有無人斷聯又復合到既

由散個刻斷聯一年過多排就到以前紀念日仲係未放得哂大家無第三者出現
借連登黎放下負有無巴絲斷聯左成年會傾番計搵番前度個下係點

點解分手先
好耐之前先過搵番一個斷聯咗兩年嘅男仔
都係問佢最近點
可惜最後都係覺得唔夾
不過宜家有做返朋友

直接問對方近況
利申無呢d經驗

有鬼用咩 斷斷下連有個咁既人都唔記得啦
仲記得佢就唔係叫斷聯

Lm

我踩左佢底線兩次
佢好失望 所以想分手
佢本身想即刻分 但我唔想
所以協議左斷聯一個月
今日先第6日 好難捱
你個時係點捱過

分咗手5年以上 當中斷聯咗1年以上 依加一齊返1年喇

想聽分享

你係咩原因分手ge?
搵番嘅原因係？

有無details

我認自己係衰嘅
果陣對佢淡咗
後來又因為寂寞 覺得搵唔返一個對自己咁好嘅人所以搵返佢 我知會都願意係返埋一齊 但最後都係覺得唔適合

所以 點搵佢從來都唔係重點 重點係對方仲想唔想理你

價值觀上唔岩？

我同ex係long d
佢都話淡左

其實分手果陣都係得中五 主要真係因為性格不合 覺得佢好煩 同佢一齊唔再開心 後尾搵返佢係因為覺得或者自己果陣係一時衝動 想搵佢道個歉又好 適合嘅係返埋一齊都好...可惜相處多排都係覺得唔夾

淡咗係因為你唔理佢？定係因為太耐無見

兩個原因都有
前者因為我果排好大壓力 小左搵佢
而佢依排都多左野忙 大家都小搵左大家

同埋本身無expect過爆武肺
就算爆都無諗過搞咁耐

分手原因佢就話太耐無見 但唔sure仲有無其他原因

我都對佢做過好多浪漫嘅野 希望佢會記得喇

你小咗搵佢果排佢有無表達過d咩情緒啊
尤其long d 無得見文字上嘅溝通真係要再做得好少少

唔知係咪大部分女仔都係咁啦 至少我自己會希望係咁
係佢忙果陣都唔好唔搵佢 但又唔好係咁chur佢 當自己忙完見到男朋友搵自己又咁貼心都會覺得窩心 會覆返嘅
仲要你前排忽略咗佢就更加要將功補過啦

不過你分唔分得清佢講分手係發脾氣果種定認真諗清楚果種？ 佢話太耐無見似係晦氣說話喎 會唔會想你做d野氹返佢或者表達下自己都好掛住佢？

武肺帶嚟嘅問題真係情侶好大嘅考驗 我都因為咁同現任嘈過幾次 好彩最後都解決到 如果仲嚟得切嘅唔好咁快咁輕易就放棄啊 加油

其實未分手嘅斷聯真係好唔健康
因為根本就知道另一半會好辛苦 好難受
而仲要係你自己提出 佢根本唔需要為呢決家而內疚
佢決定咗分手又堅持到唔搵你應該都唔係衝動 而係已經無乜愛
仲愛嘅一定係prefer解決問題多過無意義嘅冷戰

所以 建議慢慢放低 一個月之後可以一齊返係bonus 真係分開嘅你都無咁傷

佢話係諗左好耐架喇
其實我自己諗番 果段時間都做得好差下
好多問題都係同一段時間發生

我都整左啲手作仔送比佢 都係無補於事
失去左先黎後悔

而家斷聯緊
佢話想同我做番朋友
盡力放低緊
但有時腦海都會浮現 將來有無機會再一齊番
比佢識一個唔同嘅我

我都唔知而家算唔算分左手
一開始佢講想分開之後個幾日係佢生日
本身佢唔想出黎 但我都氹左佢出
相處得幾開心 但個日冇拖手
之後一路幾日都有傾電話 不過就有啲冷淡
但過左幾日 佢話要分開一排 所以最後協議左斷聯一個月大家

大家有試過討論點解決 我有比過解決方法佢
但佢話 問題唔係點樣解決 而係佢失望左第二次 好難信我會冇第三次

利申：唔關第三者事

咁如果真係做得番朋友都唔錯嘅
比機會大家冷靜 反醒呢段感情發生過嘅事
真係或者到時通番關就無事

斷聯呢段時間建議唔好太頹日日去飲酒又或者刻意表現得太開心咁 正正常常就可以 加油

咁睇嚟件事真係令佢非常失望喎...
比埋建議方法都唔成功 介唔介意講係咩事？
係咪你之前已經咁講完又做唔到啊

你應該show到比佢睇自己為咗同番佢一齊會有好大好大嘅決心 記得要講得出做得到啊
同埋佢應該都想係呢段時間懲罰下你 等自己心理無咁唔平衡

照咁睇又唔係無機會嘅 捱得過而你又真係改到可能都有機會..

關於啲親密行為
唔想公開講太多detail
如果你唔介意 我可以留tg講
係我冇做到之前講既承諾
7月個時係第一次 都差啲分手 但我氹返佢
但今個月再踩多次

我都好想show比佢睇
但好驚一個月後搵唔返佢 或者佢已經淡左
淡左就好似做咩都冇用咁

好難捱 今日先第6日
但已經盡力逼自己改
每日都反思件事

咁應該係衰太心急？
你地係咪好細個 未經歷過嘅女仔或者可能會覺得你係為咗想同佢有親密行為先對佢好

我24 佢22
唔係衰太心急
detail唔公開講 唔想佢有機會見到

總之佢而家對我係唔信任
佢覺得信任係一段關係最基本既野 所以信唔到我 就覺得一齊唔到