《我專門幫人擺分手和頭酒》（分手的意義是什麼呢？）[3]

不知不覺就快又一個月，多謝咁多巴絲日日陪我，令到個故嚟到Post 3

先附上之前link，方便新讀者追故，記得去留翻個正皮先好走啊：
Post 1 : https://lihkg.com/thread/2158043/page/1
Post 2 : https://lihkg.com/thread/2176561/page/1

下面仲有紙言同Penana link，方便大家追故，因為Penana都會有助加更，所以大家有時間去埋嗰邊like post都得
Penana link：https://www.penana.com/story/66301/我專門幫人擺分手和頭酒
紙言：https://www.shikoto.com/articles/216194.html

上一個故《我同鍾意咗十一年嘅人表白，佢竟然跳海死咗》：
連登：https://lihkg.com/thread/2119869/page/1
Penana：https://www.penana.com/story/63218
紙言：https://www.shikoto.com/articles/210050.html

最後留低埋樓主IG，呢個故每次出po前樓主都會出一首伴讀歌曲幫大家增加睇故mood
歡迎大家科勞聽歌 或者催下樓主出文
IG : windblowssilently

開新post冇文

Hi

序
你曾經分過手嗎？

你用過咩原因嚟分手呢？

感情淡咗？性格不合？有新對象？

得罪問句，其實呢啲，係咪你心底真正嘅分手原因？

「分手和頭酒」，聽落好似係一樣幫人復合嘅嘢，但其實唔係。

「分手和頭酒」係俾一對情侶可以喺分手前或後同對方食一餐飯，坦白了解分手嘅真正原因。

當然，可能你會質疑，如果一個人要唔坦白，佢又點會嚟到之後就肯坦白呢？

講真，其實好多人嚟到都係唔會坦白㗎，所以搞「分手和頭酒」嘅我有一個好重要嘅工作，就係會喺「分手和頭酒」之前，細心研究調查一下參加者嘅背景。

而通常呢個調查，往往都會搵出好多意外嘅結果。

有感人嘅、有刺激嘅、有卑鄙嘅、亦有皆大歡喜嘅。

我有一個信念，就係，所有分手一定有原因。

而我相信一個坦白嘅分手原因，其實可能都係俾對方嘅一個祝福，或者一個放低嘅理由。

所以，「分手和頭酒」就咁出現咗。

可能你會問，究竟有乜嘢動力驅使我要搞呢一個「分手和頭酒」呢？

簡單嚟講，係因為我都等緊一個屬於我嘅分手原因。

呢個原因，我等咗就快五年。

喺呢五年裡面，我成為咗一個俾「愛情」拒絕嘅人，我完全無能力進入任何嘅關係入面。

我想要一個原因。

但係我可以做嘅，就只有等。

無論如何，呢個就係一個有關「分手和頭酒」嘅故事。

當你睇落去嘅時候，你會開始明白，點解需要「分手和頭酒」。

你可能會發現，有啲分手嘅故事、對白或者經歷會有你自己嘅影子。

因為分手唔止係代表住兩個人嘅分開，更加係代表住一啲感覺嘅消失、一啲信念嘅破滅，又或者係一啲傷痕嘅形成，所以喺唔同故事入面，我相信你總會可以搵到自己共鳴之處。

如果你睇完呢個故，發現自己都有需要「分手和頭酒」嘅服務，歡迎你可以聯絡我。

我叫阿濤，我專門幫人搞「分手和頭酒」。

你快過我個序
不過多謝留名 打多兩句介紹就出文

LM

墨辰巴好快手
多謝支持

上個post仲未追完
但新post都要留一留名

轉post轉得好快手
多謝支持

啱啱見到

多謝舞淺絲
係喎無見一排

ok

多謝留名

講一講大家最關心嘅新po加更方式
呢個post繼續每50正皮加一更

所以新post加更位：50正皮
Post 1正皮繼續有得加更，加更位：500正皮
Penana嗰邊會跟文章量定期調整，下次加更位：1650 likes

大概一日一更（多數夜更） 每更1000-1500字啦
正皮愈多 出文愈多
大家加油 我又加油

留名

多謝支持

（四十八）再見不是朋友（上）
伴讀歌曲：再見不見朋友（鄧麗欣）

當我離開咗之後，房間入面係一片寂靜嘅。

Brian望住承心，而承心只係唔出聲咁耷低頭，心裡面應該只係想呢難捱嘅三十分鐘快啲過去。

我同Kelly睇到呢個畫面，大家互望一眼，似乎都為承心嘅情況有啲擔心，畢竟時間只係過咗一分鐘。

但係偵探竟然完全無望過監視嘅畫面一眼，反而一直好專心咁喺佢部手提電腦度一直打字。

「咁耐無見，你近來點啊？」Brian用佢把磁性嘅聲問，配合埋一個45度角嘅側面，同時整一整直佢件西裝褸。

承心保持沉默。

「我都明白咁耐無見，加上我哋分手嘅過程唔太愉快，你未必會想同我講嘢，甚至想就咁坐足三十分鐘就走人。但係，我望到你咁平靜嘅樣背後，心入面有一啲嘅情緒出緊嚟。」Brian一語道破承心嘅內心，令承心忍唔住抬起咗頭望住Brian。

正當我同Kelly都有啲驚訝Brian嘅說話精準嘅時候，偵探講咗一句：「係冷讀術。」

我同Kelly唔明咁樣望住偵探，偵探就有啲擔憂咁講：「Brian講嘅第一句係佢好聰明咁睇穿咗承心唔出聲嘅目的，但係第二句佢用咗冷讀術。所謂冷讀術，就係透過講一啲模稜兩可嘅嘢，令對方聽完覺得自己被人睇穿咗心事一樣嘅說話技巧，你去廟街啲睇相佬度就會聽得多。」

偵探一講完，我就即刻明白咗。

「我望到你咁平靜嘅樣背後，心入面有一啲嘅情緒出緊嚟。」

呢句嘢其實點樣解讀都無錯，「心入面有啲情緒」可以等於開心、傷心、憤怒。

簡單嚟講，冷讀術好似神乎其技，但其實只係睇你點樣有技巧地將一件事講到模稜兩可。

只要好似Brian咁講到好肯定，即使佢嘅嘢大路到好似「阿媽係女人」咁，成件事聽落一樣會好似睇穿人個心咁。

我哋見到只不過用咗一分鐘，Brian已經成功挑起到承心嘅反應，不期然更加擔心。

「其實我唔介意你唔出聲，因為我相信你未必想見到我。所以，或者呢三十分鐘入面，我可以俾你靜靜地咁聽我講嘢。其實，今次我隔咗四年搵翻你，我係有一個願望嘅。」

Brian講到呢度，停咗無講落去，只係就咁望住承心。

承心兩隻眼都擘大咗少少，睇得佢俾Brian嘅說話吸引咗。

「當然，呢個願望我一直收喺心底無講出嚟，但係我諗咗好耐之後，我都係決定想同你講。」Brian又再停頓，望住承心，似乎唔打算講落去。

承心呼出咗一口氣，正眼都唔望下Brian咁問咗一句：「你想點？」

我同Kelly睇住承心忍唔住講嘢，一齊歎咗一口氣。

當然，我哋無怪承心失手破功，只可以怪佢嘅對手實在太奸狡。

Brian聽到承心發問，臉上出現咗奸計得逞嘅一笑，然後講：「我覺得所有關係都係一個美好嘅回憶，即使分手，其實對方一樣對自己好重要嘅人，所以今次出嚟，其實我一來係想同你為過去嘅事情道歉，二來係希望可以同你成為翻朋友。」

「成為朋友？」承心冷笑一聲，「你知唔知道我幾辛苦先可以自己喺生活度唔再諗起你？你覺得我真係可以同你成為翻朋友咩？」

Brian好似早已預料到承心嘅回應，佢冷靜咁樣一笑，然後又整直佢件西裝褸咁講：「再見亦是朋友。每個人嘅分手都會有傷痛嘅，但走過咗，就可以同翻前度成為朋友。你曾經痛苦，係因為生活入面無咗一個好重要嘅人，而成為朋友，就可以大家換個身份再互相支持，咁樣唔係幾好咩？」

承心聽住Brian咁講，忽然間就開始流眼淚。

「你知唔知道，我幾辛苦先可以走出你嘅陰影？我上網去搵治療情傷嘅方法，有咩試咩，咩去唱k發洩、睇慘戲喊多啲、出席朋友聚會、去旅行、block咗你……我連自殺都試過，但係無一個方法得啊。當我辛辛苦苦咁好似終於可以唔會再夢見你，出街唔會再諗起你，就算諗起你都唔會喊嘅時候，你竟然約我出嚟同我講話同我做翻朋友？唔係每個人都可以好似你咁容易放得低一個人㗎。」承心一邊講，一邊流到成面都係眼淚。

係呀，最近未有心情專心睇
遲啲睇完再留下感想

今日提早出文係有原因嘅，因為今日樓主夜晚又有嘢做
（無錯，我坦白，我要去睇戲，仲要睇成兩個幾鐘）
所以我出定今晚篇文先，不過如果呢個Po有加更，今晚睇完戲之後就可以再出

所以大家放心正皮啦
你哋爆到幾多次50正皮　我就加足幾多更

慢慢追都有feel唔急唔急
等你分享 take care

落堂即有文

獎你勤力上堂

Brian食屎啦人渣

等睇偵探英雄救美

BTW 偵探預早求婚個到已經浪漫死啦 咁都叫唔識浪漫？