《我專門幫人擺分手和頭酒》（分手的意義是什麼呢？）[3]
黑犬風易
1001 回覆
340 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
其實每一個人都有各自嘅秘密，無必要強行去知道，要知道嘅時候自然會同你講
點解個款唔似可以大團圓結局BBQ跳起yeah嘅
能夠令到Kelly咁激動，同封信有關嘅人一定對Kelly好重要，甚至令同阿濤嘅關係有決定性嘅影響
唔係啲咩Kelly發現其實果個人先係一生中最愛，然後阿濤為咗Kelly幸福就忍心推佢去追返一生中最愛呢啲情節呀嘛
能夠令到Kelly咁激動，同封信有關嘅人一定對Kelly好重要，甚至令同阿濤嘅關係有決定性嘅影響
唔係啲咩Kelly發現其實果個人先係一生中最愛，然後阿濤為咗Kelly幸福就忍心推佢去追返一生中最愛呢啲情節呀嘛
等緊公司裁員
樓主可唔可以唔好sad end
樓主可唔可以唔好sad end
咁你真係好忙要加油啊！！！
要加油啊！！！好耐無見
就快爆post好多舊人上水
就快爆post好多舊人上水快得嚟都要起碼十日先完
珍惜最後兩星期
之後又同大家暫別一段時間啦
之後又同大家暫別一段時間啦
可能見埋真人個樣未必dream得落
其實都係 但可惜人係有好奇心
咁刺激
最近市道真係好差
幫你打下氣 希望你平平安安啊
幫你打下氣 希望你平平安安啊
無錯 另一半醒少少嘅 自己都係要醒定啲
FF緊東叔個樣係Benz雄
有時間睇嗰陣你都潛咗水
反正都係CD-ROM
好多時都係靜靜地追故算
Btw一早留低咗正皮
反正都係CD-ROM
好多時都係靜靜地追故算
Btw一早留低咗正皮
如果個故拍做電視劇應該幾好睇
唔通就係呢個人令kelly次次拍拖都性格不合收埸
因為除咗佢kelly對其他人都冇feel
因為除咗佢kelly對其他人都冇feel
即刻驚恐症發作
暫別呢個故好啦 仲有死神外傳等緊你
今日忙緊，十二點半前出文，順便覆大家comment
冇問題聽朝見
（六十一）自由飛翔 （上）
喺我送Kelly翻屋企嘅路程上，佢好少可地一句嘢都無講。
而我因為心入面一直諗緊到底有啲咩事令到佢要瞞住我，所以我都無刻意出聲，只係成程默默地拖實佢隻手。
終於行到去佢屋企樓下。
「到喇。」Kelly耷低頭咁講咗一聲。
「嗯，翻到上去再話我聽啦。」我對佢笑咗一笑，然後如常地錫咗佢一啖，跟住就轉身走。
「阿濤！」Kelly突然叫住咗我，我即刻擰翻轉頭。
「我今晚……可唔可以去你度訓啊？」Kelly咁樣問得有啲突然，但係從佢今晚唔正常嘅表現嚟講，我當然好樂意陪佢。
所以，我又陪Kelly從粉嶺去翻北角。
講起上嚟，我同Kelly之間有個不成文規定，就係如果佢嚟過夜嘅話，我會訓我老豆間房，而佢就會訓我間房。
原因係，Kelly話自己對於同另一個人一齊訓呢件事，總係有一種周身唔自在嘅感覺。
呢樣嘢其實我都唔止聽佢講過，我身邊都有朋友係唔鍾意同其他人一間房，所以去親旅行都要分房訓嘅。
所以，我又唔係太介意佢呢個習慣。
因此，Kelly偶爾一次半次嚟過夜，我哋都會好自然地分房訓。
咁當然，分房訓又唔代表訓之前唔可以……你明啦，唔講咁白啦，怕羞啊。
而Kelly嘅存在，其實已經得到咗兩個月前翻過嚟屋企幾日嘅老豆同意。
我仲記得當時佢翻嚟香港，我刻意邀請佢同Kelly見一面。
我老豆見到Kely之後無咩評語，淨係同我講咗句：「記得對人好啲啊。」
咁即係代表，過關！
用咗一個鐘鬆啲，我哋翻到去北角，而成個過程入面我哋都係無交流到嘅。
一翻到去，Kelly好快沖咗個涼之後就同我講咗聲「晚安」，然後就入咗房。
而我心裡面其實一直都猶豫緊好唔好入房去問Kelly到底封信係發生咩事，但係到最後，我覺得都係俾少少空間佢冷靜下好似好啲，所以決定留翻聽朝再問。
雖然講係咁講，但係我個心都仲係忐忑不安。
成晚喺張床度碌嚟碌去，但係個腦都係諗住封信同Kelly，搞到想訓都訓唔著。
而我有好幾次行出房飲下水去下洗手間，發現Kelly間房嘅燈仲係著緊嘅。
我好想敲門入去，但係心裡面又再一次猶豫，最後都係疊埋心水聽朝再問。
帶住心事去訓真係一件好煎熬嘅事。
我最後眼光光等到三點先訓得著，然後一朝早七點幾就俾窗外面嗰隻成日喺度「鳩鳩」聲咁叫嘅雀嘈醒咗，果然係「聲如其雀」。
起咗身行出房，我發現Kelly房門竟然留咗一條細縫。
於是，我走過去條細縫度睇下。
我見到Kelly已經喺床上面訓著，但係張被就應該俾佢踢咗落地。
所以，我就細細聲咁走入佢間房度，打算幫佢冚翻好張被。
點知，一入去，就出事。
當我幫佢冚完被諗住走嘅時候，我望到佢枱上面放咗啲。
係一個信封同埋一封半打開嘅信。
作為一個男人，好似唔應該睇女人嘅信；
但係作為一個關心女朋友嘅男朋友，呢封信既然令到Kelly喊，我好似又應該了解下咩事。
喺內心經歷咗一輪「母親的抉擇」之後，我決定，淨係睇打開咗嗰一半。
睇完個標題，其實我都無再睇落去。
一嚟係覺得自己真係有啲唔啱，二嚟係當我連繫到琴晚Kelly喊嘅時候，我大致估到封信之後嘅內容係咩。
我諗咗一諗，決定去廳等Kelly起身再同佢傾下。
唔知你有冇試過有一樣嘢好想搞清楚，但係又要等你另一半出現或者回應你。
如果你有試過，你就會明白我呢一刻坐又坐唔定，企又會想行嘅嗰種周身唔自在嘅感覺。
等咗足足兩個鐘到九點，Kelly終於起咗身。
佢一開房門見到我好精神喺個廳度行緊，佢都呆咗一呆。
「早晨，不如我哋傾個計啊。」我笑一笑咁望住佢。
「嗯。」Kelly似係感受到我有啲嘢想講，所以就乖乖地坐低咗喺我隔離。
「我想認咗衰仔先，我……今朝望到你放喺枱面嗰封信……嘅標題。」我決定用認低威嘅方式，睇下可唔可以換到跟住落嚟到Kelly講真話。
Kelly聽到我咁講，個樣有少少錯愕，但係又唔似有嬲，佢問：「淨係標題？」
「嗯。」我好肯定咁點頭，「其他想等你講嘛。」
Kelly表示明白咁點一點頭，然後走咗入房，出翻嚟嘅時候手上面多咗一封信。
我見佢好慢咁呼出咗一啖氣，然後就望住咗我。
「其實，你見到嘅呢封信就係你琴晚見到嗰一封。我都要講聲對唔住，因為我琴晚呃咗你。」
_________________________________
近排有啲忙, 成日都要大家等真係唔好意思
btw原來差7個正皮又可以加更
想加速歡迎正皮正皮或者去Penana俾個like啊
感謝所有得閒上嚟幫手推下文嘅大家
喺我送Kelly翻屋企嘅路程上，佢好少可地一句嘢都無講。
而我因為心入面一直諗緊到底有啲咩事令到佢要瞞住我，所以我都無刻意出聲，只係成程默默地拖實佢隻手。
終於行到去佢屋企樓下。
「到喇。」Kelly耷低頭咁講咗一聲。
「嗯，翻到上去再話我聽啦。」我對佢笑咗一笑，然後如常地錫咗佢一啖，跟住就轉身走。
「阿濤！」Kelly突然叫住咗我，我即刻擰翻轉頭。
「我今晚……可唔可以去你度訓啊？」Kelly咁樣問得有啲突然，但係從佢今晚唔正常嘅表現嚟講，我當然好樂意陪佢。
所以，我又陪Kelly從粉嶺去翻北角。
講起上嚟，我同Kelly之間有個不成文規定，就係如果佢嚟過夜嘅話，我會訓我老豆間房，而佢就會訓我間房。
原因係，Kelly話自己對於同另一個人一齊訓呢件事，總係有一種周身唔自在嘅感覺。
呢樣嘢其實我都唔止聽佢講過，我身邊都有朋友係唔鍾意同其他人一間房，所以去親旅行都要分房訓嘅。
所以，我又唔係太介意佢呢個習慣。
因此，Kelly偶爾一次半次嚟過夜，我哋都會好自然地分房訓。
咁當然，分房訓又唔代表訓之前唔可以……你明啦，唔講咁白啦，怕羞啊。
而Kelly嘅存在，其實已經得到咗兩個月前翻過嚟屋企幾日嘅老豆同意。
我仲記得當時佢翻嚟香港，我刻意邀請佢同Kelly見一面。
我老豆見到Kely之後無咩評語，淨係同我講咗句：「記得對人好啲啊。」
咁即係代表，過關！
用咗一個鐘鬆啲，我哋翻到去北角，而成個過程入面我哋都係無交流到嘅。
一翻到去，Kelly好快沖咗個涼之後就同我講咗聲「晚安」，然後就入咗房。
而我心裡面其實一直都猶豫緊好唔好入房去問Kelly到底封信係發生咩事，但係到最後，我覺得都係俾少少空間佢冷靜下好似好啲，所以決定留翻聽朝再問。
雖然講係咁講，但係我個心都仲係忐忑不安。
成晚喺張床度碌嚟碌去，但係個腦都係諗住封信同Kelly，搞到想訓都訓唔著。
而我有好幾次行出房飲下水去下洗手間，發現Kelly間房嘅燈仲係著緊嘅。
我好想敲門入去，但係心裡面又再一次猶豫，最後都係疊埋心水聽朝再問。
帶住心事去訓真係一件好煎熬嘅事。
我最後眼光光等到三點先訓得著，然後一朝早七點幾就俾窗外面嗰隻成日喺度「鳩鳩」聲咁叫嘅雀嘈醒咗，果然係「聲如其雀」。
起咗身行出房，我發現Kelly房門竟然留咗一條細縫。
於是，我走過去條細縫度睇下。
我見到Kelly已經喺床上面訓著，但係張被就應該俾佢踢咗落地。
所以，我就細細聲咁走入佢間房度，打算幫佢冚翻好張被。
點知，一入去，就出事。
當我幫佢冚完被諗住走嘅時候，我望到佢枱上面放咗啲。
係一個信封同埋一封半打開嘅信。
作為一個男人，好似唔應該睇女人嘅信；
但係作為一個關心女朋友嘅男朋友，呢封信既然令到Kelly喊，我好似又應該了解下咩事。
喺內心經歷咗一輪「母親的抉擇」之後，我決定，淨係睇打開咗嗰一半。
睇完個標題，其實我都無再睇落去。
一嚟係覺得自己真係有啲唔啱，二嚟係當我連繫到琴晚Kelly喊嘅時候，我大致估到封信之後嘅內容係咩。
我諗咗一諗，決定去廳等Kelly起身再同佢傾下。
唔知你有冇試過有一樣嘢好想搞清楚，但係又要等你另一半出現或者回應你。
如果你有試過，你就會明白我呢一刻坐又坐唔定，企又會想行嘅嗰種周身唔自在嘅感覺。
等咗足足兩個鐘到九點，Kelly終於起咗身。
佢一開房門見到我好精神喺個廳度行緊，佢都呆咗一呆。
「早晨，不如我哋傾個計啊。」我笑一笑咁望住佢。
「嗯。」Kelly似係感受到我有啲嘢想講，所以就乖乖地坐低咗喺我隔離。
「我想認咗衰仔先，我……今朝望到你放喺枱面嗰封信……嘅標題。」我決定用認低威嘅方式，睇下可唔可以換到跟住落嚟到Kelly講真話。
Kelly聽到我咁講，個樣有少少錯愕，但係又唔似有嬲，佢問：「淨係標題？」
「嗯。」我好肯定咁點頭，「其他想等你講嘛。」
Kelly表示明白咁點一點頭，然後走咗入房，出翻嚟嘅時候手上面多咗一封信。
我見佢好慢咁呼出咗一啖氣，然後就望住咗我。
「其實，你見到嘅呢封信就係你琴晚見到嗰一封。我都要講聲對唔住，因為我琴晚呃咗你。」
_________________________________
近排有啲忙, 成日都要大家等真係唔好意思
btw原來差7個正皮又可以加更
想加速歡迎正皮正皮或者去Penana俾個like啊
感謝所有得閒上嚟幫手推下文嘅大家
差唔多啦
標準阿叔樣 秦沛咁都得
標準阿叔樣 秦沛咁都得
多謝站長正皮
你又啱 貫徹CD-ROM
你又啱 貫徹CD-ROM