應承我，去到歐美國家請尊重honor system

Honor system類似法庭嘅無罪推定，將呢種精神推而廣之到日常生活

意思係指，個社會會假設每一個人都係誠實咁樣去運作，喺你被捉到斷正之前，唔會將你當賊辦

舉個簡單例子，喺香港買外賣，每人一定會有一個number，你攞外賣時職員會對個number，確保個外賣係你嘅，先會交畀你

其實咁樣已經係首先將每一個人當賊辦

但外國好多時都係講個信字，總之份外賣出到嚟，嗌個客人名或者講出係乜嘢食物，你話係你嘅就可以攞走，人地唔會對number

實際情景：你叫咗一杯細咖啡，職員拎住杯大咖啡叫咗幾聲冇人認領，你唔好貪小便宜話係你的！！！！！！

小至買外賣，中至跟唔跟規矩使用公共設施，大至錢銀交易。好多野都係講個信字

唔好諗住走精面好得戚，實際你係破壞緊個社會嘅遊戲規則，最後對你並無好處！

見到好多巴絲討論要點學英文，點樣進修，點樣搵工，其實呢啲只係融入當地社會嘅硬件。有冇按照當地嘅社會契約生活，先至係重點

當然唔係每一個人都會履行honor system，甚至好多本地人都會側側膊搵著數，但係如果香港人大部份都遵守呢啲不成文嘅社會規則，首先不會成為被人鄙視嘅族群，再加上保持靈活，到時就可以成為真真正正嘅世界仔，游走於世界唔同地方

講得好好
推

便宜莫貪

推

推

Push

如果大家都叫同樣野，咁應該點處理

舊時本來好多外國地鐵係無閘，honor system買飛，跟住好多大陸撚，東歐撚唔俾錢，後尾好多都加咗閘嚕

推

香港人劣根性彩你都傻

推
唔好成為自己最討厭嘅人

咪撚做個自己討厭嘅人

呢樣係做人既基本...
去到邊郁應該要咁做

你假設咗嗌冧巴係為咗驚人無嗌攞咗
就已經係好人當賊辦啦
實際係因為香港地方密集可以好多人同一時間嗌同一樣嘢
先要冧巴分先後
外國人口疏啲就無呢個問題

有啲鋪頭係會問你咩名，到你個時叫名

講得好！！ 做個好公民

呢度 Starbucks online order 整好就會放起指定counter， 個個自己認翻自己名，自己攞。


反觀華人快餐，bubble tea嗰啲，一定係放起counter後面，唔俾你自己攞得到。

仲有買嘢有得refund， exchange， 唔好濫用。

除左呢啲，有啲外國城方搭公共交通工具，佢地上落車，就算車尾上車大部份人都會大叫thank you。

雖然唔係咩大事，你都可以話佢地本身文化就係係咪都講thank you，但呢啲地方可以睇到個分別，明顯地非本土人係少啲講。

佢地啲巴士司機有時會冇啦啦停一停車，落車休息一陣

你貪落嚟嘅小便宜係成個香港人族群幫你還緊

Costco 就係比華人玩爛左個 system
而家連 food court 都要比會員證

補充多句，好多外國香港人成日掛喺口邊「啲鬼佬呀，好撚蠢架」
請切勿咁樣諗人！！！！！！！！
固然，如果係工作上比同事聰明，效率比其他人高，值得驕傲
但如果係生活上，係唔係乜野都要計到盡，所有空子鑽到盡，處處提防人地搵你著數，先叫聰明？
講呢句說話之前，有冇諗過最撚蠢嘅人其實係自己？
與其自負高人一等，點解唔學識欣賞別人？
更何況移民始終係你嘅選擇，有權利就有義務，當你呼吸緊自由嘅空氣，又點可以隨意批評人地文化？

溫哥華 Skytrain honour 左好耐
頂唔撚順
之後都係要裝閘