出蕁麻疹點算好

記得帶口罩長衫長褲包實自己先，然後再用濕布清潔，唔係清潔果時吸番哂你仲辛苦。尤其係張床同枕頭要用dyson或者除蟎機，普通吸塵機我試過一係唔夠力吸，一係吸完噴番出嚟。

我試過屋企著襪，隻腳板又無出疹喎，除咗之後一陣又出番

講一講自身經驗，希望可作參考
本身我好瘦，重110 左右，幾年前手臂開出一點點紅點同由少少痕。
我就無乜點理。之後越出越勁，連腰腳都有。
只要一熱，就會出，雖然一個鐘左右就散，但都搞到我夏天好怕出街。
出蕁麻疹持續左2，3 年。中西醫，check敏感原，唔食d 乜，要食d 乜，唔掂d 乜，全部要做都做晒。
但最終都冇用。本身諗住呢一世都有。認命了。

前年開始，我由正職轉做freelance，屋企做野。
因為多左時間響屋企。我就屎忽痕想試下增肥同做少少健身。
咁我就勁食野，由重110 變到130。
之後意想不到事發生了。
果年，成年都冇出過疹了。

正當我本身以為斷尾。
呢幾個月，影結婚相時，見到自己肥到好樣衰，自己接受唔到自己肥左嘅樣。就開始返減肥...同停左做運動
點知一瘦返，惡夢就返翻嚟。兩星期前，d 疹開始出返嚟。

所以我覺得應該關免疫能力事。
如果樓主本身好瘦，我建議食返多d 野。
如果係肥嘅，就試下食建康d，好似其他巴打講，食下維他命，或做下運動，增強返免疫力。
當然，出蕁麻疹其實好多原因，可能我自己係因為太瘦關係。
有d 人可能對食物敏感，或壓力等等。
搵出原因係最重要。

我而家開始食返多d 嘢。
希望我經驗幫到你。

我不嬲都有做開運動，係早排有少少健康問我而煩惱，自己又瘦左成個碼，我不嬲無出開呢啲疹呀敏感果啲嘢，出咗蕁麻疹先一個月，我都唔明點解會突然間會出，呢幾日仲出得密左同身都有出，睇左中醫，西醫都無用 ，有時坐坐下好痕 就見到佢出左診啦，

我明呀，我都係咁。出咗成半年，成日反反覆覆。

我又試過，真係壓力大出示，仲會影響埋血壓急升

所以而家出疹，盡量控制自己情緒，同壓力

其實我覺得睇中西醫係冇用
我睇過一個case 係講，佢又係冇la la 出蕁麻疹，唔知咩原因，試晒好多方法都冇用。
之後有一次睇牙醫，發現某隻牙有問題，醫好左，蕁麻疹就冇再出。

其實蕁麻疹可能係身體一個警號，話比你聽你身體有問題
每個人唔同。真係要搵出原因。

如果你胃口好返d，試下食返多少少嘢，或補充下維他命。

戴返頭盔先，個人意見，未必正確...

又咁岩嘅，我岩岩呢期又係醫緊隻牙喎，又係整牙先嚟有出疹

去做敏感測試啦

利申：出咗幾年，前排做咗，塵蟎絕症

過來人 做完盲腸炎就有 飲d海帶湯同埋食d益生菌
過一排就無野

同路人，本身幾十年冇乜點，最多一年兩三次，但兩個月前開始日日出，做咗好多檢查都冇原因，索性放埋一邊做返運動（之前有做開，出疹食藥食到謝冇動力做），的起心肝郁返情好咗少少，至少兩三日冇發作

我出左半年，日日夜晚都出，中醫西醫睇過都冇用，但係食抗組織安好快就會散，叫做治標唔治本。
依排好返好多，主要原因係離開左壓力源頭

夜訓都會出

依家冇人會講風癩

其實我都知蕁麻疹即係風癩。
但我覺得兩者又有少少唔同。
風癩，係突出黎，1cm 大細左右，似被蚊咬。
但我呢隻疹係一點點1mm，2mm 左右，平嘅。
當然有d 係有劃痕型
好多種。

我想區別呢隻疹同風癩有d 唔同。先用蕁麻疹。

利申，風癩我都有出。

你皮膚都幾容易出問題，敏感測試應該幫到你

敏感測試都做過了。
又係乜都敏感。

但我食多d 野，同做運動反而有一年係好左。
而家我停左增肥同冇做運動就出返

我諗我case 係免疫力問題...

我都係一堆好細ge紅點
成日出係前臂同大脾兩側

好痛苦😖，而家手掌 前臂 腳掌成日出 一壓到就會出

我上星期又係無啦啦出，從前未試過皮膚敏感
去診所打咗枝針先叫好啲
而家又好似想出痕痕地

睇字都覺得辛苦，沖涼太熱都關事？幾多度