其實好多歐洲品牌你都唔會識, 行一轉灣仔諾克道或旺角砵蘭街既瓷磚舖, d 陳列品上面會注名係意大利或歐洲進口, 乜都無寫既話就問下佢, 通常都大陸野.... 但歐洲磚預最平都要$4~50一尺, 大陸磚可能只係講緊$18~20一尺, 裝修都係果句, 睇筆直做人...
教多少少, 樓主借個位
點計瓷磚尺價同要幾多:
通常瓷磚係段塊計, 而每塊係有寫尺吋, 如果要計每尺幾錢, 可以用以下方程式:
1除瓷磚闊(單位m)除瓷磚高(單位m)乘瓷磚價錢再除10.764
例子:
10cm x 20cm 磚賣10蚊一塊
=
1÷ 0.1÷ 0.2x10÷ 10.764 = 46.5(四捨五入) 一平方尺
但條數未計完, 砌磁磚一定要計損耗, 即係師傅有時去到邊位時砌唔足一塊但都要當一塊計, 又要預有d 可能會運送途中整爛左或師傅做既時後介爛左, 仲有如果砌花紋, 即係要人字紋或者打斜砌, 又或者每4件先砌一個pattern 出黎果d, 損耗都會大, 塊磚既尺吋越大, 損耗越大 (試諗下, 你塊磚60cm x 60cm, 岩岩砌到邊位淨返40cm, 你其實都係要砌埋佢, 咁你就變左浪費左另外果20cm, 亦即無左1/3件, 損耗通常係約略x一個%, 細磚, 即係300x 300 或以下, 通常會x1.1, 大既400x 400 或者600x600, 可以去到1.2甚至1.3, 通常要既數量越少損耗其實越大, 記住寧願一次過買多2~3%多左拎去填海(有d 舖你買多佢會肯用7~8折收返你, 當然車返去既運費自己俾), 都唔好計到岩岩好爭一兩盒, 返轉頭再買佢一樣要計你車費運費, 呢個就係跟住要講喇...
最後就係要計運費同上樓費, 通常車費會幾千蚊以上既purchase 可以免, 但如果只買三兩千, 好多時後就要收費, 你住市區就平d, 住山卡拉就祝你好運, 仲有上樓費, 通常逐盒計, 一盒幾十蚊 <-- 不過呢個數只限由門口一路搭升降機然後可以直接推到入你單位放低, 如果停車落貨位到你屋企門口中間有大斜路, 樓梯 (好多舊私樓要上一層樓梯先到升降機大堂, GG), 等等, 佢會逐個case 同你計, 可以好襟計, 預budget 時可大約預10%瓷磚總額做運輸同上樓費實無死
最後就係少少tips 可以點慳運費, 如果你要係幾間唔同既舖 (但相鄰附近) 買磚, 其實佢會每間舖都收你一個運輸同上樓費, 咁就會重覆左, 其實你可以要求其中一間幫你call 個相熟貨van 佬 (有d 可以幫你加錢搬埋貨), 然後安排全部幾間同一日係舖面收貨, 到時就可以叫個貨van 佬一次個連續幾間兜起晒d 貨一次過送去目的地, 咁就可以避免三間舖分三車咁收你三家運費, 如果你係大力士, 仲可以叫個司機車邊交收自己托上樓, 不過最好有架板車同小心腰骨喇, 仲有瓷磚一跌落地就散, 爛左就係咁先, 所以勸大家除非只有一兩盒, 否則唔好慳果少少, 交返俾專業既做啦
最最後, 買瓷磚其實係可以講價架... 你唔出聲, 佢就唔出聲俾正價你, 你問有無得平d, 佢可以最多平到10~15%, 所以唔好怕醜, 問就有得平架喇...同埋記住灣仔貴過旺角好多, 除非有相熟或真係過唔到海, 否則exactly同一隻磚, 我見過灣仔賣68蚊, 旺角賣48, 灣仔有開既舖, 9成9旺角會有分店...
希望幫到大家