李靜賢聽罷,有點呆呆的把目光注視著小玉身上。黃善容也愕然的問著︰「小玉...你咩意思?」
「......靜賢小姐,你應該識左善容唔算耐...但係,我諗你會讚同,善容佢...真係一個溫柔到不得了既男仔。」小玉臉有淚光的,對黃善容強顏歡笑,沒有回答他的疑問,而是轉過頭,問起了李靜賢。
李靜賢聽到,先是略有驚訝的微微張嘴,然後對著小玉微微苦笑︰「甚至...係太過溫柔,令人都唔知點講佢好...」
「嗯,我諗,佢有時需要其他人推佢一把......」小玉在黃善容的背後,雙手搭在他的肩膀上,對李靜賢回了一個近乎相似的苦笑。
「小玉......」
「靜賢小姐,我好感激你咁保護善容同我...只係,如果善容執意要成為降妖使,你都會堅決阻止嘛?...」小玉此句語音剛落,換成李靜賢開始猶疑了,不過顯然的是,她比黃善容果斷一些。
李靜賢細思了一下,閉目的說著︰「如果小玉你都讚成,而你地又可以忍受分開既痛苦......咁,的確善容係極之重要既人,只係......未嘗不可。」
「小玉!?...你...」黃善容似乎明白了小玉的意思,臉上的表情瞬間充滿了哀愁和不捨。
「善容......唔好難過,如果你今日選擇左我,或者我地可以好開心咁係晚黑繼續傾計,一齊生活......但係,你真係想咁咩?」
「!?......我...」
「我地開心生活既同時,靜賢小姐,你既好朋友,甚至將來其他既降妖使,佢地係賭上自己既安危尼保護你,以我認識果個溫柔既黃善容,佢個心一定唔會安落......」
「......」
「再者,我都唔想再見到好似你地一家所發生既慘劇......善容,溫柔並非懦弱,如果你成為左降妖使,你今日可能只係失去左同我見面既時間,他日換尼既,係你可以有能力去阻止更多同樣既悲劇發生,真正咁去保護其他人!」
「.......!」
「.....靜賢小姐,之後......拜託你照顧善容喇.....善容,尼就係我既決心,希望你都有。」
語畢,小玉帶著眼淚,微微一笑,一下身化成一狀氣息,進入了留陰玉。
黃善容呆呆地,雙手捧起了留陰玉,然後慢慢的流下了熱淚,語帶咽哽的說︰「多謝你......小玉。」
李靜賢見此情況,也有點難過起來,殘留的陰氣開始影響她的身體。
「咳咳咳咳!!......呀...」那怕只是座著,她的咳嗽越來越厲害,頭也開始暈眩。
黃善容一見狀,趕忙擦乾淚水,馬上扶著李靜賢,強行打起精神而擔心的說︰「靜賢,對唔住係我既事影響到你尼......你要快啲休息,尼,我扶你番床上。」
李靜賢暈暈的扶了扶額,點了點頭,便讓黃善容扶起她,然後慢慢的座回床上,再慢慢的躺下。見李靜賢已經躺回床上了,黃善容溫柔地把被子蓋到她身上,並問︰「咁樣,唔會太焗丫嘛?」
「岩岩好。」李靜賢閉起雙目,平淡的回應。
「......靜賢你好好休息,我之後先問你關於降妖使既野喇...」黃善容溫柔的苦笑著,看了看已經閉起雙目的李靜賢,正準備安靜的離去。
「......走之前,過一過尼係我身邊先。」李靜賢仿似知道黃善容準備離去,在床上挽留了他一下。黃善容半跪在床前,把上身靠近李靜賢的頭腦一旁。
李靜賢便輕聲細語的說︰「就係你既老家-深邃埗......"絕武蛇王",去搵果度既老闆。」
「.......多謝你,靜賢。」黃善容聽罷,牽了一下李靜賢的小手。
「沒小玉既話,我唔會支持你咁做......算啦,諗清楚就襯今日星期六去搵佢喇,我要再訓過...」李靜賢半睜了一下眼睛,注視著黃善容,輕聲而略感擔心的說道。
「小心身體......」黃善容苦澀的淡淡一笑,轉身離去,李靜賢便再次閉上眼睛,在被窩輕聲說了句︰「嗯......」