我唔反對呢句説話係過分浪漫主義
但戰時有一啲説話講係用作口號,不能否認當呢句說話出嚟嘅時候,「港男」「港女」呢兩個標籤嘅群組嘅分裂少咗好多,當刻空前團結。
就好似希特拉當年話會死保軍官,即使最後佢都係保唔住,但對於當時嘅戰時凝聚力起咗好大作用。
到呢一刻所有事情冷靜咗落嚟,回望呢一句説話,希望你會明白,呢一句係一種信念,唔係一句承諾,唔需要係呢一刻擺高姿態,自命清高咁衝出嚟講啲咩一早睇穿,叫人學嘢。
老土啲講句,係呢個內憂外患之際,呢啲咁嘅說話真係只會助長負面情緒,再一次將男女之別無限放大,實則無助討論。
最後一句,如果係因為咁樣一句説話而去做前線,咁我諗佢同主流嘅信念可能有啲出入。
如果要屌我的話,悉隨尊便,只係睇到咁樣嘅說話不吐不快。