第一幫襯法奧 我覺得自己成為咗笑話

小弟之前電腦壞咗，自己唔識砌機，加上工作忙碌同埋急用，於是試吓幫襯法奧幫我砌機同送上門。一開始都冇問題，比錢前叫你改吓單都預咗，諗住加錢特快運送1-2日就有，直至比咗錢，先同我講機箱冇貨，我放電腦個位又細，唔想退錢換第間再搵料咁麻煩，冇辨法，只好等吓。

於是等咗一星期，電腦到了，客服話特快運送啲錢會送貨果日退返比你，於是我問送貨果個人，點知佢話唔知，又叫我搵返客服。於是我死死地氣搬D盒同電腦入屋，點知一睇比咗張我冇落單既GTX1660 super，仲要係最貴版。我心諗我買三千幾蚊文書機唔會送張二千蚊顯卡咁誇掛？

於是第二日打去客服問退款，原來同事冇幫我搞，所以收機果日冇收到，之後順便問埋顯卡單嘢，我問你地公司係咪補償番我一個禮拜冇電腦嘅損失，所以送咗張GTX1660 super 比我，結果對面嗰個人confirm咗一陣，就話唔好意思先生轉頭搵同事上嚟同你收返。結果即日夜晚就有人聯絡我要過嚟收卡，但嗰晚我唔係屋企，諗住屋企人喺度，叫收卡嗰個人入嚟幫我掹走張卡，但佢又話唔會。結果我做完啲嘢返到屋企，三更半夜要自己打開機箱，掹返張卡放入盒入面準備比佢哋收返。平日都唔會點樣搞啲硬件，淨係掹張卡都搞咗好耐。仲要掹完之後機箱後邊顯卡位空左，變咗兩個大窿，依家都唔知點好。

一見法奧PO就要召喚丁哥

留名等睇悠二拎張1660s親自上門幫樓主塞番住個窿

樓主錯
錯在唔貪心

坐等刁民丁

刁民丁上水未

冇 辨 法

幫襯法奧係一個笑話
點解可以咁多問題

唔貪心咪好

送返張3090俾你

只可以話樓主on9左

有著數都打去comfirm

刁生未現身

而家即係機箱唔齊件
又可以叫佢送過

睇下邊個咁幸運
可以接手樓主張display card

請問樓主平時屙完屎有冇洗手

你唔駛答住

到時接手張card 位brother 會知

用到付態度好似好d

飛馬又贏

咁佢退左特快個錢比你未?

點解要打去問 多左唔係好左咩

比錢前,客服有check有無現貨先會叫你俾錢
利申：標準運送 今個星期一落單，星期二送

on9樓主
送張卡俾你都唔要