入黎放低你隻龜 5

咁生猛返未

頂，啱啱發現隻龜龜有軟殼病，唔怪得呢排冇食慾

陸龜難唔難養？

lm

點解既？太耐冇晒太陽/UVB?

會每日曬太陽，半個鐘至一個鐘左右，冇太陽先照UVB，但入冬後，由每日食三餐，變幾日先肯食幾隻蝦，糧就死都唔肯食，餵佢都吐番出黎，唔知係咪咁，吸收少咗蛋白質同鈣質，而家比埋鈣粉佢浸身

求link

紅耳巴西大概幾耐會生蛋？
養左大慨5,6年
一路冇搵野比佢挖黎生蛋
係咪有問題

可能要用暖管了，等佢開返口食野

一直有用暖管，21 22度已經都開

屌隻草龜個殻啲青苔刷唔走
好似喺入面咁
點搞

你有開暖管既話換水點處理?
同埋凍果幾日要開高少少，度過水溫凍起上黎有3，4度浮動，熱少少唔緊要既，人工飼養底下佢主要熱量黎自水

20度隻龜就少食同活動能力下降喇
岸上最好最熱位有30度，唔係死都唔上水曬燈

龜糧唔食就換糧試下啦
同埋你本來3餐叫多，一日3餐一個龜頭量都會比一日朝早一餐一個龜頭量難消化易食濟，佢地會係日間搵高溫機會加速消化，入夜佢地就想幽眠喇會好慢消化
有可能隻龜本身食濟左，加上溫度浮動唔適應，就吸收少左好多

有瀘水，每日都會分批換少少水，如果屙咗屎，就會成缸換，食野時會放落一個細的既缸，食完就睇佢2，3個鐘屙唔屙屎

我隻紅耳好得意，怕熱唔怕凍，用花灑幫佢沖身，佢少少暖水都鋼起晒，唔like，要用接近凍水

夏天食野，每餐都搶住食，好似餓好耐咁，食成最少20粒龜糧加20隻蝦，好大食，所以8個月時間已經由10cm大到17cm

仲有而家夜晚瞓覺，會上平台唔落水

其實真係食得太多了

試下入秋開始節食，下年可能會好d

同埋對冷暖水既認知龜同人係兩回事，你既體溫令你有落差

好似一般情況下人手心溫度35，6度，手指都過30度，所以普遍，非特別原因下，龜唔鍾意人手，你覺得係暖既水，已經係over左40度，隻龜直頭覺得係地獄，因為佢會本能覺得熱係危險，所以逃走，凍係要承受，所以會較低身體機能去承受，但唔代表佢鍾意20度以下

我講較暖d，係睇返暖管個輸出，水溫25至28，你仍然會覺得d水係涼，但如果28度暖管響冬天凍果幾日，都只係keep到22至25水溫，如果一般只用適溫20至25度暖管，水係會低於20度，因為佢長期係水，咁佢機能就會慢，入準備冬眠既狀態少食野，所以寧願較暖d，28甚至30度暖管，反正天氣凍水體失溫快，佢會識走去自己適溫既水域，所以驚佢冬天唔食野，食濟之類，可以留意返個暖管是否真係夠熱，唔係開25就係夠25，特別凍果幾日，開適溫區反而會跌左落低溫區

長知識了

想問下有冇咩濾桶可以同個龜箱平排放? 來緊會轉用IKEA 56x39x28cm膠箱，水深預10-12cm左右，初初想用EHEIM 2213, 不過好似太勁同埋要低過個缸，唔想日日成缸水換

勁濾水淺好大浪d龜頂唔緊的
如果受到俾到，俾個高身少少既缸，去到20cm+既水，咁就可以做底流，隻龜又易游水又多，個濾又可以勁，咁就真係唔駛成日換水了

eheim221x系列好似一定要低過水體，你缸擺上架／枱吧

不過我之前用落個體驗應該佢係為左確保個理論壽命同理論水流先會話要放低於水體，佢係可以運作既

之後我換左缸要用盡個水流又放返落枱底了

同埋想用1日至3日換半水既方式養，最好真係水大，流量大，想慳心力唯有咁，畢竟d龜屎尿太勁，同埋有夠深水可以整水底洞，水中到水面斜枱，加上底流助浮，就算水性唔係極好既龜都應付到20＋水深之餘有齊躲避同訓教地方，同埋最好俾層活性碳，龜尿唔易代謝，會水黃，長遠對佢腎唔好，想完全清就要用活性碳

多謝你既意見，不過真係冇地方擺個好高既缸，除左濾桶外仲有冇咩好選擇？
滴濾我都有諗過，又係高度問題