「晏就我做下戲昨,我又點會呷尼啲咁無謂既醋呢?」李靜賢閉上了眼睛,淡淡一笑,伸出左手輕輕搭了在黃善容的手背上。
「吓!?......呀...」
「你都一五一十咁講左喇,葉師妹同你係有足足十二年的摰友情誼,照顧佢再正常不過,我做咩要嬲呢?」
「咁......你點解要扮呷醋呀?」
「哼,啲人加鹽加醋咁話緊你尼單野,無非就係想我回復單身啫?好,我咪即管比佢地得意一下囉......By the way, 我都好奇你有咩反應,假如我表現出所謂的"呷醋"既話。」
李靜賢不屑的冷笑著,她既一早便知黃善容的事肯定被誇大了不少,對那些同學的用意,她只感無聊。
「有言在先,你如果真係對個三唔識七既女仔又抱又攬既話,我真係會呷醋架~」李靜賢是這樣說,可看她冷傲又帶有幾分挑逗的語氣上,她更像在開玩笑。
「呼.......好,我既女王大人。」黃善容苦笑著,可他卻鬆了一大口氣。的確,李靜賢這種成熟穩重又別具性格的女生,很難想像她會吃醋生氣。
「女王大人!?...哇,宅男黃善容原來有啲特殊既癖好架~」葉明恩聽到「女王大人」的稱呼,便一臉壞笑的挖苦黃善容。
「唔好諗歪野喇,我講笑啫。雖然我係宅男,唔係咩抖M囉。」黃善容無奈的瞧著葉明恩。
「好囉好囉~你地感情沒問題就好囉,咁依家我地開始活動未?」宋慧祈笑了笑的問,另外三人便一起點了點頭。
活動開始了,宋慧祈倒不多像其他課外活動的老師或是負責同學一樣,先長篇大論一番活動理念云云的。
可能反正四人都是熟人好友了,宋慧祈只是微笑的簡單道︰「多謝大家賞面尼個咁冷門既課外活動小組,咁,我地開始啦。」
「首先,大家信唔信呢個世界有鬼呀?」
宋慧祈用著親切的語氣,問起了這老生常談的問題。
「唔信~」三人同以可愛的口吻回應,分別在於葉明恩是真心相信,黃善容和李靜賢並不是。
「嗯,小善......你細個唔係話你好似係咩陰陽眼咩?」黃善容記得十二年前的事,那葉明恩亦如是。
「呀,可能細個見到陌生人驚啫.....就係同你一齊玩開始,我就沒見過喇。」黃善容苦笑了一下,只好想出些說辭來使葉明恩不懷疑。
「哈,善容原來細個有咁既經歷呢。」宋慧祈像是眼光閃爍的樣子,抬了抬自己的眼鏡笑道。
接下來,宋慧祈便打開了房間中的投影機,並示出了電腦上她準備的一堆圖片和資料,開始了她的活動。
大概是說「鬼」的概念,在不同國族,文化風俗和宗教中對「鬼」的不同描寫和記載。
黃善容感覺這像是上課一樣,當然過程有趣多了。自己兒時甚至空閒時都會看看些鬼神相關的書籍和資訊,不過比起興趣的成份,
更像是要認識不同的鬼怪,以保護自己。而宋慧祈的「講課」,相當生動有趣,簡單易明,加上她那恰到好處的語速和溫和聲線,相當吸引聽者的注意力。
「好,今日到呢度啦~多謝你地。」快樂的時光就是快,不經不覺已經下午五時了,活動也完結了。
「宋師姐,其實之前都沒聽過你有呢方面既興趣既,點解今年想搞呢個課外活動既?」黃善容不禁好奇的問。
「呀......其實......」宋慧祈露出了柔柔的苦笑。
「善容,我應該未同你講過,我係個孤兒呀呵?」
「呀.......」黃善容驚訝不已,隨之露出難過的神色。
「唏,你唔洗咁樣。說起因由,自從舊年暑假開始,我一直不時係夢中聽到好似有一男一女講野,不停咁叫我個名......」
「如果只係一兩次,我真係當係夢就算。但係呢個夢一直都三番四次咁出現又出現,感覺......係我既親生父母報夢一樣。」
「我到依家都唔知呢個夢既意義,不過成件事好不可思議又神秘......哈,反而令我成個暑假有興趣研究超自然同鬼神既事呢~」
宋慧祈倒沒有特別傷心難過,她是一種疑惑的語氣,而且之後便淡淡一笑的指自己突然對超自然和鬼神有了興趣的事。
「既然學左咁多,我當然想同其他人分享喇~嘛,雖然到頭來都係熟人~」宋慧祈一半無奈,一半興奮的說道。
「原來係咁。」
「哈哈,都要親口多謝番善容添,沒你加入既話,我尼小小願望恐怕都達唔成囉~」
「唔敢當唔敢當...呀?」黃善容尷尬的笑了笑,要不是當天葉明恩有所請求,自己才不會加入什麼課外活動呢。
不過他沒留意的是,宋慧祈竟伸手摸了換自己的頭,溫暖的微笑,是表示感謝嗎?不管如何,她這個舉動,讓黃善容臉紅了一下。
「善容,你......面紅呀?」李靜賢故意冷盯了眼黃善容,臉紅的黃善容馬上臉色嚇得白回來,生怕「女王大人」真的食醋。
宋慧祈見狀,便大笑了起來,並道︰「靜賢~你成日咁玩善容既話呢,佢真係心血小,短幾年命架喇~」
「哈哈,好。」李靜賢也笑了笑,轉頭也對黃善容輕鬆地說︰「咪講左囉,三唔識七既女仔,慧祈對你係三唔識七既女仔咩?。」
黃善容汗顏,不過也笑了笑的鬆一口氣。