《回到過去，破我未婚妻個處》

還拖未

樓主唔通有豐富嘅經驗

點解咁都信？
睇完樓主個有錢仔主角再到呢個毒撚主角 差距太大

典型毒撚

原本大家諗住喺酒店過晚夜，但我老豆老母WhatsApp猛問我幾時返，好似有啲緊要事揾我咁。

搞完嘢，攤抖左一陣，我就陪Veronica搭車返沙田。

之後我再從沙田搭返去筲箕灣，返到屋企大概十一點。

入到門口，見到阿爸阿媽坐喺廳睇電視。

「咁夜都未訓嘅？」

我老豆黑起塊面，熄左部電視：「你同我過嚟！我有嘢問你！」

我feel 到氣氛有啲唔對路。

「做咩事？」我問。

「下個月28號，你係咪要同嗰個乜嘢ca結婚？」

「……」我始料不及，打左個突。

「你阿媽今日買餸撞到你以前個舊同學馬騮，佢乜都講曬俾我地知！」

果然，紙係包唔住火，最終都俾老豆老母發現左。

「砰！」

老豆大力拍茶几，好嬲咁講：「豈有此理，我同你講撚左幾多次，話撚左唔可以同一個唔係處女嘅人結婚！你當我啲說話耳邊風，定係急住想落去揾你阿叔？！」

「老豆，我無當你嘅說話係耳邊風，我都知我地個詛咒係真嘅…」

「你知就好，咁就即刻同我中止呢頭婚事！」

「但係...但係婚期都定左，酒席又訂左，又講曬俾啲朋友聽，唔係中止就中止。」

「我唔撚理！如果你唔肯聽我講，咁你以後唔好再認我做老豆！」

老豆又搬出以前勸阿叔唔好結婚嗰一招。

我歎一口氣：「老豆不如你俾啲時間我，我依家諗緊方法，令自己又可以同非處女結婚，又唔洗死…」

「有咩方法？條女個處你破架？

「咁…咁又唔係…」

「咁仲有咩方法？你細細個嗰陣，我都幫你揾過好多道士解咒，但係個個都話唔識解、解唔到，你話仲有咩方法？」老豆越講越勞氣。

「呢樣一時三刻好難解釋清楚，總之老豆你信我，我一定有辦法…」

「你咁講即係唔肯中止個婚禮啦？好！既然係咁，呢個屋企都唔歡迎你，我亦無你一個咁唔聽話、咁憨鳩嘅仔！你立即同我扯！」

我老豆企起身，憤怒咁推我出門口。

「老豆你聽我講先啦…」

「仲有咩好講，連我嘅說話你唔聽，今晚你唔好喺呢度訓，你同我喺出面諗清諗楚先好返嚟！」

「砰！」

我老豆一下大力閂門，我徹底被拒之門外。

唉…依家嘅佢㷫過辣雞，同佢講乜都唔會聽得入耳，我諗都係等佢下左啖氣，先再同佢傾。

夜媽媽三更半夜有家歸不得，只好揾間酒店落腳。

咦？我個銀包呢？

我摸摸褲袋，發覺得部電話同鎖匙，銀包唔知去左邊。

弊啦！可能係頭先同老豆推撞嘅過程中，跌個銀包喺屋企。

咁點算好？無錢連酒店都去唔到，唔通要訓街？

電話都係得返20%，我試下打俾中學同學，問佢地方唔方便借宿一宵。

我先打俾爆我結婚單嘢俾我老母聽嘅馬騮。

打左三次，無人接電話，可能訓左教，跟住我打俾高佬威。

今次有人聽電話。

「喂阿輝，咁夜揾我咩事？」

「今晚方唔方便嚟你屋企住一晚，我俾屋企人趕左出嚟。」

「下，點會咁架？」

「喺電話講唔清楚，你今晚方唔方便收留我？」

「我都想幫你，但我依家去緊機場，我老細漏左份重要文件無帶，要我臨時臨急漏夜搭飛機，送去高雄俾佢。」

「咁呀...咁算啦，我唔阻你啦。」

森仔同Kelly搬左去大埔，無再喺筲箕灣呢頭住。

因此，住附近又同相熟嘅朋友咁就剩返小曼一個。

「點呀？三更半夜打過嚟，係咪有咩事？」

「你屋企有無人？」

「有，我呢個人咪喺我屋企。」

「我意思係問，你係咪自己一個喺屋企？」

「係呀，我不嬲自己一個住架啦，你第一日識我？」

「咁我可唔可以上嚟你屋企住一晚？」

「嗯？發生咩事？」

我將自己處境話講對方聽，佢聽完亦同意俾我上佢屋企住一晚。

成功攻略小曼

主角唔靚仔天生自卑，又未拍過拖，成世人淨係溝到Veronica一個，加上條女門面嘢做得好，得閒就送下禮物俾佢老豆老母，俾人呃都好正常啫

女人真係恐怖
自己都經歷過綠帽 所以睇到特別嬲

無

越睇越覺得，Veronica係想搵男主埋單，可能佢俾人落左咒，一定要同被佢破處嘅男人結婚

你男朋友有古怪？

主角係咪多個便宜仔

好想快啲再有文呀

原本想出多篇但寫唔切留返聽日先

睡前輕輕一push，早抖

Veronica係咪比人搞大肚
先急住搵主角埋單

推推