kevin架車？當日車入面嗰個係Kevin，而唔係佢同事Emily？Veronica同Kevin兩個仲有聯絡？

呢一刻，我腦海一片混亂，心中有好多疑問。

我企喺酒店門口等，等Kevin口中嘅「阿Ling」出現，就想睇下呢個「阿Ling」係咪Veronica。

只但係，等左大半個鐘都等唔到，反而見到Kevin行出酒店。

經過時，佢望我一眼，再上車離開。

唔通係我誤會左，又或者係聽錯左？

跟手我就打俾Veronica。

「喂輝輝，你揾我咩事呀？」

「你…你依家喺邊？」

「喺屋企囉。」

「你依家得唔得閒，我想約你出嚟high tea，順便傾下結婚嘅事。」

「咁突然嘅？」

「你唔得閒？係咪約左人？」我追問。

「唔係，咁你想去邊？」

「去以前去過嘅上環嗰間café？」

「哦，好呀，咁陣間見。」對方答應左。

收線後，我影低架車車牌，然後就去上環。

大約半個鐘後，我嚟到Café，對方已經到左。

雖然我心中有唔少疑問，但又唔知從何問起好。

我地先嗌左啲嘢食，一邊食一邊傾下計。

傾傾下，我借啲意將話題帶去婚禮賓客名單：「係啦，結婚嗰日你請幾多個中學同學嚟飲？」

「Um…我諗大半班度啦。」

「咁…你諗唔諗住請你個ex Kevin？」

對方一聽Kevin個名，眼神閃過一絲詫異：「做咩無啦啦佢，都話左我唔想再提起呢個人。」

我繼續追問：「你地散之後，係咪再都無聯絡過？」

「我咪同你講過囉，呢個人係我中學時期嘅污點，我咁憎佢，點會同佢仲有聯絡。」

雖然我好想信佢，但剛才聽見Kevin講「阿Ling 」嘅口吻，真係同2009年嗰陣一模一樣，再加上喺酒店門口嗰部銀色房車，確實令我不得不懷疑。

然而，對方堅持話無同Kevin有任何聯絡，而且我頭先又的確無見到，佢去酒店會合Kevin，咁實在係無咩實質嘢，證明到佢兩個仲有路。

照咁睇，唔通係我多心，係我諗多左？

定還是check佢電話睇下有咩蛛絲馬跡？

姓小

臭雞

推推

唔駛問阿貴

lm

主角好撚慘

心痛的感覺

男主