荃灣二手上車邊到好（4）

呢個post有幾個豪景業主係咁吹奏平靚正，似係想水人接貨小甜甜樓+近海，每月整間屋既錢隨時貴過管理費冇車既巴打 勸你哋諗都唔好諗

總結幾個post既用家評價: 以上車黎講，冇錢(4.5-5.5m)就考慮荃景圍，山上就環境好夠清靜，山下多車去狗鐵交通好快，山腰(荃中)就有商場

有多少少錢(6-7m)又想要會所樓就翠豐臺/韻濤居，各有各好，要睇過樓先搵到岩你心水既

有錢+人工高就直接諗愉景入場費~7m, 正常山景/園景單位7.3m左右，不過全部鑽石廳

另外呢度好熱門既工廠三寶，我分析左優劣俾大家參考
優點如下:
爵悅庭會所大，有自己餐廳，近映日灣天橋
立坊伙數最少但入場費最平
樂悠居一房兩房都有梗廚，則算實用

缺點如下:
爵悅庭有一排係望住dan6, 姐係石棺藏屍案既工廈單位，大部分一房兩房都係開放式廚房黑廁，用水冷系統冷氣，壞機要整都幾煩
立坊會所細到無倫，一面望工廈，另一面同樂悠居樓望樓 零私隱
樂悠居離映日灣夫橋最遠，行去西鐵要20分鐘腳都斷，管理處垃圾過舊樓，試過困𨋢冇人理

最後，三寶價位比荃西平係有原因: 平日落街就車來車往 仲要係大貨車 開窗就對住工廈d工業冷氣機主機，年中吸唔少廢氣，有小朋友既睇路

歡迎大家再補充下其他屋苑優劣
PS: 再貴d 就已經唔係呢個post討論既上車盤了咩海之戀 萬景峯 御凱果d 請另行開post炫富

過去半年我都睇咗好耐喺荃灣
荃景圍就比較靜少少， 但係就自成一角， 個人就比較鍾意青山公路嗰一堆， 例如翠豐臺或者錦豐園， 因為巴士線比較多， 又唔使上斜路，
全中上山凶宅多
全景山腳近愉城

愉景新城就真係幾好， 尺價都相對合理， 有天橋有商場係佢嘅優勢
但係有兩個好嚴重嘅問題， 就係鑽石廳同埋樓底 非常之低， 要掛單車同埋向高空發展特絕對唔得， 樓齡都有番咁上下，15k 左右呎價

工廠區三寶， 樓下環境差少少， 好似師兄講講樓下就係馬路，工廠， 有小朋友嘅話 要放電就去海邊公園， 都好近都係過條馬路行少少，15年樓 算係保養得幾好， 但樓望樓， 望工廠 就相對嚴重,16-17k 呎價 其實已經如實反映

全茜三寶係位置好啲， 景觀好啲， 開揚d ( 柏傲灣海之戀 向南同埋向西單位) 佢哋 三個個別優勢 都討論過就唔多講，但呎價好多時都過19k , 20k

巴打睇法同我好似睇黎睇得多荃灣樓都係有相近結論

荃景圍方面，山上(荃威)靜，山中(荃中)旺，山下(荃德，錦豐，翠豐)近荃景圍天橋巴士小巴站 交通駁車去地鐵最快，荃景就一如既往硬過鐵最保值

另外，我接受到愉城果種鑽石廳，實地睇過幾間其實空間感好足，又可以拉得直，只要係門口造個梯形櫃就ok, 近窗放鋼琴/當係偏廳俾小朋友用幾好
不過走廊偏舊
相同價位既青衣海欣花園果隻鑽石廳 就點都拉唔直

工廠三寶(舊三寶)最近個價正常返少少，樂悠居有幾間都係六球半左右，以前間間都企硬7-7.5M真心on9, 依家爵悅庭就7M頭47X呎，算係咁對得住個位置

荃西三寶(新三寶) 基本上冇得輸，個人覺得方便程度絕對拍得住柏傲莊，尤其海之戀同全城匯 係正地鐵站上蓋+三個大商場上蓋(op mall, nina mall1+2), 又有天橋接駁去荃灣廣場/荃新天地1,2/楊屋道街市/狗鐵站都唔使淋雨雖然好撚貴但係值得