《後續》（四）
我調返嚟香港做嘢已經幾個月。
喺太古間書店嘅飲品區幫手，我感受到禾姍嗰時喺度返工應該都幾悶。
好彩梓軒都嚟咗做兼職幫我解吓悶，佢話佢都要識返個台妹喎。
今日係書店一年一度嘅奶茶買一送一優惠，多人得好緊要。
我同其他幾個職員都手忙腳亂，忙到連氣都無時間唞。
沖吓沖吓，我見到前方嘅人群突然紛紛散開。
原來係有網台做緊訪問，大家都唔想入鏡。
我嘅視線亦好自然望到做緊訪問嘅嗰個女仔。
個女仔戴住帽，頭髮黑黑長長，好熟口面，有啲似……
我行到另一個位置，瞇起眼嘗試再睇清楚一啲。
真係好似佢。
「喂搞咩啊停哂手嘅？」梓軒撞一撞我令我回過神嚟。
我搖搖頭繼續做嘢，但仍然忍唔住係咁偷望個女仔。
個訪問似乎完咗。
佢行緊出門口喇。
唔得，我一定要睇清楚。
「好急屎一陣返嚟，頂住先。」我大聲向幾個同事講咗一句，就除低圍裙準備跟出去。
「死仔依家先嚟……」
我知道我唔跟出去睇嘅話一定會好後悔。
[愛情][奇幻] 麥東冬
YY44
105 回覆
8 Like
2 Dislike
《後續》（五）
個女仔雙手拎住嘢飲，不慌不忙咁行落兩層電梯，行出商場門口，向公園嗰邊方向行。
我一路跟住佢，保持住一定距離。
入到公園，我忍唔住行快兩步想迎面睇清楚佢個樣。
當我差唔多追到上去嘅時侯，望到有樣好大件嘅嘢從天跌緊落嚟！
緊急之際，我下意識即刻一手拉開個女仔，拖佢埋一邊有瓦遮頭嘅位置。
「嘭！！！」
一聲巨響，吸引公園所有人都望過嚟，再望上樓上，討論發生咩事。
我亦係咁望上上空，諗緊會唔會仲有嘢跌落嚟。
「唔好意思…」個女仔細細聲對我講，我先意識到原來我仲捉住佢隻手。
「啊…對唔住。」我即刻放開手。
我望住佢手上得返一杯嘢飲，再望一望地下倒瀉咗嗰杯。
「唔好意思啊！整瀉咗你杯嘢！我係嗰邊書店職員嚟，我整返杯畀你吖！」我難堪又著急地講。
佢搖頭揮手：「唔緊要啊好小事！唔該哂你救咗我啊！」
在場嘅人都似乎進入咗緊急狀態，要避開嘅避開，要八卦嘅八卦。
唯獨我同個女仔靜靜咁肩並肩企喺度。
我打破沉默，帶點緊張：「啱啱喺書店見到你做訪問。你一個人飲到兩杯咁多？」
「唔係啊，我約咗屋企人喺度等，見佢未到我去湊熱鬧買啲嘢飲咋。」佢回答。
「哦～原來係咁。我叫東冬啊，你……」我微微打側身望向佢，打算問佢叫咩名。
突然有個女仔趕過嚟對佢講：「阿晴你有無事？痴線㗎！點會成張床褥掟落街㗎？！想殺人咩！」然後好激動咁指住上面嘅單位不斷破口大罵。
我同佢望住個女仔咁誇張嘅反應，對望而笑。
個女仔雙手拎住嘢飲，不慌不忙咁行落兩層電梯，行出商場門口，向公園嗰邊方向行。
我一路跟住佢，保持住一定距離。
入到公園，我忍唔住行快兩步想迎面睇清楚佢個樣。
當我差唔多追到上去嘅時侯，望到有樣好大件嘅嘢從天跌緊落嚟！
緊急之際，我下意識即刻一手拉開個女仔，拖佢埋一邊有瓦遮頭嘅位置。
「嘭！！！」
一聲巨響，吸引公園所有人都望過嚟，再望上樓上，討論發生咩事。
我亦係咁望上上空，諗緊會唔會仲有嘢跌落嚟。
「唔好意思…」個女仔細細聲對我講，我先意識到原來我仲捉住佢隻手。
「啊…對唔住。」我即刻放開手。
我望住佢手上得返一杯嘢飲，再望一望地下倒瀉咗嗰杯。
「唔好意思啊！整瀉咗你杯嘢！我係嗰邊書店職員嚟，我整返杯畀你吖！」我難堪又著急地講。
佢搖頭揮手：「唔緊要啊好小事！唔該哂你救咗我啊！」
在場嘅人都似乎進入咗緊急狀態，要避開嘅避開，要八卦嘅八卦。
唯獨我同個女仔靜靜咁肩並肩企喺度。
我打破沉默，帶點緊張：「啱啱喺書店見到你做訪問。你一個人飲到兩杯咁多？」
「唔係啊，我約咗屋企人喺度等，見佢未到我去湊熱鬧買啲嘢飲咋。」佢回答。
「哦～原來係咁。我叫東冬啊，你……」我微微打側身望向佢，打算問佢叫咩名。
突然有個女仔趕過嚟對佢講：「阿晴你有無事？痴線㗎！點會成張床褥掟落街㗎？！想殺人咩！」然後好激動咁指住上面嘅單位不斷破口大罵。
我同佢望住個女仔咁誇張嘅反應，對望而笑。
支持
個故真正完咗喇～
再次多謝你(∩´﹏`∩)
我亦開咗個IG：https://instagram.com/taikoomonster
會不定期更新一啲有關於個故仔嘅趣事～
歡迎無論係一路睇緊live，或者將來有緣追返故嘅你 follow
亦隨時可以dm我傾偈
2020年最後一日終於貼哂成個故！相信今年大家都過得好辛苦吧
祝大家2021過得更好;)
係咁多先喇 拜拜ฅ( • ·̫ • ฅ)♡
再次多謝你(∩´﹏`∩)
我亦開咗個IG：https://instagram.com/taikoomonster
會不定期更新一啲有關於個故仔嘅趣事～
歡迎無論係一路睇緊live，或者將來有緣追返故嘅你 follow
亦隨時可以dm我傾偈
2020年最後一日終於貼哂成個故！相信今年大家都過得好辛苦吧
祝大家2021過得更好;)
係咁多先喇 拜拜ฅ( • ·̫ • ฅ)♡
多謝你