[關於電繪的問題] 電繪問題討論

HI大家好最近想學電繪但係基本功未有，想知咩網/youtube channel學會較易入手的？
利申：超．新手，一切剛起步
EVEN依加我連用咩筆畫草圖，咩筆畫邊，咩筆填色都唔係好清楚
同埋填色果陣有壓力反應搞到好難填色
當然構圖果堆都唔係好識，身體結構etc.....都想學
點STEP BY STEP自學？？？？
還望各連登藝術巴絲賜教

謝謝～想學來抒壓的～

呀蘭想抒壓唔equals 要畫H漫-.-

香港有個叫小鎖嘅女仔 畫得好好
依排佢有個for新手嘅online課程 你可以留意下
(利申唔係打手 同我情況同你一樣都想學電繪個零基礎)

首先買塊Wacom 27QHD畫板
你想畫啲咩都可以 油畫又得 素描又得
之後上YouTube睇片學

新手感覺wacom 2018嗰隻intuos 都夠做
最平600幾就有
試下睇下係咪真係有心繼續學
無嘅都唔怕使多左錢

睇左個youtube channel D教學唔係好夠，但睇住先應該OK GEH

有左板了

識啲野wo
無嫁 唯有自己去樓上書店買啲教學書黎睇
前期唔建議咁快就玩原創
搵個鍾意嘅畫師 抄下佢啲公仔
咁你先會有動力同成就感
自己盲舂舂玩原創 好快就會收皮

姐係臨幕 一下人地作品 俾自己有個畫風先？
但係咩筆點用都未知，真係要刨下書先

https://starifly.hk/cr/procreate-rokku/
佢係主要用ipad 個app嚟教
啲畫畫概念可以用返係其他電繪到

好似好正咁，諗下先

其實最直接搵自己想要既畫風
最簡單就係搵左自己鐘意既畫師先
你係睇得佢D野順眼 又或者想要佢哩隻
你自自然然就已經搵到自己想要既野
差在用時間落去磨練

我都係初學零基礎
依家喺到試緊畫啲自己鍾意嘅人物
較半透明之後開一層圖層喺上面直接勾啲線 輪廓出嚟

謝謝你，我會試下先的，個人比較喜歡畫男仔（得意）

無問題嫁
我以前都係咁
你係會從中發現到去到D咩位轉
邊度做接線位 邊度要勾先

加油呀絲打^^，我地一齊努力學

Lm

同埋我畫果陣會手震，依個好困擾。。

留名零基礎
拎起枝鉛筆畫左幾日直線就放棄左

如果係真筆畫其實都麻煩，冇得set layers咁畫，刷左就要重頭開始。。
所以我唔會用佢做起步

個個都會嫁啦
隻手係練返黎 唔係天生就有
你畫得多 你隻手會進化
所以唔好睇自己手震就好困擾
打包單你日日畫 日日練 幾個月就已經控制到
正如你學單車咁
一開始你驚會平衡唔到
但學識左之後你已經唔當一回事

PRACTISE MAKES PERFECT
唔講咁多，今晚畫下先，遲D有機會放上黎問你地意見
多謝你地咁有心解答

反而我係學左手繪先
可能以前屋企窮 連電腦都買唔起

你開PO我未必睇到
有咩想問我就係哩度TAG我啦