出蕁麻疹點算好

我今年做多左運動就未出過
之前番工一出就辛苦到仆街

慢性尋麻疹 chronic spontaneous urticaria 靠普通 H1 blocker 如 Zyrtec 好難搞得掂，可以考慮加埋 H2 blocker，即一般抑壓胃酸嘅藥如 Famotidine。

但其實依家對於用 H1/H2 醫慢性尋麻疹都無反應後，首選嘅一線藥，係一隻叫 Xolair 嘅皮下注射鏢靶藥，效果非常好，但藥費非常高。

利申：過來人

出到一達達好柒
次次啲人見到你咁樣都會問你做咩
我連做gym都出風癩

又開始冬天啦
諗緊洗唔洗試下搽椰子油嗰啲

我出咗兩三個月，每次發都係夜晚9點幾開始嚟料，呢排好似嚴重咗，半夜瞓瞓下發到全身都係 ，痕到瞓唔到要起身食治敏速，食一粒治敏速可以頂到2～3日唔發，但唔通要食成世

岩岩睇完專科話我呢個係慢性蕁麻疹，無得醫架 ，食藥只係治標不治本⋯⋯

之前都無發而家先知自己有，唉..

咁醫生話可以點做？
我都想去睇專科

無得搞.呢啲嘢暫時無藥可以斷尾, 而家食果啲藥都係治到下一陣.其實治標不治本方法. 咁留意番治敏源頭就得. 咪網上google search 到一大堆嘢講法一樣lor.

出疹有可能係免疫系統過強 肥大細胞太強過敏
食多啲維他命想佢死？

睇你情況似膽鹼性蕁麻疹
熱 壓力 強烈運動 緊張 就會有
但只要降溫好快消疹

咁真係唔清楚了，但早啲訓多啲休息都唔會係錯事掛，食維他命嘅野想講例如橙果啲...

如果早訓左食多啲維他命嘅野果排出少左咁咪繼續，出多左咪stop

樓豬都係聽番醫生建議

我又係呢大半年開始有
以前一直皮膚都好好，亦都冇話咩食物敏感
完全係突然間出現
多數係手肘，手臂，腳腕腳面同屎忽生
一到夜晚就發
但係就唔算太痕
第二朝瞓醒就散曬

暫時睇過一次西醫，未睇中醫
亦都有食益生菌之類
但唔覺有咩效果

如果真係好痕又唔想食敏感藥的話
可以試下搽曼秀雷敦果隻ad 軟膏
我覺得效果幾好，搽完止到痕同埋一兩個鐘後就散

我又係咁 由細到大都冇話對咩敏感
兩三個月前開始嚟料
早兩晚半夜發到全身都係咁滯
嗰下真係明白點解啲人皮膚病會想輕生

即係俾成千蚊去聽啲google都搵到嘅資訊

呢啲係咪蕁麻疹？痕咗好幾日

睇落唔多似
蕁麻疹係一舊舊

冬天到了 大家有冇潤膚霜好推介？

我一講話蕁麻疹，佢講果堆嘢都熟口熟面。check完一陣講一輪嘢，出去，完，等拎藥....

跟住俾三個星期藥食，有啲嚴重先食，有支藥膏塗下，盛惠1200

蕁麻疹專家

分2種

一係急性/短期
原因好多, 食物敏感, 環境敏感, 突然壓力... 總有一樣野trigger 到你
冇乜好做, 都係個句, 遠離致敏原, 如果你知係乜的話
同埋唔好R, 越R越仆街
食藥, search 下抗組織胺, 醫生通常俾 chlorphen, 即係傷風感冒收鼻水個隻眼瞓藥, 冇所謂可以食呢隻, 如果要唔眼瞓, 可以食第二代藥Cetirizine, 呢隻好似要request 醫生先會俾，我估計貴少少掛
通常過一排會冇事

超過三幾個月就叫長期
藥呢就繼續食啦，間唔中轉下防止抗藥性，同埋堅持唔好試類固醇，上面一嚟叫你食類固醇嘅你可以車巴佢
呢個時間西醫幫唔到你，試吓中醫
講到底都係免疫系統失調, 係中醫叫營衛失調，太寒太熱太濕太多風... 事但啦
去試個啱你嘅中醫，煲中藥調理一排，希望可以斷尾。

我以前斷過，而家又嚟， 不過今次麻煩好多


銀包長期袋定幾粒Cetirizine，唔對路唔好R, 即刻啪粒藥，好快見效。

PS. 剛剛係巴士先生吞咗粒藥

其實蕁麻疹係免疫力問題， 唔係皮膚病， 擦藥膏係冇用， 都係個啲抗組織胺成份， 但滲透力太低太慢， 痕死都未生效。所以食藥啦， 唔好擦藥膏啦。

屌咁我不如睇我樓下個普通醫生，又係俾抗敏藥，食兩個禮拜都冇再發，都係$380

其實蕁麻疹發作真係好辛苦， 不過係可以解決㗎
食藥見效，真係唔得入急症室打針，但皮膚起碼冇穿冇爛
濕疹個啲真係求生不得求死不能， 唔同level

而家試下每日飲一粒康鈣C睇下有冇用，不過我估都冇乜希望

做運動！係會痕到仆街，變硬連埋一舊舊，日子有功就會好