入黎放低你隻龜 5

中間偏上 2021-02-16 01:23:08

我平時畀 6cm 水 only
睇黎加多啲水好

果啲活性碳生化棉夠唔夠做？
我仲加左內 uv 燈既過濾
又有果啲著床濾材

我成日想長期唔使換水

不過我隻龜大部份時間唔係水入面
自己周圍爬
晒太陽，或者入 bunker
食野飲水先入水

Fowlerkkm 2021-02-16 08:22:42

唉，隻龜女軟殼好番的，又有嚴重肺炎，已睇醫生

Justitian 2021-02-16 08:44:57

揸緊信念 2021-02-16 08:49:00

有冇人買新龜？
近排見d龜平左

pliskin 2021-02-16 12:29:21

先講明其實水點都要換，最好每日換＞3分1既水，最好一半水，因為新鮮水對於佢地黎講係必需，但換一半水個工序同換全水洗缸係兩回事，配合埋適合既抽水換水工具可以慳好多精力咁解，而唔換全水既主要條件大水大濾有可以增加觀賞角度，創造更多活動空間，躲避空間同訓教空間，呢d空間又會有礙換全水養法既清理，所以兩者係相互影響既，而龜大左有人俾唔唔到再更加大既空間去大水大濾，亦係原因，取捨下日日換全水，離居住水體食野同排泄都係一個易養既出路，呢點就要睇個人取捨了

而大水大濾深水養法有個前題就係隻龜到底游唔游到咁深水，之後最好攪清楚一d水族知識

就係到底要唔要用化學過濾
唔用化學過濾既話，就增強物理過濾既可靠性，大量勤換既活性碳，大量白棉，你用埋水內uv既話，有屎即吸，缸外餵食，我諗頂到一兩日d水少少混濁，同樣換水既頻率做到化學過濾個效果，但應該一個星期左右就要洗下缸底

用化學過濾既話就要補充返d水族養魚智識，再變化下，好似養魚既水流量一般係每小時5至8倍水體，養水除氯，陶瓷環生化棉養硝化菌，穩定水質，放係龜度水體既硝化能力最好有魚既兩倍甚至以上，好似水流量去到10倍，15倍水體，最好用濾桶加個前置放更多既養菌面積，唔用底濾係因為你仍然有必要去洗缸底之類，而龜唔會好消耗水中氧氣，所以唔駛打氣類既濾水器，水流量太大可改做水底出水，因為唔駛雨淋管響水面造溶養，可以當佢係一個勁密集既魚缸咁去調較

而且撤走你個水內uv，呢個係人地草缸殺菌防爆藻用，要用強大既化學過濾既話水內uv會殺左一部份異營菌，令硝化菌既營養含量減少

異營菌同硝化菌既關系，如何培養，濾材組成等可以睇d養水撚養法，網上好多呢d文章
關鍵既分別係佢地養魚會攪溶氧，龜係唔駛，水流變換已經有交換夠氧俾d菌，同硝化系統會再極端要求高，同要諗點先適合你洗缸，同埋d底材一律唔用，好似養魚佢可以一個diy頂濾就夠，你養龜就唔好諗，大濾桶，佢地會用底材穩定水質，但d底材阻你洗缸，有機會俾龜誤食

活性碳會有機會吸附所有菌類既營養物質，所以要因應環境調節，有幾大部份人養魚係唔用活性碳，但龜我覺得係必要，可以由少量到大量咁調節，留意水色黃既濃度，唔好俾佢響你既換水週期內好黃就得

同埋要培菌就要除氯，養魚既人有一部份要求水既ph值同化學物含量，又唔駛成日換水，所以佢地會傾向哂水，儲新水打氣等去除氯，而養龜我覺得唔駛咁在乎除氯劑帶黎既微量化學元素，又要勤換水，所以用除氯劑方便自己我個人認為冇問題既，除氯劑同氯既反應式其實好單純，主要係將氯產生反應變氯化納即係鹽，隱憂係水會因此變酸好少好少，同佢同其他物質反應出其他物質，呢個根據唔同除氯劑品牌而有所不同，反之龜都對呢d唔敏感，兼夾用傳統養水方法一般家庭環境根本難以養出龜所需求既新水量，跟唔上個換水速度，所以我都買大牌除氯劑去解決化學過濾既換水問題

當然你用勁既，單純既物理過濾，就唔駛諗咁多野，只係換水再勤d，離缸餵食，吸屎勤咁樣，睇你肯俾幾多心力去個缸，以後就慳幾多心力咁樣囉

中間偏上 2021-02-16 14:33:36

多謝有心機回答