(千字文唔好意思)
唔同年代,有唔同壓力唔同痴線啦,
以前被老豆老母藤條衣架(已經最低武力)無雙亂舞,分分鐘再加趕出門口全裸罰企罰跪地主(男女都有),再成手成腳藤條痕返學被恥笑,係家常便飯;而家打一下手板一條藤條痕,已經報得狗報得社署。
以前返學上堂有冷氣涼天荒夜譚;而家偶然一日無冷氣日係大新聞。
以前學校旅行一年一次;而家一年兩次。
以前學校旅行去OP已經好巴閉好奢侈(而家基本上未到中六七都唔使旨意);而家公屋街坊小學都有飛機遊學團。
以前入大學之路,要過3關:中三淘汰試、中五會考、中七A level,仲有升中六個玩法有幾amazing(會考放榜後,全港大洗牌,原校/非原校、升讀中六/重讀中五,可能要大熱天時搶的士撲中六位,新聞連續幾日報「中六收生程序進入第x階段,全港剩餘中六學位若干....」),中七A level出名全球數一數二咁難咁深;而家簡簡單單一個DSE。
以前會考10萬至17萬人考;而家DSE得5萬至8萬人考。
(都仲未計以前幾多間大學,而家幾多間大學)
(然後,兩登仔、懷舊撚:以前讀書考試,競爭冇而家咁大,而家競爭大過以前好多
)
http://www.hkeaa.edu.hk/DocLibrary/HKCEE/Release_of_Results/Exam_Report/Examination_Statistics/ceexamstat11_7.pdf
http://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat19_7.pdf
兩登仔、懷舊撚會話,以前小學半日制冇TSA,就係天堂就係冇補習就係任玩任通山跑任睇卡通,不妨睇睇1986年某集鏗鏘集,講當時既小學生
https://youtu.be/jJ8a6rg0QaU?t=1543
相反話以前syllabus 深過而家?除非用到著名既1953年小學會考去比,否則我又認為未必係以前深過而家。
而家小一小二已經讀深到仆街既英文,網上仲成日流傳高小要計埋呢D on9數,例
ABCD x AB = CEDCD
ABCDE分別是甚麼數字?
以前邊有咁痴線