「哇.....靜賢你簡直係活生生既大小姐。」
「小康之家啫。」
「小康...??」
一轉眼間，外面的私家行車道突然有一輛白色房車駛了出來，李靜賢上前和司機說了幾句。
「多謝你送我番屋企呀善容，依家，不如等家父送你番屋企?」李靜賢說罷，一旁的黃善容才發覺車中的司機，亦即是李靜賢的父親在和自己招手。
「呀!?......唔洗.......」
「請。」李靜賢也沒等自己有拒絕的機會，直接打開了車門。
「好啦......咁聽日見啦靜賢。」
「......聽日見，善容。」送別的時候，李靜賢難得的送了一個略感溫柔的微笑表情。
一上到房車，李靜賢的父親很高興的介紹自己︰「你好呀，黃同學~我係你靜賢師姐既爸爸，叫我Uncle Lee或者李世伯就得架啦。」
「噢，你好呀李世伯。」和冷傲沉穩的李靜賢不一樣，她父親說話的語氣很開朗陽光。
「你住深邃埗一帶呀可?靜賢頭先Whyapps同我講既。」
「嗯。......但係靜賢會知我住邊既?呀，可能宋師姐講掛。」黃善容回想了一下，自己好像沒向李靜賢提及自己的住處，不過她和宋慧祈這麼要好，宋慧祈通風報信了一下也不出奇。
「李世伯，麻煩你車到深邃埗地鐵站附近就得架啦。」
「好呀，綁好安全帶喇~」
「尼個，我既寶貝女係咪好難相處呢?」行車了一段時間，李世伯對黃善容苦笑的搭話。
「的確，第一次見師姐時，佢真係一副深不可測既樣。」黃善容也苦笑的回應。
「哈哈~我既女真係成日咁Cool呀...所以佢話有一位可愛既師弟陪佢果陣，我就認真嚇左一大跳啦~」李世伯繼續說著，他說自己嚇了一大跳，然而聽上去語氣相當的高興。
「......希望你唔好介意靜賢既性格，佢本來都唔係咁樣......」
「放心，我唔介意......再講，師姐都唔係咁冷漠丫?」
「......呀!!!!」李世伯聽罷，突然大叫了一陣。
「李世伯!?」
「哈哈哈哈!對唔住呀~只係竟然會有佢既朋輩話佢唔係咁冷漠......我真係好感動!好開心丫!多謝你呀黃同學!」
「哦哦......呀!睇路呀!」
李世伯總算「安全」地把黃善容送到深邃埗地鐵站，只是，大雨依然。
「仲係咁大雨既...洗唔洗我送你到屋企樓下呀?」
「唔洗架啦李世伯，尼度係我地頭，番去既路都有瓦遮頭。你都快啲番去啦，唔係就到放工時間又落雨，實塞硬車。」
「哈哈，好啦。再見喇，黃同學~」李世伯很開心地跟黃善容道別。
感覺此刻，幸福是如此突然......但是，黃善容大概並不知道，不幸，也很快便降臨在他身上。
----------
「喂......嗯嗯，佢果個女仔唔簡單，我建議可以查一查......目標?應該番左屋企，咁實行Plan B喇。」
- 嘟!
街站的負責人，悠悠地拿著錢箱回公司時，露出了一絲不懷好意的笑容。
(本章完)
