第20章︰探望
「好,各位同學,落堂喇。好快就會Exam,唔止英文科,其他科都要好好溫書呀。」
「Good bye and thank you Miss Chan~」
星期一的最後兩節課,英語課上完了。4C班的眾學生在老師走出班房之後,在放學時間都放鬆了起來。儘管考試臨近,可是比要好好溫書的事,大家都很期待中期考試完結後的一大盛事--- 聖誕聯歡會。
聖誕聯歡會,在大多香城中小學的規矩中,可是一天學生難得能允許穿上便服,好好展示自己打扮的日子。加上班上的大家都會一起享用美食,一起玩遊戲和交換禮物,有誰不期待呢?
「嘻嘻,尋日我先買左條靚裙,今個聖誕聯歡會我著硬佢~」
「呀,今年班會訂左隻火雞,咁大個人都未試過呀~」
「今年一考完試就聯歡會同放大假,真心爽皮呀~」
課堂到處都是大家對聖誕聯歡會的憧憬之聲,期盼那天快一點到來。
「善容,你真係個天才~第一次就將咁厲利既妖邪消滅。」
「唏,沒左小玉既話,可能就係靜賢要過尼救我囉。」
和大家不一樣的是,黃善容和陳揚錫這對好兄弟在交頭接耳的,別人聽不見他們在談論什麼。
「唉......如果我可以好似你同師姐咁有天份就好囉。」陳揚錫有點從心而發的羨慕。
「你唔好咁喇,再講靜賢講,你最近變強左好多丫,仲救左人。」
「哼......打幾隻小妖都咁上下喇。保護你既話,遠遠不夠。」陳揚錫若有所思的回應。
「哈......有心喇。」
「講啲開心啲既野啦,聖誕節諗著點過呀?」當陳揚錫問及此句時,他回復了正常的聲線,笑了笑的收拾書包。
「吓?我過節如過日既,咪又係同往年差唔多。」黃善容假不思索的回應。
「喂喂,我就Lonely Chirstmas啫,你依家有李師姐喎~」陳揚錫壞壞一笑。
「嗯......係既,只係我都唔知應該點做喎。」黃善容抓了抓後腦,有點害羞的坦白。自己有了女朋友才兩個多月呀,以往單身寡佬的哪知要準備什麼?
「妖,約下師姐行街食飯之類囉!你係男仔好心就主動少少啦。」
陳揚錫無奈,自己的好兄弟已成「人夫」卻依然是宅男作風。
「靜賢感覺唔會稀罕呢......」
「嘻,你咪試下囉~喂老實講呀,行街睇戲食飯送花,邊X項唔膚淺架?By the way, 女仔就係鐘意,男仔一樣要做~」
陳揚錫感到很有趣的說道。
「哇......唔講仲以為陳生係啲咩情場高手添~」黃善容聽罷,略有諷刺的打趣笑笑,陳揚錫這光棍說得頭頭是道的。
「梗係,睇下我有咁多老婆係手機同模型櫃就知喇~」陳揚錫毫不介意的自嘲起來。
「小善,課金仔~」葉明恩進來了班房,親切的打著招呼。
「呀,明恩都到喇。」
「嗯嗯,我地行啦。」