[愛情][奇幻] 麥東冬
YY44
105 回覆
8 Like
2 Dislike
多謝繽紛巴
（三十一）吊墜
東冬？！
佢嘅聲音大到隔住車門我都聽到。
但架車短短幾秒已經駛走咗，我來不及反應。
見到佢啱啱跌親，我開始有內疚感。
我係咪應該返去搵佢？
過咗兩個站我先回過神，決定落車返去太古公園。
途中我好不安，躊躇著點向佢解釋好。
喺遠處已經見到佢坐咗喺公園。
我慢慢行去佢身旁，見到佢拎住副爛咗嘅眼鏡，雙目無神。
「咁早嘅今日…」裝作若無其事嘅我隨意講句開場白。
「等咗你幾日啦。」
佢平時都唔會咁冷淡，似乎真係嬲咗我...
我慌忙解釋：「對唔住啊，掛住周圍搵朋友幫手搵吊墜，無同你講。」
「伊琳同我講佢搵過你，係咪因為佢同你講咗啲咩？」佢微微抬起頭問。
坐低喺佢身旁，我繼續解釋：「唔係啊，唔關佢事啊。佢仲話我知原來吊墜仲喺附近，所以我先扚起心肝去搵！」
「咁你可以同我講聲嘛！如果唔係我咁啱去緊搵梓軒，我都見唔到你！」
「吓咁你依家仲唔去…？」我輕聲問。
「我推咗佢喇。」佢將上身傾前，望向前方。
望住佢背面，我感覺到佢真係好擔心我。
「其實你唔使為我做咁多嘢…我唔想影響你所以我先唔想成日見咋…」
「你肯講真話？」佢擰轉頭對我講。
我沉默一陣，再開口：「我好似從來都無話畀你知粒吊墜點解咁重要？」
東冬搖頭。
「我細個嗰陣有養狗仔㗎，我哋同一日出世，但佢喺我哋14歲嗰年開始病，最後走咗。我媽咪知我好唔開心，所以將狗仔嘅骨灰整咗做吊墜畀我當手鍊戴住。佢同我一齊嚟依個世界，一直陪住我，所以好想帶埋佢一齊走，唔想留低佢喺度。」我盡量用平淡嘅語氣講。
東冬坐返直個人，期待嘅眼神希望我繼續講落去。
東冬？！
佢嘅聲音大到隔住車門我都聽到。
但架車短短幾秒已經駛走咗，我來不及反應。
見到佢啱啱跌親，我開始有內疚感。
我係咪應該返去搵佢？
過咗兩個站我先回過神，決定落車返去太古公園。
途中我好不安，躊躇著點向佢解釋好。
喺遠處已經見到佢坐咗喺公園。
我慢慢行去佢身旁，見到佢拎住副爛咗嘅眼鏡，雙目無神。
「咁早嘅今日…」裝作若無其事嘅我隨意講句開場白。
「等咗你幾日啦。」
佢平時都唔會咁冷淡，似乎真係嬲咗我...
我慌忙解釋：「對唔住啊，掛住周圍搵朋友幫手搵吊墜，無同你講。」
「伊琳同我講佢搵過你，係咪因為佢同你講咗啲咩？」佢微微抬起頭問。
坐低喺佢身旁，我繼續解釋：「唔係啊，唔關佢事啊。佢仲話我知原來吊墜仲喺附近，所以我先扚起心肝去搵！」
「咁你可以同我講聲嘛！如果唔係我咁啱去緊搵梓軒，我都見唔到你！」
「吓咁你依家仲唔去…？」我輕聲問。
「我推咗佢喇。」佢將上身傾前，望向前方。
望住佢背面，我感覺到佢真係好擔心我。
「其實你唔使為我做咁多嘢…我唔想影響你所以我先唔想成日見咋…」
「你肯講真話？」佢擰轉頭對我講。
我沉默一陣，再開口：「我好似從來都無話畀你知粒吊墜點解咁重要？」
東冬搖頭。
「我細個嗰陣有養狗仔㗎，我哋同一日出世，但佢喺我哋14歲嗰年開始病，最後走咗。我媽咪知我好唔開心，所以將狗仔嘅骨灰整咗做吊墜畀我當手鍊戴住。佢同我一齊嚟依個世界，一直陪住我，所以好想帶埋佢一齊走，唔想留低佢喺度。」我盡量用平淡嘅語氣講。
東冬坐返直個人，期待嘅眼神希望我繼續講落去。
（三十二）諾言
「佢以前一直都好中意痴住我，嗰年我買咗隻飛碟日日同佢玩，佢亦都好中意咁又追又跑。有一日玩完之後，返到屋企佢就暈低咗。去到寵物醫院先知原來佢有心臟病，唔可以玩得咁激烈。」我望一望東冬，繼續講：「而我竟然喺佢身邊咁耐都察覺唔到。每次諗起佢，我都仲係覺得好自責，依種感覺好難受。」
「依個就係你避開我嘅原因？」佢問。
「嗯。我唔想再有人因為我而有事。」
「但最少佢最後嘅時間，就算身體唔舒服，同你一齊佢都係最開心嘅。如果無你陪住佢先係最遺憾，唔係咩？」
「唔通我明知你因為我而身體變差都要繼續見？我相信如果換轉係你，你都會同我一樣咁做。」我反駁。
「我一定唔會好似你咁一句都唔講就走咗去。」
「咁我依家話畀你知。」
我同東冬嘅態度都浮躁起嚟。
不出所料，我哋為咗依個問題而爭論起嚟。
氣氛變得緊張，我哋背對著，沉默無語。
過咗一陣佢突然轉身面向我，目光放柔：「你唔好再失蹤，好唔好？」
「其實我本身只係想見少一啲，但未諗到一個好嘅解決辦法，所以先離開吓...」冷靜返嘅我語氣亦都變返溫和。
佢嘆一口氣講：「咁我哋之前講過一齊搵粒吊墜依家仲算數㗎呵？」
「一係我哋分頭行事，盡量少見啲？」
「我可以應承你見少啲，但你之前都應承過我會同我去踩單車，我好希望你可以暫時擺低今晚嘅事。」
有時明知道繼續落去對大家都唔好，但總係唔知點樣分開。
我都好想學吓東冬咁唔理性。
我企喺大廈門外，同佢揮手講再見。
打開門之後，佢回頭對我講：「我好想嗰日真係會再見到你。」
然後就喺轉角消失。
「佢以前一直都好中意痴住我，嗰年我買咗隻飛碟日日同佢玩，佢亦都好中意咁又追又跑。有一日玩完之後，返到屋企佢就暈低咗。去到寵物醫院先知原來佢有心臟病，唔可以玩得咁激烈。」我望一望東冬，繼續講：「而我竟然喺佢身邊咁耐都察覺唔到。每次諗起佢，我都仲係覺得好自責，依種感覺好難受。」
「依個就係你避開我嘅原因？」佢問。
「嗯。我唔想再有人因為我而有事。」
「但最少佢最後嘅時間，就算身體唔舒服，同你一齊佢都係最開心嘅。如果無你陪住佢先係最遺憾，唔係咩？」
「唔通我明知你因為我而身體變差都要繼續見？我相信如果換轉係你，你都會同我一樣咁做。」我反駁。
「我一定唔會好似你咁一句都唔講就走咗去。」
「咁我依家話畀你知。」
我同東冬嘅態度都浮躁起嚟。
不出所料，我哋為咗依個問題而爭論起嚟。
氣氛變得緊張，我哋背對著，沉默無語。
過咗一陣佢突然轉身面向我，目光放柔：「你唔好再失蹤，好唔好？」
「其實我本身只係想見少一啲，但未諗到一個好嘅解決辦法，所以先離開吓...」冷靜返嘅我語氣亦都變返溫和。
佢嘆一口氣講：「咁我哋之前講過一齊搵粒吊墜依家仲算數㗎呵？」
「一係我哋分頭行事，盡量少見啲？」
「我可以應承你見少啲，但你之前都應承過我會同我去踩單車，我好希望你可以暫時擺低今晚嘅事。」
有時明知道繼續落去對大家都唔好，但總係唔知點樣分開。
我都好想學吓東冬咁唔理性。
我企喺大廈門外，同佢揮手講再見。
打開門之後，佢回頭對我講：「我好想嗰日真係會再見到你。」
然後就喺轉角消失。
（三十三）心中
過去嘅幾晚我同東冬都無再見面。
我用依幾晚嘅時間整頓好心情，最後決定遵守承諾去踩單車。
所以今日，同之前去Cafe一樣，我預先去到目的地等東冬同禾姍。
沿路上我不斷提醒自己要擺低唔開心嘅事，而且希望一切都會順利。
喺月台等咗好耐，終於見到佢哋兩個落車。
東冬左望右望，我估係搵緊我。
我慢慢跟喺佢哋後面，保持住一定嘅距雜。
上到地面，我先醞釀足夠嘅勇氣上前去到東冬身旁。
「喂。」我望住前方講。
東冬顯然被嚇一嚇，輕輕撞咗落禾姍度。
「怎麼了？」禾姍問，同時望向我依邊。
「沒事…」東冬答完禾姍之後，對住我瞇起眼微笑著。
沿路我哋三個並肩而行，其實無見東冬幾日，我已經有好多說話想同佢講。
但我只係可以默默咁睇住佢哋兩個傾偈。
佢哋依種咁簡單正常不過嘅相處，對我嚟講原來係咁遙不可及。
喺租單車嘅場地，佢哋兩個各自租咗一架車。
「唔好意思啊老闆，我依架想換架有後座嘅。」東冬向單車老闆講。
老闆、禾姍同我都同時望向佢。
「哦無問題...你哋坐嗰陣小心啲就得喇。」老闆對東冬同禾姍講。
我見到禾姍面向側邊偷笑，再偷望東冬。而東冬咩都無講，只係對我笑一下。
去到單車徑，臨出發前東冬問禾姍：「欸其實啊...我騎腳踏車不是很厲害，等一下速度可以慢一點嗎？」
「當然可以啊！我也想輕輕鬆鬆的看風景。」
東冬坐上單車，向我打一打眼色示意叫我坐上後座。
『係咪真係得㗎...我以前都未試過咁坐，我依家仲要係...』我呆咗咁企喺單車側邊，有啲猶豫。
佢趁禾姍唔為意，一手拉咗我上車，再將我對手圍住佢條腰，我亦無奈就範。
「準備好了嗎？開車囉！」東冬講。
我同禾姍異口同聲：「嗯！」
今日天氣好好啊，有啲陽光但又唔太熱，有時仲會有一陣微涼嘅風吹過。
望住沿路嘅風景，好似所有煩惱喺依一刻都唔再重要，只係想好好咁享受依一刻。
「你諗緊咩？」我問佢。
「無啊諗緊首歌即嘛。」佢擰一擰轉頭細細聲講。
「唱出嚟吖。」
「一陣又話我發音唔準...」
「唔會啊，我想聽。」
「是你給阮一個夢 未記人生的苦澀 真正想要對你講 甘擱有別項
是你放阮一個人 走過風雨的思念 真正想要對你講 心中無別人......」
我合埋眼，將耳仔貼落佢背脊，想將每個音都聽得透徹。
身貼身嘅距離，再次令我有股暖流運行全身。
最近有種直覺，好似一切隨時都會完結。
雖然佢喺我身邊嘅時候，都會有一種強烈嘅安全感，但就係因為依種安全感，令我覺得好不安。
我唔知道如果無咗佢嘅話，我會變成點樣。
我緊緊咁攬住佢，好想好想以後都同佢一齊。
過去嘅幾晚我同東冬都無再見面。
我用依幾晚嘅時間整頓好心情，最後決定遵守承諾去踩單車。
所以今日，同之前去Cafe一樣，我預先去到目的地等東冬同禾姍。
沿路上我不斷提醒自己要擺低唔開心嘅事，而且希望一切都會順利。
喺月台等咗好耐，終於見到佢哋兩個落車。
東冬左望右望，我估係搵緊我。
我慢慢跟喺佢哋後面，保持住一定嘅距雜。
上到地面，我先醞釀足夠嘅勇氣上前去到東冬身旁。
「喂。」我望住前方講。
東冬顯然被嚇一嚇，輕輕撞咗落禾姍度。
「怎麼了？」禾姍問，同時望向我依邊。
「沒事…」東冬答完禾姍之後，對住我瞇起眼微笑著。
沿路我哋三個並肩而行，其實無見東冬幾日，我已經有好多說話想同佢講。
但我只係可以默默咁睇住佢哋兩個傾偈。
佢哋依種咁簡單正常不過嘅相處，對我嚟講原來係咁遙不可及。
喺租單車嘅場地，佢哋兩個各自租咗一架車。
「唔好意思啊老闆，我依架想換架有後座嘅。」東冬向單車老闆講。
老闆、禾姍同我都同時望向佢。
「哦無問題...你哋坐嗰陣小心啲就得喇。」老闆對東冬同禾姍講。
我見到禾姍面向側邊偷笑，再偷望東冬。而東冬咩都無講，只係對我笑一下。
去到單車徑，臨出發前東冬問禾姍：「欸其實啊...我騎腳踏車不是很厲害，等一下速度可以慢一點嗎？」
「當然可以啊！我也想輕輕鬆鬆的看風景。」
東冬坐上單車，向我打一打眼色示意叫我坐上後座。
『係咪真係得㗎...我以前都未試過咁坐，我依家仲要係...』我呆咗咁企喺單車側邊，有啲猶豫。
佢趁禾姍唔為意，一手拉咗我上車，再將我對手圍住佢條腰，我亦無奈就範。
「準備好了嗎？開車囉！」東冬講。
我同禾姍異口同聲：「嗯！」
今日天氣好好啊，有啲陽光但又唔太熱，有時仲會有一陣微涼嘅風吹過。
望住沿路嘅風景，好似所有煩惱喺依一刻都唔再重要，只係想好好咁享受依一刻。
「你諗緊咩？」我問佢。
「無啊諗緊首歌即嘛。」佢擰一擰轉頭細細聲講。
「唱出嚟吖。」
「一陣又話我發音唔準...」
「唔會啊，我想聽。」
「是你給阮一個夢 未記人生的苦澀 真正想要對你講 甘擱有別項
是你放阮一個人 走過風雨的思念 真正想要對你講 心中無別人......」
我合埋眼，將耳仔貼落佢背脊，想將每個音都聽得透徹。
身貼身嘅距離，再次令我有股暖流運行全身。
最近有種直覺，好似一切隨時都會完結。
雖然佢喺我身邊嘅時候，都會有一種強烈嘅安全感，但就係因為依種安全感，令我覺得好不安。
我唔知道如果無咗佢嘅話，我會變成點樣。
我緊緊咁攬住佢，好想好想以後都同佢一齊。
（三十四）特別的人
今次同上次唔同，東冬專登將時間安排到我搭車返太古先。
行返公園嘅途中，我喺佢哋隔離靜靜咁聽佢哋傾偈。
佢哋傾傾吓，禾姍突然講：「欸東冬，其實…我後天晚上就要回台灣了。」
「吓？！」東冬同我一樣反應，好愕然。
「我來香港是為了協助新店的運作，現在一切都在軌道了，所以台灣那邊就要求我回去囉。」禾姍解釋。
「回去了就不會再回來嗎？」東冬問禾姍。
「這邊再有新店的話也說不定會再來啊。哎喲我也是可以來香港看你啦，不一定是來工作的。」
「你應該早點告訴我嘛，那我今天就請你吃一頓好的來告別你，也謝謝你經常請我喝的珍奶。」
「小意思啦，你是特別的客人嘛。欸你知道我對你第一印象是甚麼嗎？是我在一段訪問影片看到你，你超可愛的！我都翻看了好幾遍，笑死我了哈哈哈！」禾姍輕輕撞向東冬。
「我有多尷尬你知道嗎...不要再提醒我啦！」
「哈哈好啦好啦。不過說真的，我來香港後最開心的事是認識東冬你...」
我望住禾姍，見到佢有少少面紅，唔敢望向東冬。
有種直覺，唔通禾姍對東冬都…
「認識你我也很開心啊！如果不是你，我也不會學國語和台語！」東冬笑住講。
「哈哈，我本來也有想過一下不如叫你教我廣東話，但後來又忘記了！」
「看來我們記憶力都一樣差耶！唉啊～不知道甚麼時候才見面了。」
「是啊...我回去台灣後，你還會繼續找我聊天嗎？」
「當然會啊！！這還要問嗎？傻瓜。」東冬輕輕拍禾姍個頭。
「哈哈說到做到喔！」
「一言為定！既然沒有跟你餞行，最少讓我送你機吧！」
「嗯！好哇！」禾姍腼腆一笑。
送完禾姍返屋企，我同東冬留喺公園傾偈。
今次同上次唔同，東冬專登將時間安排到我搭車返太古先。
行返公園嘅途中，我喺佢哋隔離靜靜咁聽佢哋傾偈。
佢哋傾傾吓，禾姍突然講：「欸東冬，其實…我後天晚上就要回台灣了。」
「吓？！」東冬同我一樣反應，好愕然。
「我來香港是為了協助新店的運作，現在一切都在軌道了，所以台灣那邊就要求我回去囉。」禾姍解釋。
「回去了就不會再回來嗎？」東冬問禾姍。
「這邊再有新店的話也說不定會再來啊。哎喲我也是可以來香港看你啦，不一定是來工作的。」
「你應該早點告訴我嘛，那我今天就請你吃一頓好的來告別你，也謝謝你經常請我喝的珍奶。」
「小意思啦，你是特別的客人嘛。欸你知道我對你第一印象是甚麼嗎？是我在一段訪問影片看到你，你超可愛的！我都翻看了好幾遍，笑死我了哈哈哈！」禾姍輕輕撞向東冬。
「我有多尷尬你知道嗎...不要再提醒我啦！」
「哈哈好啦好啦。不過說真的，我來香港後最開心的事是認識東冬你...」
我望住禾姍，見到佢有少少面紅，唔敢望向東冬。
有種直覺，唔通禾姍對東冬都…
「認識你我也很開心啊！如果不是你，我也不會學國語和台語！」東冬笑住講。
「哈哈，我本來也有想過一下不如叫你教我廣東話，但後來又忘記了！」
「看來我們記憶力都一樣差耶！唉啊～不知道甚麼時候才見面了。」
「是啊...我回去台灣後，你還會繼續找我聊天嗎？」
「當然會啊！！這還要問嗎？傻瓜。」東冬輕輕拍禾姍個頭。
「哈哈說到做到喔！」
「一言為定！既然沒有跟你餞行，最少讓我送你機吧！」
「嗯！好哇！」禾姍腼腆一笑。
送完禾姍返屋企，我同東冬留喺公園傾偈。
（三十五）想回到過去
「好突然啊...難得你哋開始有進展，佢就要走。」我對坐喺隔離嘅東冬講。
「係囉，好可惜。」佢嘅語氣比我意料中平淡。
「你會唔會唔捨得佢？」我好奇一問。
「嗯...少少啦，但又唔係以後都唔見，台灣同香港好近即嘛。」
係嘅，佢哋要見面唔難。
「叮叮。」
東冬個電話忽然響起。
原來係禾姍tag返佢今日啲相，佢將個電話遞畀我睇。
「影得好靚啊！哈哈雖然我都喺度但佢無tag我…」我講。
「我知道你喺度咪得囉～喂你IG係咩？我想睇吓！」佢好雀躍咁問我。
「你都成日貼嘢㗎喎。」東冬開咗我個account後講。
「係啊，我好中意記錄自己生活嘅依種感覺。」
「最後依個post好多人留言...」
「原來有咁多人都知我已經...唉好懷念以前嘅生活、我啲屋企人同朋友啊...點解係我要死喎！」我怨憤地講。
「雖然你依家無真實咁同佢哋一齊，但佢哋一定無唔記得你！你睇，佢哋仲會成日tag你㗎。就算將來你真係離開咗依度，我都一定會記得你。」東冬安慰我。
其實聽到佢咁講我好感觸，只係佢又提醒咗我總有一日係會離開佢，失落感又浮現。
東冬似乎對我嘅過去好有興趣，每幅相都會認真睇，有唔明嘅地方亦向我問個究竟。
我哋一齊望住電話，並肩而坐，越靠越近，近到我感覺幾乎已經穿入咗佢身體裡面一樣。
同佢一齊睇返以前嘅種種經歷，就好似帶佢回到過去，依種感覺好得意。
佢睇睇吓，開咗一幅相問：「依度係邊度嚟？」
「係我台灣嗰邊間屋嚟。我以前一得閒就會返去探我爸爸。如果我無估錯，我爸爸應該葬咗我返去。你睇唔睇到我戴住條手鍊？」我指住電話問。
東冬諗到一啲嘢咁，興奮地講：「啊之前都諗唔到！我可以將你條手鍊嘅相放上網，問吓會唔會有人執咗粒吊墜！」
「好喎！」
我隨即指示佢開出一幅清楚見到手鍊嘅相。
東冬放大幅相嚟睇，睇咗好耐，然後放低電話。
「點啊？放依幅好唔好？」我問。
「嗯，好。我有啲攰，想返去喇。」佢沒精打采咁答我。
佢無緣無故嘅冷淡令氣氛變得尷尬。
我感覺到佢似乎發現咗啲野，但見到佢無情嘅眼神，我唔敢問，只好目送佢返屋企。
「好突然啊...難得你哋開始有進展，佢就要走。」我對坐喺隔離嘅東冬講。
「係囉，好可惜。」佢嘅語氣比我意料中平淡。
「你會唔會唔捨得佢？」我好奇一問。
「嗯...少少啦，但又唔係以後都唔見，台灣同香港好近即嘛。」
係嘅，佢哋要見面唔難。
「叮叮。」
東冬個電話忽然響起。
原來係禾姍tag返佢今日啲相，佢將個電話遞畀我睇。
「影得好靚啊！哈哈雖然我都喺度但佢無tag我…」我講。
「我知道你喺度咪得囉～喂你IG係咩？我想睇吓！」佢好雀躍咁問我。
「你都成日貼嘢㗎喎。」東冬開咗我個account後講。
「係啊，我好中意記錄自己生活嘅依種感覺。」
「最後依個post好多人留言...」
「原來有咁多人都知我已經...唉好懷念以前嘅生活、我啲屋企人同朋友啊...點解係我要死喎！」我怨憤地講。
「雖然你依家無真實咁同佢哋一齊，但佢哋一定無唔記得你！你睇，佢哋仲會成日tag你㗎。就算將來你真係離開咗依度，我都一定會記得你。」東冬安慰我。
其實聽到佢咁講我好感觸，只係佢又提醒咗我總有一日係會離開佢，失落感又浮現。
東冬似乎對我嘅過去好有興趣，每幅相都會認真睇，有唔明嘅地方亦向我問個究竟。
我哋一齊望住電話，並肩而坐，越靠越近，近到我感覺幾乎已經穿入咗佢身體裡面一樣。
同佢一齊睇返以前嘅種種經歷，就好似帶佢回到過去，依種感覺好得意。
佢睇睇吓，開咗一幅相問：「依度係邊度嚟？」
「係我台灣嗰邊間屋嚟。我以前一得閒就會返去探我爸爸。如果我無估錯，我爸爸應該葬咗我返去。你睇唔睇到我戴住條手鍊？」我指住電話問。
東冬諗到一啲嘢咁，興奮地講：「啊之前都諗唔到！我可以將你條手鍊嘅相放上網，問吓會唔會有人執咗粒吊墜！」
「好喎！」
我隨即指示佢開出一幅清楚見到手鍊嘅相。
東冬放大幅相嚟睇，睇咗好耐，然後放低電話。
「點啊？放依幅好唔好？」我問。
「嗯，好。我有啲攰，想返去喇。」佢沒精打采咁答我。
佢無緣無故嘅冷淡令氣氛變得尷尬。
我感覺到佢似乎發現咗啲野，但見到佢無情嘅眼神，我唔敢問，只好目送佢返屋企。
（三十六）笑話
東冬返到自己間房，坐低。
佢回憶起曾經喺公園嘅某個晚上。
---
嗰晚，買完奶茶，佢自己一個坐喺長凳。
喺公園散步嘅人唔少，好多仲拖住狗仔。
佢當時啱啱開始留意到禾姍，禾姍畀佢嘅感覺好特別。
每次見完禾姍，佢嘅感官彷彿都被放大，對外界嘅一切都特別敏感，特別正面，特別多想法。
佢咬住支飲管，甜絲絲咁同每隻經過嘅狗仔對望。
『好可愛啊！如果可以同佢坐喺度睇就好。』
當時嘅東冬無時無刻都有千萬個念頭聯想到禾姍。
佢本來幻想得投入，被身旁一隻肥嘟嘟嘅哥基分咗神。
隻哥基異常興奮咁聞個草叢，好似有啲好吸引嘅嘢，不停伸脷舔著。主人用力想拉佢走佢都唔肯。
主人抱走咗隻哥基後，東冬先見到草叢有嘢閃住藍光。
『哇好靚啊...』佢行埋草叢拎起粒吊墜。
佢坐返埋凳，舉高吊墜，望透佢。
『如果今晚有月光照射一定仲靚！好想畀佢睇吓啊。唔知邊個跌㗎呢？會唔會係佢行過公園嗰時跌？』只係幻想吓都足以令東冬興奮。
突然間，佢覺得個肚開始隱隱作痛。
『唔通係杯奶茶...？之前幾次飲都無事！』
『隔離個女仔都應該睇得出我肚痛...』
『粒吊墜…放返喺草叢度會唔會被狗仔擔走...？』
『啊！之後再算啦！個肚好痛啊！！！』
---
東冬打開櫃桶，望住永晴粒吊墜，懊惱不已。
佢責怪自己點解會完全唔記得依件事。
之前同永晴努力搵嘅嘢，原來一直喺自己度。
『笑話。』
佢喺櫃桶將伊琳畀佢嘅頸鍊同粒吊墜拎出嚟。
依兩樣都係令佢唔可以再見到永晴嘅嘢。
而今次嘅抉擇比上一次難好多好多。
佢嘅思緒亦複雜到無辦法決定任何嘢，只能空白。
東冬返到自己間房，坐低。
佢回憶起曾經喺公園嘅某個晚上。
---
嗰晚，買完奶茶，佢自己一個坐喺長凳。
喺公園散步嘅人唔少，好多仲拖住狗仔。
佢當時啱啱開始留意到禾姍，禾姍畀佢嘅感覺好特別。
每次見完禾姍，佢嘅感官彷彿都被放大，對外界嘅一切都特別敏感，特別正面，特別多想法。
佢咬住支飲管，甜絲絲咁同每隻經過嘅狗仔對望。
『好可愛啊！如果可以同佢坐喺度睇就好。』
當時嘅東冬無時無刻都有千萬個念頭聯想到禾姍。
佢本來幻想得投入，被身旁一隻肥嘟嘟嘅哥基分咗神。
隻哥基異常興奮咁聞個草叢，好似有啲好吸引嘅嘢，不停伸脷舔著。主人用力想拉佢走佢都唔肯。
主人抱走咗隻哥基後，東冬先見到草叢有嘢閃住藍光。
『哇好靚啊...』佢行埋草叢拎起粒吊墜。
佢坐返埋凳，舉高吊墜，望透佢。
『如果今晚有月光照射一定仲靚！好想畀佢睇吓啊。唔知邊個跌㗎呢？會唔會係佢行過公園嗰時跌？』只係幻想吓都足以令東冬興奮。
突然間，佢覺得個肚開始隱隱作痛。
『唔通係杯奶茶...？之前幾次飲都無事！』
『隔離個女仔都應該睇得出我肚痛...』
『粒吊墜…放返喺草叢度會唔會被狗仔擔走...？』
『啊！之後再算啦！個肚好痛啊！！！』
---
東冬打開櫃桶，望住永晴粒吊墜，懊惱不已。
佢責怪自己點解會完全唔記得依件事。
之前同永晴努力搵嘅嘢，原來一直喺自己度。
『笑話。』
佢喺櫃桶將伊琳畀佢嘅頸鍊同粒吊墜拎出嚟。
依兩樣都係令佢唔可以再見到永晴嘅嘢。
而今次嘅抉擇比上一次難好多好多。
佢嘅思緒亦複雜到無辦法決定任何嘢，只能空白。
（三十七）好或不好
東冬想搞清楚點樣處理粒吊墜係最好，於是第二日約咗伊琳出嚟幫手。
「我唔知點開口講畀佢知，原來佢粒吊墜一直係喺我度，佢會唔會覺得我玩佢？」東冬問伊琳。
「應該唔會嘅。如果當初唔係你執到，你就唔會見到佢，你哋亦唔會識到對方，而之後一切都唔會發生。依個可能係你哋之間嘅緣份？」
「我就係唔想我哋嘅緣份咁就完咗。我知其實我係一定要畀返佢，只係我無勇氣畀，因為我唔捨得佢啊！」
「你記唔記得嗰陣我決定去working holiday，你最初都唔想我去㗎，但你最後都放手支持我。如果你真係想佢開心嘅話，你應該係去問佢最想點樣，盡力幫佢達成啊。」
「但我同永晴嘅情況同我哋嗰時都唔同！佢係會喺我哋依個世界消失，我根本都唔知佢究竟會去邊！我做唔到咁灑脫啊。」東冬越講越不安。
「以我嘅睇法同認知，如果再無咩留戀嘅話，佢想去邊就去邊㗎喇。但一般都唔會選擇留喺度，因為以靈魂角度，咁樣係停滯咗，靈魂本身中意不斷進步。」
東冬對伊琳嘅說話一知半解，嘆氣一聲，繼續問：「咁如果我決定畀返粒吊墜佢，係咪就咁畀佢就得？跟住佢就會即刻喺我面前消失…？」
「唔一定即刻消失嘅，同埋我以前睇過類似嘅嘢，其實你係唔可以就咁直接畀到粒嘢佢㗎。」
「吓！咁我要點做？」
「你知唔知佢有無墳墓？如果有嘅話，你要去佢個墳前畀㗎，燒又好埋又好，因為意識…」
伊琳都未講完，東冬又再嘆一大口氣：「唉！我唔想佢走啊！！」
「我知我咁講你會唔開心，但事實係人鬼殊途，你畀佢離開係對大家都好...」
喺返屋企嘅途中，東冬一邊聽住歌，一邊反覆思量伊琳嘅說話。
「乎你想 乎你猜 是誰人整眠煩惱
煩惱著 無情的風 無情的雨 阻礙咱的路
甲你疼 甲你惜 甲你捧在我雙手中
我一生唯一的希望 要給你快樂 好或不好」
望住車外嘅風景，東冬覺得自己依一刻係台劇男主角，百感交集。
而聽完依首歌後，佢決定好一陣要同女主角講啲咩。
東冬想搞清楚點樣處理粒吊墜係最好，於是第二日約咗伊琳出嚟幫手。
「我唔知點開口講畀佢知，原來佢粒吊墜一直係喺我度，佢會唔會覺得我玩佢？」東冬問伊琳。
「應該唔會嘅。如果當初唔係你執到，你就唔會見到佢，你哋亦唔會識到對方，而之後一切都唔會發生。依個可能係你哋之間嘅緣份？」
「我就係唔想我哋嘅緣份咁就完咗。我知其實我係一定要畀返佢，只係我無勇氣畀，因為我唔捨得佢啊！」
「你記唔記得嗰陣我決定去working holiday，你最初都唔想我去㗎，但你最後都放手支持我。如果你真係想佢開心嘅話，你應該係去問佢最想點樣，盡力幫佢達成啊。」
「但我同永晴嘅情況同我哋嗰時都唔同！佢係會喺我哋依個世界消失，我根本都唔知佢究竟會去邊！我做唔到咁灑脫啊。」東冬越講越不安。
「以我嘅睇法同認知，如果再無咩留戀嘅話，佢想去邊就去邊㗎喇。但一般都唔會選擇留喺度，因為以靈魂角度，咁樣係停滯咗，靈魂本身中意不斷進步。」
東冬對伊琳嘅說話一知半解，嘆氣一聲，繼續問：「咁如果我決定畀返粒吊墜佢，係咪就咁畀佢就得？跟住佢就會即刻喺我面前消失…？」
「唔一定即刻消失嘅，同埋我以前睇過類似嘅嘢，其實你係唔可以就咁直接畀到粒嘢佢㗎。」
「吓！咁我要點做？」
「你知唔知佢有無墳墓？如果有嘅話，你要去佢個墳前畀㗎，燒又好埋又好，因為意識…」
伊琳都未講完，東冬又再嘆一大口氣：「唉！我唔想佢走啊！！」
「我知我咁講你會唔開心，但事實係人鬼殊途，你畀佢離開係對大家都好...」
喺返屋企嘅途中，東冬一邊聽住歌，一邊反覆思量伊琳嘅說話。
「乎你想 乎你猜 是誰人整眠煩惱
煩惱著 無情的風 無情的雨 阻礙咱的路
甲你疼 甲你惜 甲你捧在我雙手中
我一生唯一的希望 要給你快樂 好或不好」
望住車外嘅風景，東冬覺得自己依一刻係台劇男主角，百感交集。
而聽完依首歌後，佢決定好一陣要同女主角講啲咩。
（三十八）為我好
今晚，我同之前一樣，喺公園等東冬返嚟。
並肩而坐，我感應到佢有好重要嘅說話要對我講。
「啱啱同伊琳食飯傾咗啲咩啊？」我問東冬。
「都係傾吓大家嘅近況咁，都有問佢關於你嘅事。」
「嗯？有咩要問？」
「例如問吓如果搵到粒吊墜之後你會點...永晴，不如今晚我哋唔好坐喺度，周圍行吓啦。」佢忽然起身對我講。
我邊行邊望住佢：「咁伊琳話我會去邊度啊？」
「佢話你想去邊就會去邊。其實你係咪好想離開依度？」
「邊個會想做遊魂野鬼吖，大家都有心願未了先留咗喺度。雖然我都未諗到自己會去邊，但起碼係個真正嘅解脫。你唔會想我離開咩？」
「嗰時伊琳要去外國，最近禾姍又要返台灣，遲啲又到你要走。其實我點樣諗都唔係好重要？因為我哋每個人都有各自各嘅一生，我無資格同權利去干涉你哋嘅決定，我都想你哋開心嘅。」
傾吓傾吓我哋入咗另一個公園。
「東冬，其實你係咪有咩想同我講？」我忍唔住問佢。
「點解你知道...？」
「嗯...覺得你今晚有啲奇怪，可能平時我哋好少周圍散步，但你今晚...」
「我想同你去多啲地方，有多啲回憶。你坐上去吖。」佢指住前面個鞦韆。
我坐咗上去，背住佢，而佢喺我後面默默幫我推鞦韆。
我專登唔講嘢，等佢開口。
「永晴，我喺你出事嗰日執咗你粒吊墜，原來一直都喺我度...對唔住。」
我「嗯」一聲回應。
「你會唔會嬲我？我都係最近先發現...」
我擰擰頭：「唔會，我好開心你坦白話畀我知。你好勇敢，如果我係你可能都會唔知點開口。」
東冬輕輕捉實個鞦韆令我停低，講：「其實我知道嗰一刻我都唔知點做好。因為唔單止係唔知點開口同你講，而係我...」
「我都唔捨得。」我依然背住佢，繼續講：「但你有無見到啱啱你一路推我嘅時候，周圍嘅人點樣望你？」
「依啲係我同你兩個人嘅事，我唔介...！」
「我介意啊！我留喺度只會拖累你，你連同我正常食餐飯都唔可以㗎！」
「你無拖累我啊，我哋仲有好多其他嘢可以做，好多地方可以去！」
「我淨係想離開依度咋！如果你真係想我好，希望你可以幫我將粒吊墜交畀我爸爸！！」
我無心力同佢再拗落去，亦唔敢擰轉頭被佢見到我已經淚流滿面。
「永晴...」
我感覺到有一股暖氣從後面包圍住我。
「你一定要等我返嚟。」
今晚，我同之前一樣，喺公園等東冬返嚟。
並肩而坐，我感應到佢有好重要嘅說話要對我講。
「啱啱同伊琳食飯傾咗啲咩啊？」我問東冬。
「都係傾吓大家嘅近況咁，都有問佢關於你嘅事。」
「嗯？有咩要問？」
「例如問吓如果搵到粒吊墜之後你會點...永晴，不如今晚我哋唔好坐喺度，周圍行吓啦。」佢忽然起身對我講。
我邊行邊望住佢：「咁伊琳話我會去邊度啊？」
「佢話你想去邊就會去邊。其實你係咪好想離開依度？」
「邊個會想做遊魂野鬼吖，大家都有心願未了先留咗喺度。雖然我都未諗到自己會去邊，但起碼係個真正嘅解脫。你唔會想我離開咩？」
「嗰時伊琳要去外國，最近禾姍又要返台灣，遲啲又到你要走。其實我點樣諗都唔係好重要？因為我哋每個人都有各自各嘅一生，我無資格同權利去干涉你哋嘅決定，我都想你哋開心嘅。」
傾吓傾吓我哋入咗另一個公園。
「東冬，其實你係咪有咩想同我講？」我忍唔住問佢。
「點解你知道...？」
「嗯...覺得你今晚有啲奇怪，可能平時我哋好少周圍散步，但你今晚...」
「我想同你去多啲地方，有多啲回憶。你坐上去吖。」佢指住前面個鞦韆。
我坐咗上去，背住佢，而佢喺我後面默默幫我推鞦韆。
我專登唔講嘢，等佢開口。
「永晴，我喺你出事嗰日執咗你粒吊墜，原來一直都喺我度...對唔住。」
我「嗯」一聲回應。
「你會唔會嬲我？我都係最近先發現...」
我擰擰頭：「唔會，我好開心你坦白話畀我知。你好勇敢，如果我係你可能都會唔知點開口。」
東冬輕輕捉實個鞦韆令我停低，講：「其實我知道嗰一刻我都唔知點做好。因為唔單止係唔知點開口同你講，而係我...」
「我都唔捨得。」我依然背住佢，繼續講：「但你有無見到啱啱你一路推我嘅時候，周圍嘅人點樣望你？」
「依啲係我同你兩個人嘅事，我唔介...！」
「我介意啊！我留喺度只會拖累你，你連同我正常食餐飯都唔可以㗎！」
「你無拖累我啊，我哋仲有好多其他嘢可以做，好多地方可以去！」
「我淨係想離開依度咋！如果你真係想我好，希望你可以幫我將粒吊墜交畀我爸爸！！」
我無心力同佢再拗落去，亦唔敢擰轉頭被佢見到我已經淚流滿面。
「永晴...」
我感覺到有一股暖氣從後面包圍住我。
「你一定要等我返嚟。」
（三十九）我們一起出發
東冬買咗第二晚去台灣嘅機票，亦約好禾姍一齊上機。
去機場之前，佢約咗梓軒食晏。
「你條友最近淨係cow女都唔搵吓我！呷醋啊！」梓軒翹起對手，皺住眉望住東冬講。
「最近發生好多事，禾姍今晚返台灣喇。我會同埋佢過去。」
「啊！！！！」梓軒突然大叫。
「咩事啊你又…？！」
「出咗幾次街就同個台妹『搭飛機』！我同你識咗咁耐你都無同我『打』過！」
「我唔想同你打…」東冬無奈回應，然後解釋：「同埋我同佢唔係嗰種關係啊。」
「唉都唔明你仲怕咩，人哋一直都咁主動。有女不追非君子，人情練達皆文章啊施主。」
東冬皺起眉：「唔知點同你講好。」
梓軒見東冬愁眉深鎖，就喺袋拎咗紙筆出嚟，寫咗幾行字，褶埋遞畀東冬。
「寫咩啊...」東冬接過張紙，想打開睇。
「唔好打開吖！」梓軒㩒住東冬隻手，繼續講：「你想表白嗰時先打開，對住佢講依幾句咁就實掂！」
東冬完全無心情諗同禾姍嘅事，將張紙隨意放喺褲袋。
去到機場，東冬同禾姍會合。
「我本來以為你只是來送我的機。昨晚突然說會跟我一起回台灣，真的嚇我一跳勒。」禾姍對東冬講。
「是啊，忽然有要事要到台灣一趟。反正你今晚也要走，倒不如一起出發吧。」
「那你是留在台北嗎？今晚住哪裡啊？」禾姍好奇問。
「其實我要去嘉義那邊，打算明天一早就搭高鐵去。今晚…也是隨便在台北找家民宿住就好了，反正我一個男生也沒甚麼所謂吧。」
「其實如果你不介意，可以來我家啊，在車站附近蠻方便的。」
「吓...真的嗎？」東冬有啲唔好意思咁問。
「我可以啊，你不方便嗎？」
「不會啊！先謝謝你。我們先上機吧，下機我們再見。」臨上機東冬對禾姍講。
東冬買咗第二晚去台灣嘅機票，亦約好禾姍一齊上機。
去機場之前，佢約咗梓軒食晏。
「你條友最近淨係cow女都唔搵吓我！呷醋啊！」梓軒翹起對手，皺住眉望住東冬講。
「最近發生好多事，禾姍今晚返台灣喇。我會同埋佢過去。」
「啊！！！！」梓軒突然大叫。
「咩事啊你又…？！」
「出咗幾次街就同個台妹『搭飛機』！我同你識咗咁耐你都無同我『打』過！」
「我唔想同你打…」東冬無奈回應，然後解釋：「同埋我同佢唔係嗰種關係啊。」
「唉都唔明你仲怕咩，人哋一直都咁主動。有女不追非君子，人情練達皆文章啊施主。」
東冬皺起眉：「唔知點同你講好。」
梓軒見東冬愁眉深鎖，就喺袋拎咗紙筆出嚟，寫咗幾行字，褶埋遞畀東冬。
「寫咩啊...」東冬接過張紙，想打開睇。
「唔好打開吖！」梓軒㩒住東冬隻手，繼續講：「你想表白嗰時先打開，對住佢講依幾句咁就實掂！」
東冬完全無心情諗同禾姍嘅事，將張紙隨意放喺褲袋。
去到機場，東冬同禾姍會合。
「我本來以為你只是來送我的機。昨晚突然說會跟我一起回台灣，真的嚇我一跳勒。」禾姍對東冬講。
「是啊，忽然有要事要到台灣一趟。反正你今晚也要走，倒不如一起出發吧。」
「那你是留在台北嗎？今晚住哪裡啊？」禾姍好奇問。
「其實我要去嘉義那邊，打算明天一早就搭高鐵去。今晚…也是隨便在台北找家民宿住就好了，反正我一個男生也沒甚麼所謂吧。」
「其實如果你不介意，可以來我家啊，在車站附近蠻方便的。」
「吓...真的嗎？」東冬有啲唔好意思咁問。
「我可以啊，你不方便嗎？」
「不會啊！先謝謝你。我們先上機吧，下機我們再見。」臨上機東冬對禾姍講。
（四十）台北某個地方
「我家很小，也有點亂，不准笑我喔！」禾姍開門前一刻對東冬講。
咔嚓。
「哇你家好簡約啊，黑白色調的，我第一次來這種迷你公寓欸！」東冬好似去咗示範單位一樣咁興奮， 由左至右，下而上咁細望每一個角落。
「哎喲地方很小啦，你再往前走兩步就沒了哈哈。」
「有陽台耶。還有樓梯上上一層！？好正啊。」東冬忍唔住講句廣東話。
禾姍一路執雜物一路講：「哈哈是啊，樓上就一張床而已，這樣比較省位置。你先坐坐吧，我弄晚餐給你吃。」
晚飯後，佢哋好快就去訓教休息。
直到零晨時份，禾姍望一望樓下嘅東冬，發現佢出咗去陽台。
「梳化太小睡不著吧。」禾姍輕輕打開陽台門，企喺東冬身旁。
東冬被嚇一嚇，回應：「不是啦，在想明天的事。我把你吵醒嗎？」
禾姍擰擰頭：「我來看你的啦。你怎麼了？其實你來台灣來的這麼急，我蠻擔心你的。」
「我說出來怕你不相信我啊...」
「你說吧，我相信你的。」禾姍望住東冬講。
九月嘅夜晚，秋風微微吹過。
挨住陽台嘅東冬，將同永晴嘅事講畀身旁嘅禾姍知。
「原來發生了這麼多事，難怪最近幾次見你，我都覺得你怪怪的...」禾姍似乎諗通哂啲嘢一樣。
東冬抬頭望住月亮：「是啊，我要照顧一個只有我才看得見的『人』。說起來真的很不好意思勒，影響到你了。」
禾姍瞇起眼笑一笑：「沒有啦，不過我也跟你坦白喔。其實一直以來，我上班都好期待見到你。你每次都很晚才來，害我等很久的！我只能被動的等著你來，再看著你離開。你的背影每次都讓我有一種不捨的感覺，蠻難受的。」
「我都不知道你這樣想欸...」東冬受寵若驚。
「所以你每次約我的時候我都很開心，以為你跟我有一樣的感覺。直到上一次騎腳踏車，我本來以為你是想載我的，但都沒有。我以為那首歌你是唱給我聽的，但你都沒有看我一眼。我就想應該是我誤會了。後來知道你要跟我來台灣，我真的很開心啊。我的感覺就像在坐雲霄飛車一樣哈哈。」禾姍苦笑一下。
「禾姍對不起啊，我當初的確...」東冬好內疚，好想向禾姍解釋。
「沒關係，我明白的。欸不如明天我陪你去吧！始終台灣的路我一定比你熟悉，盡快搞定後你就立刻回香港找她！好嗎？」
「我都不知道要怎麼感謝你了。」東冬感覺無地自容。
「你早點休息就好啦。你來上層睡吧，你睡那梳化根本沒辦法伸展開來勒，怎麼能睡的好呢？」禾姍側起頭碌大對眼望住東冬問。
「但是...」
「哎喲別囉嗦了好嗎，再不休息就沒精神了！」禾姍拉東冬入返屋再上樓梯。
佢哋面向住大家，禾姍輕輕摸一摸東冬個頭講：「東冬你要加油喔，我支持你。」
「嗯...」已經好攰嘅東冬眼睛都睜唔開。
『謝謝禾姍。』
然後訓著了。
「我家很小，也有點亂，不准笑我喔！」禾姍開門前一刻對東冬講。
咔嚓。
「哇你家好簡約啊，黑白色調的，我第一次來這種迷你公寓欸！」東冬好似去咗示範單位一樣咁興奮， 由左至右，下而上咁細望每一個角落。
「哎喲地方很小啦，你再往前走兩步就沒了哈哈。」
「有陽台耶。還有樓梯上上一層！？好正啊。」東冬忍唔住講句廣東話。
禾姍一路執雜物一路講：「哈哈是啊，樓上就一張床而已，這樣比較省位置。你先坐坐吧，我弄晚餐給你吃。」
晚飯後，佢哋好快就去訓教休息。
直到零晨時份，禾姍望一望樓下嘅東冬，發現佢出咗去陽台。
「梳化太小睡不著吧。」禾姍輕輕打開陽台門，企喺東冬身旁。
東冬被嚇一嚇，回應：「不是啦，在想明天的事。我把你吵醒嗎？」
禾姍擰擰頭：「我來看你的啦。你怎麼了？其實你來台灣來的這麼急，我蠻擔心你的。」
「我說出來怕你不相信我啊...」
「你說吧，我相信你的。」禾姍望住東冬講。
九月嘅夜晚，秋風微微吹過。
挨住陽台嘅東冬，將同永晴嘅事講畀身旁嘅禾姍知。
「原來發生了這麼多事，難怪最近幾次見你，我都覺得你怪怪的...」禾姍似乎諗通哂啲嘢一樣。
東冬抬頭望住月亮：「是啊，我要照顧一個只有我才看得見的『人』。說起來真的很不好意思勒，影響到你了。」
禾姍瞇起眼笑一笑：「沒有啦，不過我也跟你坦白喔。其實一直以來，我上班都好期待見到你。你每次都很晚才來，害我等很久的！我只能被動的等著你來，再看著你離開。你的背影每次都讓我有一種不捨的感覺，蠻難受的。」
「我都不知道你這樣想欸...」東冬受寵若驚。
「所以你每次約我的時候我都很開心，以為你跟我有一樣的感覺。直到上一次騎腳踏車，我本來以為你是想載我的，但都沒有。我以為那首歌你是唱給我聽的，但你都沒有看我一眼。我就想應該是我誤會了。後來知道你要跟我來台灣，我真的很開心啊。我的感覺就像在坐雲霄飛車一樣哈哈。」禾姍苦笑一下。
「禾姍對不起啊，我當初的確...」東冬好內疚，好想向禾姍解釋。
「沒關係，我明白的。欸不如明天我陪你去吧！始終台灣的路我一定比你熟悉，盡快搞定後你就立刻回香港找她！好嗎？」
「我都不知道要怎麼感謝你了。」東冬感覺無地自容。
「你早點休息就好啦。你來上層睡吧，你睡那梳化根本沒辦法伸展開來勒，怎麼能睡的好呢？」禾姍側起頭碌大對眼望住東冬問。
「但是...」
「哎喲別囉嗦了好嗎，再不休息就沒精神了！」禾姍拉東冬入返屋再上樓梯。
佢哋面向住大家，禾姍輕輕摸一摸東冬個頭講：「東冬你要加油喔，我支持你。」
「嗯...」已經好攰嘅東冬眼睛都睜唔開。
『謝謝禾姍。』
然後訓著了。
（四十一）沒道理
今晚無東冬陪伴嘅我，自己一個坐喺公園。
好想知道佢依家喺台灣點。
我抬頭望天，嘗試尋找月亮嘅蹤影，只見烏雲密佈。
估唔到可能係喺度嘅最後一晚，會係雨天。
不出幾分鐘，更開始傾盆大雨。
公園杳無人煙，寂寞感亦變得更濃。
無意中見到遠處有個人慢步行嚟我個方向。佢同我一樣無被雨濕透。
佢行到我面前我先睇得清楚，原來係自由太古站長。
佢從容咁坐低喺我身邊，問：「自己坐喺度？」
「嗯，你呢？」
「收咗工周圍行吓。煩緊咩？可能我幫到你。」
「係咪可以唔使講出口你都知？」我問。
佢呼口氣，皺起眉合埋眼。
過咗陣佢就張返開眼，用一貫平淡冷靜語氣：「原來係咁。咁睇嚟你就走。」
「係，咁你可以點幫我？可唔可以幫我翻生？」我帶點晦氣問。
「唔可以。但我可以開解你，令你離開得舒服啲。」
我無言。
佢繼續：「你應該知道自由人只要了結咗心願，就無必要再留喺度。你一開始就只係因為粒吊墜先唔走，你同佢發生嘅一切都係bonus，甚或乎佢嘅存在只係幫你搵返粒吊墜，就係咁簡單。」
「點解你可以講得咁置身事外。咁點解你唔離開？你死咗之後無遇到任何令你感動嘅人，開心嘅事㗎咩？」我反問佢。
「有遇到。但我留喺度幫自由人，係為咗完成自己心願。如果有日我心願達成嘅話，我一定會離開。」
好多時旁人講嘅道理我哋都明。
只係做決定時需要幾大嘅勇氣，佢哋又明唔明？
每次諗到以後再見唔到東冬，就有種無形嘅壓力同痛由心口蔓延，感覺有如當日發生意外嗰刻一樣，令我無力穩住，將我撕裂。
我無心再反駁，靜靜坐著。
突然，站長一手拉起我，講：「唔好坐喺度喇，去食嘢。」
「吓食嘢？！」
今晚無東冬陪伴嘅我，自己一個坐喺公園。
好想知道佢依家喺台灣點。
我抬頭望天，嘗試尋找月亮嘅蹤影，只見烏雲密佈。
估唔到可能係喺度嘅最後一晚，會係雨天。
不出幾分鐘，更開始傾盆大雨。
公園杳無人煙，寂寞感亦變得更濃。
無意中見到遠處有個人慢步行嚟我個方向。佢同我一樣無被雨濕透。
佢行到我面前我先睇得清楚，原來係自由太古站長。
佢從容咁坐低喺我身邊，問：「自己坐喺度？」
「嗯，你呢？」
「收咗工周圍行吓。煩緊咩？可能我幫到你。」
「係咪可以唔使講出口你都知？」我問。
佢呼口氣，皺起眉合埋眼。
過咗陣佢就張返開眼，用一貫平淡冷靜語氣：「原來係咁。咁睇嚟你就走。」
「係，咁你可以點幫我？可唔可以幫我翻生？」我帶點晦氣問。
「唔可以。但我可以開解你，令你離開得舒服啲。」
我無言。
佢繼續：「你應該知道自由人只要了結咗心願，就無必要再留喺度。你一開始就只係因為粒吊墜先唔走，你同佢發生嘅一切都係bonus，甚或乎佢嘅存在只係幫你搵返粒吊墜，就係咁簡單。」
「點解你可以講得咁置身事外。咁點解你唔離開？你死咗之後無遇到任何令你感動嘅人，開心嘅事㗎咩？」我反問佢。
「有遇到。但我留喺度幫自由人，係為咗完成自己心願。如果有日我心願達成嘅話，我一定會離開。」
好多時旁人講嘅道理我哋都明。
只係做決定時需要幾大嘅勇氣，佢哋又明唔明？
每次諗到以後再見唔到東冬，就有種無形嘅壓力同痛由心口蔓延，感覺有如當日發生意外嗰刻一樣，令我無力穩住，將我撕裂。
我無心再反駁，靜靜坐著。
突然，站長一手拉起我，講：「唔好坐喺度喇，去食嘢。」
「吓食嘢？！」
加油
多謝巴打
（四十二）特異功能
我同站長並肩而行，佢似乎係帶緊我去附近深夜仍然營業嘅酒吧。
雨勢一直都無減退，喺咁大雨之下行走但全身滴水不沾，感覺好神奇。
「你叫咩名啊？唔想叫你做站長咁怪。」我問佢。
「叫我阿樂就得。想食咩？」
「其實我唔係好明，乜我哋食到嘢㗎咩…？」我皺著眉，滿肚疑問。
「你真係唔識㗎喎，咁你依段時間咪好悶。」
「我記得我死咗之後，開頭有段時間係好餓嘅，但慢慢就唔再覺得喇喎。你唔好同我講其實我係要食嘢…」我不安地問。
「唔係，過吓癮啫。就依間啦都唔錯。」佢指住前方間酒吧。
酒吧有幾層高，裡面咩國籍嘅人都有，佢哋完全無被雨天影響心情，相當熱鬧。
阿樂帶住我，喺檯同人之間穿插， 一路左望右望客人檯上嘅食物。
佢忽然彎腰望住一碟啱啱上檯嘅牛扒。
「趁班港女掛住影相仲未食，我哋食先。你聞唔聞到？」佢示意叫我一齊彎低身。
我彎腰不斷用鼻大力咁索，然後望住佢擰擰頭。
阿樂企返直個人，問：「你平時點感覺到佢？」
「嗯…佢喺我身邊嗰陣好易有種暖流，之後我就會感受到佢嘅感覺，有時甚至好似喺佢身體裡面咁。」
「你合埋眼，想像住依種氣流，聞多次。」佢對我講。
於是我合埋眼諗住東冬，再聞多次。
『哇真係聞到！塊牛扒好香啊！』
「聞到？夠集中嘅話可以食埋落肚，當然只係一種感覺，唔會真係食咗。」
我企返起身，興奮咁問佢：「好神奇啊！仲有啲咩我係唔識㗎？！」
「我估你都唔知可以『移動物件』。但依個好嘥精神，郁完會好攰，就好似做人嗰時幾日無休息無食飯咁。所以我哋無咩事都唔會亂嚟。」
「我唔怕啊，我都就走啦，想試吓玩啊。阿樂你快啲教我吖！」我不斷搖動阿樂手臂，哀求著。
佢無奈呼氣一聲，點頭。
依晚係我死後，第一次覺得原來做鬼都有得意之處。
我亦明白到，人同鬼真係兩種完全唔一樣嘅存在。
我一定要等佢返嚟，將依一切都同佢分享。
離開後去邊都唔重要，我只係想喺離開之前，同佢有一段無辦法忘記嘅回憶。
我同站長並肩而行，佢似乎係帶緊我去附近深夜仍然營業嘅酒吧。
雨勢一直都無減退，喺咁大雨之下行走但全身滴水不沾，感覺好神奇。
「你叫咩名啊？唔想叫你做站長咁怪。」我問佢。
「叫我阿樂就得。想食咩？」
「其實我唔係好明，乜我哋食到嘢㗎咩…？」我皺著眉，滿肚疑問。
「你真係唔識㗎喎，咁你依段時間咪好悶。」
「我記得我死咗之後，開頭有段時間係好餓嘅，但慢慢就唔再覺得喇喎。你唔好同我講其實我係要食嘢…」我不安地問。
「唔係，過吓癮啫。就依間啦都唔錯。」佢指住前方間酒吧。
酒吧有幾層高，裡面咩國籍嘅人都有，佢哋完全無被雨天影響心情，相當熱鬧。
阿樂帶住我，喺檯同人之間穿插， 一路左望右望客人檯上嘅食物。
佢忽然彎腰望住一碟啱啱上檯嘅牛扒。
「趁班港女掛住影相仲未食，我哋食先。你聞唔聞到？」佢示意叫我一齊彎低身。
我彎腰不斷用鼻大力咁索，然後望住佢擰擰頭。
阿樂企返直個人，問：「你平時點感覺到佢？」
「嗯…佢喺我身邊嗰陣好易有種暖流，之後我就會感受到佢嘅感覺，有時甚至好似喺佢身體裡面咁。」
「你合埋眼，想像住依種氣流，聞多次。」佢對我講。
於是我合埋眼諗住東冬，再聞多次。
『哇真係聞到！塊牛扒好香啊！』
「聞到？夠集中嘅話可以食埋落肚，當然只係一種感覺，唔會真係食咗。」
我企返起身，興奮咁問佢：「好神奇啊！仲有啲咩我係唔識㗎？！」
「我估你都唔知可以『移動物件』。但依個好嘥精神，郁完會好攰，就好似做人嗰時幾日無休息無食飯咁。所以我哋無咩事都唔會亂嚟。」
「我唔怕啊，我都就走啦，想試吓玩啊。阿樂你快啲教我吖！」我不斷搖動阿樂手臂，哀求著。
佢無奈呼氣一聲，點頭。
依晚係我死後，第一次覺得原來做鬼都有得意之處。
我亦明白到，人同鬼真係兩種完全唔一樣嘅存在。
我一定要等佢返嚟，將依一切都同佢分享。
離開後去邊都唔重要，我只係想喺離開之前，同佢有一段無辦法忘記嘅回憶。
（四十三）「永晴」
東冬同禾姍搭清晨嘅列車出發嘉義。
佢哋根據永晴所畀嘅地址同用半桶水嘅台語問路，總算順利咁搵到間屋。
間屋有兩層，灰色牆身嘅設計同周圍嘅獨立屋差唔多，唔算太起眼。
再三確認無搵錯，東冬按下門鐘。
叮噹。
打開門係一個灰色頭髮嘅中年男人。
東冬認得佢就係永晴爸爸。
「嗯？？你們找誰呢？」中年男人隔住鐵閘問。
「你好叔叔，我叫東冬，是永晴香港的朋友。」東冬戰戰兢兢回答。
「哦...你好，有甚麼事嗎？」
「我們找到她的吊墜，所以來交給叔叔你。」
叔叔聽到後好錯愕，即刻開門畀佢哋入屋，招呼佢哋。
叔叔著急問：「你們真的找到吊墜？怎樣找到的？可以先讓我看看嗎？」
東冬即刻喺背囊拎出吊墜遞畀叔叔，接住講：「在她出事的地方找到的...」
叔叔仔細檢查吊墜：「太感謝你們幫忙了，我還以為不能找回來。」
「請問叔叔...永晴墳墓在哪裡？」東冬問。
「在我們家的後庭院，怎麼了？」叔叔愕然。
東冬隨後企起身，眼神堅定對住叔叔問：「我想去看看，請問可以嗎？」
「可以啊…在這邊。」叔叔示意帶東冬去。
東冬望一望依然坐低嘅禾姍。
「我有點累想休息一下，你去就好了。」禾姍微笑對東冬講。
庭院雖然唔大，但種滿花草，花香四溢。
旁邊仲有個小型嘅鞦韆椅，有隻狗仔伸住脷喺上面曬太陽。
「其實也不完全是她的墳墓啦，只是她生前的物件都埋在這裡。」叔叔指向插喺草地上，寫住「永晴」嘅牌仔講。
「那我可以看看她那手鍊嗎？」
「你好像知道的也不少，你們認識很久嗎？我沒有從她口中聽說過你欸。」叔叔既好奇又帶防備咁問。
「我們認識不久，但感情蠻好。我是聽說遺物完整的話永晴才能真的安息，所以我希望能幫她完成心願。」東冬嘗試簡化成件事令叔叔明白同接受。
叔叔點點頭，深深吸一口氣，將永晴塊牌下面嘅木板用力揭起，拎出個鐵盒仔。
東冬同禾姍搭清晨嘅列車出發嘉義。
佢哋根據永晴所畀嘅地址同用半桶水嘅台語問路，總算順利咁搵到間屋。
間屋有兩層，灰色牆身嘅設計同周圍嘅獨立屋差唔多，唔算太起眼。
再三確認無搵錯，東冬按下門鐘。
叮噹。
打開門係一個灰色頭髮嘅中年男人。
東冬認得佢就係永晴爸爸。
「嗯？？你們找誰呢？」中年男人隔住鐵閘問。
「你好叔叔，我叫東冬，是永晴香港的朋友。」東冬戰戰兢兢回答。
「哦...你好，有甚麼事嗎？」
「我們找到她的吊墜，所以來交給叔叔你。」
叔叔聽到後好錯愕，即刻開門畀佢哋入屋，招呼佢哋。
叔叔著急問：「你們真的找到吊墜？怎樣找到的？可以先讓我看看嗎？」
東冬即刻喺背囊拎出吊墜遞畀叔叔，接住講：「在她出事的地方找到的...」
叔叔仔細檢查吊墜：「太感謝你們幫忙了，我還以為不能找回來。」
「請問叔叔...永晴墳墓在哪裡？」東冬問。
「在我們家的後庭院，怎麼了？」叔叔愕然。
東冬隨後企起身，眼神堅定對住叔叔問：「我想去看看，請問可以嗎？」
「可以啊…在這邊。」叔叔示意帶東冬去。
東冬望一望依然坐低嘅禾姍。
「我有點累想休息一下，你去就好了。」禾姍微笑對東冬講。
庭院雖然唔大，但種滿花草，花香四溢。
旁邊仲有個小型嘅鞦韆椅，有隻狗仔伸住脷喺上面曬太陽。
「其實也不完全是她的墳墓啦，只是她生前的物件都埋在這裡。」叔叔指向插喺草地上，寫住「永晴」嘅牌仔講。
「那我可以看看她那手鍊嗎？」
「你好像知道的也不少，你們認識很久嗎？我沒有從她口中聽說過你欸。」叔叔既好奇又帶防備咁問。
「我們認識不久，但感情蠻好。我是聽說遺物完整的話永晴才能真的安息，所以我希望能幫她完成心願。」東冬嘗試簡化成件事令叔叔明白同接受。
叔叔點點頭，深深吸一口氣，將永晴塊牌下面嘅木板用力揭起，拎出個鐵盒仔。
（四十四）將來
叔叔掃走盒上嘅灰塵同泥土，打開個盒畀東冬睇。
佢幫永晴留落嚟嘅嘢唔多，只係得永晴以前嘅相同條手鍊。
東冬慢慢從盒裡面拎起手鍊。
佢摸到嘅每一粒水晶，好似都仲可以感受到永晴嘅氣息。
望住永晴嘅舊相，東冬真係好想永晴仲係個活生生嘅人。
佢將手鍊同吊墜串返埋。
『係唔係咁就走咗...？』
叔叔開口：「在意外發生後，我把找到的水晶都串回來，只有這顆吊墜找不到。這手鍊永晴從小就戴著，是她媽媽送她的。」叔叔笑一笑，望向永晴塊牌隔離，另一塊寫住「媽媽」嘅牌。
東冬沿住佢視線望向塊牌，問：「是永晴媽媽嗎...？」
「嗯，她媽媽是香港人，她們兩個一直在香港那邊，而我就在台灣工作。她媽媽是前幾年因病離開的，永晴選擇繼續留在香港。我沒資格做她爸爸對吧，都沒有在她身邊看著她，讓她也...」
叔叔將已經串回吊墜嘅手鍊放返入盒後，翻睇著永晴嘅舊相。
「不會啦...我相信她們沒有怪責叔叔你的，別自責。」東冬嘗試講啲安慰嘅說話。
叔叔再揭起木板，將鐵盒放返落木板下面，望住永晴塊牌講：「我相信我們的名字都有力量，我改她的名字是希望她的天空能永遠的晴天。她從小就是個很樂觀，很獨立的女孩。我真的很遺憾，她的最後一面我都沒能見。如果死後有世界的話，我只希望她過得好，像你說那樣安息就好了。」
「她一定很好...乞嗤！乞嗤！」東冬突然打咗幾個乞嗤，連忙想喺褲袋搵紙巾，但只能搵到上機前梓軒寫畀佢嗰張紙。
「應該是花香太濃了吧，拿著。」叔叔遞過紙巾。
「謝謝叔叔。」
東冬一邊抹鼻一邊打開張紙睇。
佢打開後微笑一下，忽發奇想問叔叔：「欸叔叔你有打火機嗎？」
東冬想做個試驗。接過火機後，就將張紙燒咗。
同叔叔道別後，東冬同禾姍就搭車返台北。
「所以...這樣就完成任務了嗎？」禾姍猶疑地問。
東冬同樣滿腦子疑問。佢聳聳肩，將頭挨向窗邊講：「我也不知道，只想快點回去。」
「你現在就聽下歌閉上眼休息一下吧，這兩天辛苦你了。」
禾姍戴上一邊耳筒，將另一邊幫東冬戴上。
「找不到你的真情真愛 你的心像大海 聽不到阮的真心 真意的無奈
走不到你我當初約束的所在 想不到 阮的愛 找不到有你的將來」
佢哋聽住同一首歌，有相同嘅想法。
面對住中意嘅人即將離開，佢哋都無能力同資格留住對方。
曾經幻想過有對方嘅將來，似乎只可以喺另一個世界發生。
叔叔掃走盒上嘅灰塵同泥土，打開個盒畀東冬睇。
佢幫永晴留落嚟嘅嘢唔多，只係得永晴以前嘅相同條手鍊。
東冬慢慢從盒裡面拎起手鍊。
佢摸到嘅每一粒水晶，好似都仲可以感受到永晴嘅氣息。
望住永晴嘅舊相，東冬真係好想永晴仲係個活生生嘅人。
佢將手鍊同吊墜串返埋。
『係唔係咁就走咗...？』
叔叔開口：「在意外發生後，我把找到的水晶都串回來，只有這顆吊墜找不到。這手鍊永晴從小就戴著，是她媽媽送她的。」叔叔笑一笑，望向永晴塊牌隔離，另一塊寫住「媽媽」嘅牌。
東冬沿住佢視線望向塊牌，問：「是永晴媽媽嗎...？」
「嗯，她媽媽是香港人，她們兩個一直在香港那邊，而我就在台灣工作。她媽媽是前幾年因病離開的，永晴選擇繼續留在香港。我沒資格做她爸爸對吧，都沒有在她身邊看著她，讓她也...」
叔叔將已經串回吊墜嘅手鍊放返入盒後，翻睇著永晴嘅舊相。
「不會啦...我相信她們沒有怪責叔叔你的，別自責。」東冬嘗試講啲安慰嘅說話。
叔叔再揭起木板，將鐵盒放返落木板下面，望住永晴塊牌講：「我相信我們的名字都有力量，我改她的名字是希望她的天空能永遠的晴天。她從小就是個很樂觀，很獨立的女孩。我真的很遺憾，她的最後一面我都沒能見。如果死後有世界的話，我只希望她過得好，像你說那樣安息就好了。」
「她一定很好...乞嗤！乞嗤！」東冬突然打咗幾個乞嗤，連忙想喺褲袋搵紙巾，但只能搵到上機前梓軒寫畀佢嗰張紙。
「應該是花香太濃了吧，拿著。」叔叔遞過紙巾。
「謝謝叔叔。」
東冬一邊抹鼻一邊打開張紙睇。
佢打開後微笑一下，忽發奇想問叔叔：「欸叔叔你有打火機嗎？」
東冬想做個試驗。接過火機後，就將張紙燒咗。
同叔叔道別後，東冬同禾姍就搭車返台北。
「所以...這樣就完成任務了嗎？」禾姍猶疑地問。
東冬同樣滿腦子疑問。佢聳聳肩，將頭挨向窗邊講：「我也不知道，只想快點回去。」
「你現在就聽下歌閉上眼休息一下吧，這兩天辛苦你了。」
禾姍戴上一邊耳筒，將另一邊幫東冬戴上。
「找不到你的真情真愛 你的心像大海 聽不到阮的真心 真意的無奈
走不到你我當初約束的所在 想不到 阮的愛 找不到有你的將來」
佢哋聽住同一首歌，有相同嘅想法。
面對住中意嘅人即將離開，佢哋都無能力同資格留住對方。
曾經幻想過有對方嘅將來，似乎只可以喺另一個世界發生。
（四十五）最後晚餐
拎住條已經串返粒吊墜嘅水晶鍊，我相信東冬返緊嚟。
我時而坐低，時而沿住公園踱步，坐立不安。
我第一句應該講咩好？
多謝你幫我？唔該哂你？我好掛住你？
唔得唔得，太肉麻。
我企喺度想著想著，就見到孭住背囊嘅佢跑緊過嚟。
「你...」我開口。
但佢緊緊咁攬住我令無辦法繼續講。
好溫暖。
我將雙手放到佢腰後。
「我今晚就會走喇...」我抬頭對佢講。
「剩返好少時間…」
「嗯。」我垂低頭，將額頭挨落佢膊頭。
「咁我哋去玩啦！」佢拖住我行出公園，去商場方向。
沿路我哋將依兩日發生嘅事講畀對方知。
「原來你做到咁多嘢㗎？！」東冬聽到後覺得好有趣，繼續講：「咁不如我哋去食飯咯！我成日都無食過嘢好肚餓啊。」
於是我哋入咗商場裡面嘅一間西式餐廳。
總算第一次正正經經同佢食到一餐飯，亦係最後一次。
雖然周圍嘅人見到佢一個人嗌兩個餐都會用奇怪嘅目光望佢，但佢一啲都無覺得尷尬。
佢坐喺我身旁，左手一路拖實我隻手，就連低頭食嘢嘅短短幾秒，視線都唔願意離開我，好似怕我隨時會消失一樣。
由細到大，我都被認為係個好獨立嘅人，令我從來都唔敢喺其他人面前表現得軟弱。
特別係媽媽離開咗嘅依幾年，好似提醒咗我一路以嚟學習獨立係無錯。
但自從認識東冬，我發現所謂獨立只係一種習慣，唔係我真正想要嘅嘢。
我都好想依賴人，更加想被人需要。
我用力攬住東冬。
佢放低餐具，用手抱住我塊面，目光放柔對我講：「我食飽喇，我哋去第二度啦？」
拎住條已經串返粒吊墜嘅水晶鍊，我相信東冬返緊嚟。
我時而坐低，時而沿住公園踱步，坐立不安。
我第一句應該講咩好？
多謝你幫我？唔該哂你？我好掛住你？
唔得唔得，太肉麻。
我企喺度想著想著，就見到孭住背囊嘅佢跑緊過嚟。
「你...」我開口。
但佢緊緊咁攬住我令無辦法繼續講。
好溫暖。
我將雙手放到佢腰後。
「我今晚就會走喇...」我抬頭對佢講。
「剩返好少時間…」
「嗯。」我垂低頭，將額頭挨落佢膊頭。
「咁我哋去玩啦！」佢拖住我行出公園，去商場方向。
沿路我哋將依兩日發生嘅事講畀對方知。
「原來你做到咁多嘢㗎？！」東冬聽到後覺得好有趣，繼續講：「咁不如我哋去食飯咯！我成日都無食過嘢好肚餓啊。」
於是我哋入咗商場裡面嘅一間西式餐廳。
總算第一次正正經經同佢食到一餐飯，亦係最後一次。
雖然周圍嘅人見到佢一個人嗌兩個餐都會用奇怪嘅目光望佢，但佢一啲都無覺得尷尬。
佢坐喺我身旁，左手一路拖實我隻手，就連低頭食嘢嘅短短幾秒，視線都唔願意離開我，好似怕我隨時會消失一樣。
由細到大，我都被認為係個好獨立嘅人，令我從來都唔敢喺其他人面前表現得軟弱。
特別係媽媽離開咗嘅依幾年，好似提醒咗我一路以嚟學習獨立係無錯。
但自從認識東冬，我發現所謂獨立只係一種習慣，唔係我真正想要嘅嘢。
我都好想依賴人，更加想被人需要。
我用力攬住東冬。
佢放低餐具，用手抱住我塊面，目光放柔對我講：「我食飽喇，我哋去第二度啦？」
（四十六）大細路
太古雖然唔大，但基本設施大部份都有。
我哋離開餐廳後，東冬帶咗我去一個我好多年無去過嘅地方–
冒險樂園。
「哇我好耐無嚟過喇。」我環視一周後對佢講。
「點解啊，我間唔中就嚟玩㗎喇！」
佢喺背囊拎出銀包，用會員卡喺金幣機前㩒金幣。
純熟嘅手勢，相信佢真係成日嚟。
「你平時就係好似啲啊伯咁坐喺度全日？」我望向側邊一個坐低嘅老人家，低頭暗笑。
「佢哋點同我啊！我推銀好犀利㗎！」佢自信滿滿答我，喺推銀機前：「我控制，你話畀我知邊個位入好吖。」
每次成功推到金幣落坑，佢面上都會露出不經意嘅微笑。相反，當似乎推唔郁任何金幣嗰陣，佢都會皺一皺眉。
睇住佢成個大細路咁，我有種好滿足嘅感覺。
趁東冬唔為意，我嘗試運用琴晚阿樂教我嘅嘢，伸手入隔離嘅推銀機裡面，試吓輕輕督一吓金幣。
好似真係有郁到！
我企返去東冬隔離，合埋眼，一手用力一掃！
啪啪啪啪啪！！！
過半金幣被我一掃而落。
東冬被嚇到，然後望住我大笑起嚟。
「哈哈哈哈！咁我哋好多嘢可以玩喇！」佢好興奮地講。
我哋圍住全場，差唔多所有嘢都玩咗一玩。
夾公仔，籃球，保齡球...
好彩周圍嘅人唔多，無人留意到空中隨意飄浮嘅物件。
最後一站去到掟彩虹。
東冬先用手指夾住金幣，裝作掟嘅動作，而我就喺佢手中接過金幣，畫出一道拋物線，最後放喺彩虹最細藍色嘅位置。
叮叮叮！
職員搖鈴。
我同東冬相望偷笑。
好耐無試過玩到咁盡興，東冬似乎都同我一樣覺得好開心。
但踏出門口，我哋由樂園返回現實。
「你仲有無邊度想去，或者有咩想做？」佢對我問。
「不如溜冰吖？我以前成日都好怕跣親而唔敢玩，我估我依家無依個問題啩。」我望一望自己對腳，苦笑回應。
東冬溫柔地對我微笑，「嗯」一聲之後就拖住我行去溜冰埸方向。
太古雖然唔大，但基本設施大部份都有。
我哋離開餐廳後，東冬帶咗我去一個我好多年無去過嘅地方–
冒險樂園。
「哇我好耐無嚟過喇。」我環視一周後對佢講。
「點解啊，我間唔中就嚟玩㗎喇！」
佢喺背囊拎出銀包，用會員卡喺金幣機前㩒金幣。
純熟嘅手勢，相信佢真係成日嚟。
「你平時就係好似啲啊伯咁坐喺度全日？」我望向側邊一個坐低嘅老人家，低頭暗笑。
「佢哋點同我啊！我推銀好犀利㗎！」佢自信滿滿答我，喺推銀機前：「我控制，你話畀我知邊個位入好吖。」
每次成功推到金幣落坑，佢面上都會露出不經意嘅微笑。相反，當似乎推唔郁任何金幣嗰陣，佢都會皺一皺眉。
睇住佢成個大細路咁，我有種好滿足嘅感覺。
趁東冬唔為意，我嘗試運用琴晚阿樂教我嘅嘢，伸手入隔離嘅推銀機裡面，試吓輕輕督一吓金幣。
好似真係有郁到！
我企返去東冬隔離，合埋眼，一手用力一掃！
啪啪啪啪啪！！！
過半金幣被我一掃而落。
東冬被嚇到，然後望住我大笑起嚟。
「哈哈哈哈！咁我哋好多嘢可以玩喇！」佢好興奮地講。
我哋圍住全場，差唔多所有嘢都玩咗一玩。
夾公仔，籃球，保齡球...
好彩周圍嘅人唔多，無人留意到空中隨意飄浮嘅物件。
最後一站去到掟彩虹。
東冬先用手指夾住金幣，裝作掟嘅動作，而我就喺佢手中接過金幣，畫出一道拋物線，最後放喺彩虹最細藍色嘅位置。
叮叮叮！
職員搖鈴。
我同東冬相望偷笑。
好耐無試過玩到咁盡興，東冬似乎都同我一樣覺得好開心。
但踏出門口，我哋由樂園返回現實。
「你仲有無邊度想去，或者有咩想做？」佢對我問。
「不如溜冰吖？我以前成日都好怕跣親而唔敢玩，我估我依家無依個問題啩。」我望一望自己對腳，苦笑回應。
東冬溫柔地對我微笑，「嗯」一聲之後就拖住我行去溜冰埸方向。
（四十七）飄著
唔知係因為啱啱用力過多，定係我已經時間無多，我覺得好似用盡哂成世人嘅力氣一樣，要挨住東冬先可以繼續前行。
「一位？先生提提你，溜冰場仲有半個鐘就閂，你要...」
「嗯無問題，我哋會準時走。」
東冬著上溜冰鞋，拖住我行咗出去。
我笑住對佢講：「我以前唔識溜冰㗎，依家挨住你飄吓飄吓咁就覺得好簡單。」
「我都唔係好叻㗎咋，要啲時間熟習吓。」佢有少少企唔穩：「但其實我有啲怕溜冰...除咗怕跌低會受傷之外，我更加怕嘅係跌之前嗰一刻嘅感覺。喺跌同唔跌之間，先係最折磨人。」
「不過依種恐懼感都只係一剎那。」我回應。
快要離開依個世界，彷彿要再次面對死亡嘅我，其實本來有種強烈嘅恐懼同不安感。
但東冬依番說話提醒咗我，與其不斷徘徊喺快要離開嘅依種感覺，或者灑脫啲反而會鬆一口氣。
我諗我依家明白阿樂話完成咗心願就無必要再留喺度嘅意思。
只係我始終擔心留低嘅人無辦法放低。
「而且最重要係可以企返起身。」我望住東冬再講。
但佢依然無回應我，只係靜靜咁拖住我繼續溜。
望住白濛濛嘅一片冰地，我目光完全放空。
依種離心力好輕好輕，好舒服。
我合埋眼，將注意力集中哂喺佢拖住我嘅手上面。
忽然，我感覺到東冬隻手鬆開咗，繼而聽到「呯！」一聲。
我即刻回頭望，原來佢跣低咗。
本來想過去睇吓佢有無事嘅我，亦因為無咗佢嘅支撐而一樣跌倒。
佢即刻撐返起身，急步行埋嚟扶起我，不停問我有無事。
「無嘢啊係有少少攰...」我亦無太多力氣回答。
「咁我哋出返去坐低休息啦？！」
於是我哋返咗去太古公園，我哋第一次相遇嘅地方。
唔知係因為啱啱用力過多，定係我已經時間無多，我覺得好似用盡哂成世人嘅力氣一樣，要挨住東冬先可以繼續前行。
「一位？先生提提你，溜冰場仲有半個鐘就閂，你要...」
「嗯無問題，我哋會準時走。」
東冬著上溜冰鞋，拖住我行咗出去。
我笑住對佢講：「我以前唔識溜冰㗎，依家挨住你飄吓飄吓咁就覺得好簡單。」
「我都唔係好叻㗎咋，要啲時間熟習吓。」佢有少少企唔穩：「但其實我有啲怕溜冰...除咗怕跌低會受傷之外，我更加怕嘅係跌之前嗰一刻嘅感覺。喺跌同唔跌之間，先係最折磨人。」
「不過依種恐懼感都只係一剎那。」我回應。
快要離開依個世界，彷彿要再次面對死亡嘅我，其實本來有種強烈嘅恐懼同不安感。
但東冬依番說話提醒咗我，與其不斷徘徊喺快要離開嘅依種感覺，或者灑脫啲反而會鬆一口氣。
我諗我依家明白阿樂話完成咗心願就無必要再留喺度嘅意思。
只係我始終擔心留低嘅人無辦法放低。
「而且最重要係可以企返起身。」我望住東冬再講。
但佢依然無回應我，只係靜靜咁拖住我繼續溜。
望住白濛濛嘅一片冰地，我目光完全放空。
依種離心力好輕好輕，好舒服。
我合埋眼，將注意力集中哂喺佢拖住我嘅手上面。
忽然，我感覺到東冬隻手鬆開咗，繼而聽到「呯！」一聲。
我即刻回頭望，原來佢跣低咗。
本來想過去睇吓佢有無事嘅我，亦因為無咗佢嘅支撐而一樣跌倒。
佢即刻撐返起身，急步行埋嚟扶起我，不停問我有無事。
「無嘢啊係有少少攰...」我亦無太多力氣回答。
「咁我哋出返去坐低休息啦？！」
於是我哋返咗去太古公園，我哋第一次相遇嘅地方。
（四十八）說再見
最後依段時間，我坐喺東冬隔離，繑住佢手臂，頭挨落佢膊頭。
我嘗試仰望今晚嘅月圓。
但好攰好攰，從來都未試過咁攰，連抬頭嘅力都無。
我回憶起同佢發生過嘅每一件事，開心定唔開心嘅，都仍然記憶猶新。
「就係因為依粒吊墜我哋先識得。終於幫你完成到心願。」佢拖住我隻手講。
我醒起今日收到吊墜嘅同時，仲有一張紙。
我喺裙袋拎張紙出嚟，問佢：「咩嚟㗎？」
「梓軒話係表白用。你打開佢吖，我想試吓你收唔收到。」
「送你一棵桃花樹，青春煩惱留不住；
送多一個麥東冬，生活從此變輕鬆。」
「好無聊啊...！」我低頭笑說。
佢亦輕輕笑一聲。
我開始感覺到身體越嚟越輕，好似坐咗喺輕氣球上面，隨時會飄浮離去。
「我走咗之後你會點？」我用餘力問佢。
「我都唔知，我唔敢想像。但我知道我已經無可能做返未識你之前嘅麥東冬。因為我嘅記憶，我嘅細胞，我身體每一吋，都有你嘅存在。就算你無實實在在咁喺我身邊，我嘅將來都會有你喺裡面。」
我感覺到東冬有好多情緒。
好想向佢表達返我嘅感受，只係我實在無辦法再講太多說話，只可以靜靜咁聽佢講。
佢望一望自己隻錶，打側身迎面攬住我。
「我唔捨得你...」佢哽咽。
「依段時間我好開心，多謝你。你要好好照顧自己，有時間嘅話幫我探吓我爸爸吖。」
「嗯。」佢再用力攬實我。
我唔想佢目睹我離開，於是輕輕推開佢，叫佢合埋雙眼。
「做咩啊...？」佢眼泛淚光，用唔情願嘅語氣望住我問。
「你合埋先啦...」
佢皺一皺眉，慢慢合起雙眼。
我拖住佢對手，細望佢個樣，嘗試將每一分吋都深深記入腦海。
「我想你再唱歌畀我聽啊。」我對佢講。
佢微一微笑：「你想聽咩啊？」
「你諗到咩就唱咩啦。」
「嗯...」
「I Love You 無望 你甘是這款人 沒法度來作陣 也沒法度將我放
I Love You 無望 我就是這款人 我身邊沒半項 只有對你的思念
陪伴我的每一天」
喺佢差唔多唱完嗰一刻，我慢慢靠近佢，輕輕錫咗佢一啖。
望住依然合埋眼嘅東冬，我嘅視線漸漸蒙糊。
「可唔可以唔好走...？」
我隱約聽到佢對我講。
我伸出手，但佢已經遠得無法觸碰。
而我眼中嘅佢亦越嚟越蒙，越嚟越黑，直到再見唔到。
消失。
『再見，東冬。』
最後依段時間，我坐喺東冬隔離，繑住佢手臂，頭挨落佢膊頭。
我嘗試仰望今晚嘅月圓。
但好攰好攰，從來都未試過咁攰，連抬頭嘅力都無。
我回憶起同佢發生過嘅每一件事，開心定唔開心嘅，都仍然記憶猶新。
「就係因為依粒吊墜我哋先識得。終於幫你完成到心願。」佢拖住我隻手講。
我醒起今日收到吊墜嘅同時，仲有一張紙。
我喺裙袋拎張紙出嚟，問佢：「咩嚟㗎？」
「梓軒話係表白用。你打開佢吖，我想試吓你收唔收到。」
「送你一棵桃花樹，青春煩惱留不住；
送多一個麥東冬，生活從此變輕鬆。」
「好無聊啊...！」我低頭笑說。
佢亦輕輕笑一聲。
我開始感覺到身體越嚟越輕，好似坐咗喺輕氣球上面，隨時會飄浮離去。
「我走咗之後你會點？」我用餘力問佢。
「我都唔知，我唔敢想像。但我知道我已經無可能做返未識你之前嘅麥東冬。因為我嘅記憶，我嘅細胞，我身體每一吋，都有你嘅存在。就算你無實實在在咁喺我身邊，我嘅將來都會有你喺裡面。」
我感覺到東冬有好多情緒。
好想向佢表達返我嘅感受，只係我實在無辦法再講太多說話，只可以靜靜咁聽佢講。
佢望一望自己隻錶，打側身迎面攬住我。
「我唔捨得你...」佢哽咽。
「依段時間我好開心，多謝你。你要好好照顧自己，有時間嘅話幫我探吓我爸爸吖。」
「嗯。」佢再用力攬實我。
我唔想佢目睹我離開，於是輕輕推開佢，叫佢合埋雙眼。
「做咩啊...？」佢眼泛淚光，用唔情願嘅語氣望住我問。
「你合埋先啦...」
佢皺一皺眉，慢慢合起雙眼。
我拖住佢對手，細望佢個樣，嘗試將每一分吋都深深記入腦海。
「我想你再唱歌畀我聽啊。」我對佢講。
佢微一微笑：「你想聽咩啊？」
「你諗到咩就唱咩啦。」
「嗯...」
「I Love You 無望 你甘是這款人 沒法度來作陣 也沒法度將我放
I Love You 無望 我就是這款人 我身邊沒半項 只有對你的思念
陪伴我的每一天」
喺佢差唔多唱完嗰一刻，我慢慢靠近佢，輕輕錫咗佢一啖。
望住依然合埋眼嘅東冬，我嘅視線漸漸蒙糊。
「可唔可以唔好走...？」
我隱約聽到佢對我講。
我伸出手，但佢已經遠得無法觸碰。
而我眼中嘅佢亦越嚟越蒙，越嚟越黑，直到再見唔到。
消失。
『再見，東冬。』
麥東冬依個故大概嚟到依度就完咗喇！
唔知有幾多人可以由頭到尾睇到結局呢？
依個故仔當中包含咗好多我嘅生活趣事，真實經歷，同埋個人喜好～所以有啲情節點解係咁？係無得解嘅
我喺唔少地方都有貼個故，老實講吖，反應比我想像中冷清。
重點唔係因為我想刷存在感，而係我都會好想知其實讀者明唔明我寫緊咩，有邊啲位讀者中意同唔中意 之類嘅互動。
始終依個係我第一個完完整整嘅故，而且放咗非常多心神去寫，我都想聽吓feedback。
點都好啦～如果你有睇到嚟依度，我好感激你，因為我貼得真係好慢
如果有時間嘅話可以花少少時間由頭睇一次，其實個故有唔少伏線㗎～
仲有少少嘅後續，我會喺2020年完之前貼埋
唔知有幾多人可以由頭到尾睇到結局呢？
依個故仔當中包含咗好多我嘅生活趣事，真實經歷，同埋個人喜好～所以有啲情節點解係咁？係無得解嘅
我喺唔少地方都有貼個故，老實講吖，反應比我想像中冷清。
重點唔係因為我想刷存在感，而係我都會好想知其實讀者明唔明我寫緊咩，有邊啲位讀者中意同唔中意 之類嘅互動。
始終依個係我第一個完完整整嘅故，而且放咗非常多心神去寫，我都想聽吓feedback。
點都好啦～如果你有睇到嚟依度，我好感激你，因為我貼得真係好慢
如果有時間嘅話可以花少少時間由頭睇一次，其實個故有唔少伏線㗎～
仲有少少嘅後續，我會喺2020年完之前貼埋
《後續》（一）
「永晴！！！」
我感覺到佢鬆開咗我對手，即刻擘大眼。
眼前空無一人，我隨即企起身周圍望。
無。
見唔到佢。
我腦袋空白一片，好似發緊夢一樣，四支無力，坐返低。
只見前面隻肥嘟嘟嘅哥基，坐定定伸住脷同我對望。
「行喇肥基！」主人用力拉開哥基，接著對我講句「唔好意思」。
我苦笑搖頭。
真係咁就完？
唔會再見到？
我實在接受唔到。
我喺前方嘅便利店，買咗一罐又一罐嘅啤酒。
酒精可以令人感覺麻痺，亦可以產生幻覺，係我依刻最需要嘅嘢。
坐喺凳上，我將啤酒係咁飲落肚。
不知不覺間，我攤咗喺凳上。
「永晴…」我默念著。
「永晴！！！」
我感覺到佢鬆開咗我對手，即刻擘大眼。
眼前空無一人，我隨即企起身周圍望。
無。
見唔到佢。
我腦袋空白一片，好似發緊夢一樣，四支無力，坐返低。
只見前面隻肥嘟嘟嘅哥基，坐定定伸住脷同我對望。
「行喇肥基！」主人用力拉開哥基，接著對我講句「唔好意思」。
我苦笑搖頭。
真係咁就完？
唔會再見到？
我實在接受唔到。
我喺前方嘅便利店，買咗一罐又一罐嘅啤酒。
酒精可以令人感覺麻痺，亦可以產生幻覺，係我依刻最需要嘅嘢。
坐喺凳上，我將啤酒係咁飲落肚。
不知不覺間，我攤咗喺凳上。
「永晴…」我默念著。
《後續》（二）
「吓你要過台灣？！」梓軒擘大個口，痴住喺嘴唇邊嘅嗰條菜都就跌出嚟。
「係啊當轉吓環境囉，做幾年嘢啫。」我答佢。
「咁你係去做咩啊…？」
「我申請咗禾姍間公司，不過唔係台北，而係嘉義嗰邊嘅分店。」
「你果然仲未忘記依個女人！！」
我一笑而過。
「揼低我一個喺香港！唔制啊！！」梓軒激動嚷著，然後又扮喊。
但我明白佢嘅心情。
伊琳、禾姍、永晴，對我嚟講都係好重要嘅人，亦都係曾經離我而去嘅人。
每一日我都要喺太古度過，而每一次經過樓下公園，都提醒緊我同你嘅相遇、經歷同道別。
我遏制唔到自己嘅思緒。
有時半夜扎醒，發現啱啱夢到嘅你都只係幻像。
我開始唔敢再入睡，因為我唔想再面對由天堂跌落地獄嘅反差。
點解你要咁殘忍，留我自己一個喺度掛住你？
我唔想再留喺度喇。
今次到我任性一次。
「吓你要過台灣？！」梓軒擘大個口，痴住喺嘴唇邊嘅嗰條菜都就跌出嚟。
「係啊當轉吓環境囉，做幾年嘢啫。」我答佢。
「咁你係去做咩啊…？」
「我申請咗禾姍間公司，不過唔係台北，而係嘉義嗰邊嘅分店。」
「你果然仲未忘記依個女人！！」
我一笑而過。
「揼低我一個喺香港！唔制啊！！」梓軒激動嚷著，然後又扮喊。
但我明白佢嘅心情。
伊琳、禾姍、永晴，對我嚟講都係好重要嘅人，亦都係曾經離我而去嘅人。
每一日我都要喺太古度過，而每一次經過樓下公園，都提醒緊我同你嘅相遇、經歷同道別。
我遏制唔到自己嘅思緒。
有時半夜扎醒，發現啱啱夢到嘅你都只係幻像。
我開始唔敢再入睡，因為我唔想再面對由天堂跌落地獄嘅反差。
點解你要咁殘忍，留我自己一個喺度掛住你？
我唔想再留喺度喇。
今次到我任性一次。
《後續》（三）
喺台灣嘅依兩年，我已經比喺香港釋懷咗好多。
可能因為我一有時間就會去你屋企探吓世伯，聽佢分享吓你以前嘅事。
更加重要嘅係我會將寫畀你嘅信，喺你墓前燒掉。
其實我一直以嚟都唔知你收唔收到，只係我慣咗咩都同你講。
除咗忙住返工之外，我有時間就會周圍去旅行㗎喇。
開住你IG，我去勻哂你去過嘅地方，連動作都跟埋你擺添啊！
去到每一個地方，我都幻想你當時喺嗰度嘅情景。依種感覺好特別，好似嗰一刻你就喺我身邊咁。
上一次我去台北嗰時，仲撞到禾姍。原來佢就嚟結婚喇～
我哋傾咗好耐偈，佢同我講其實好多嘢我哋都估計唔到，如果一直捉住以前嘅嘢唔放，咁我哋都無空出嘅雙手迎接新嘅嘢。
我成日都好想返去以前同你坐喺公園嘅每一晚。好想睇多次你每個動作每句說話每個表情，唔係想改變啲咩，只係好想好想再感受多一次。我有段時間用盡方法想放低你，甚至忘記你，咁樣我就唔會再有回到過去嘅渴望，咁樣我先可以有新嘅開始。但禾姍嘅說話令我醒起，你一直都唔係喺我手上面，而係喺我記憶裡面。我無需要，亦無辦法將依段經歷抹走。所以我會帶住你，去面對所有事情，無論係開心定唔開心嘅事。
我決定返香港喇，唔再逃避。
你會支持我㗎呵，永晴？
東冬上
喺台灣嘅依兩年，我已經比喺香港釋懷咗好多。
可能因為我一有時間就會去你屋企探吓世伯，聽佢分享吓你以前嘅事。
更加重要嘅係我會將寫畀你嘅信，喺你墓前燒掉。
其實我一直以嚟都唔知你收唔收到，只係我慣咗咩都同你講。
除咗忙住返工之外，我有時間就會周圍去旅行㗎喇。
開住你IG，我去勻哂你去過嘅地方，連動作都跟埋你擺添啊！
去到每一個地方，我都幻想你當時喺嗰度嘅情景。依種感覺好特別，好似嗰一刻你就喺我身邊咁。
上一次我去台北嗰時，仲撞到禾姍。原來佢就嚟結婚喇～
我哋傾咗好耐偈，佢同我講其實好多嘢我哋都估計唔到，如果一直捉住以前嘅嘢唔放，咁我哋都無空出嘅雙手迎接新嘅嘢。
我成日都好想返去以前同你坐喺公園嘅每一晚。好想睇多次你每個動作每句說話每個表情，唔係想改變啲咩，只係好想好想再感受多一次。我有段時間用盡方法想放低你，甚至忘記你，咁樣我就唔會再有回到過去嘅渴望，咁樣我先可以有新嘅開始。但禾姍嘅說話令我醒起，你一直都唔係喺我手上面，而係喺我記憶裡面。我無需要，亦無辦法將依段經歷抹走。所以我會帶住你，去面對所有事情，無論係開心定唔開心嘅事。
我決定返香港喇，唔再逃避。
你會支持我㗎呵，永晴？
東冬上