我好耐之前就用過miya嘅皂同埋薰衣草凍膜
唔知係咪本身薰衣草嘅功效都係溫和鎮靜嗰啲
所以好似冇乜用咁 就冇再買
同埋嗰期暗瘡爆得超勁 所以冇乜話睇到咩效果
最近試咗beautyfromnature嘅金盞花凍膜
用埋佢個凍膜掃 敷得好舒服
所以連敷咗幾日 皮膚感覺唔錯 飲飽水咁
同埋買咗紅色嗰款泥mask
清潔力都幾好 冇哂黑頭 不過過2日都係出返嚟
唯有長期用 睇下會唔會改善
佢就建議敷完泥mask就即刻敷返凍膜
間野最近做promotion 所以又買咗幾個其他款凍膜試
不過用耐啲先評價佢地
我買咗玫瑰 杏仁酸 永久花
不過差唔多價錢佢地得50g 金盞花就有100g
所以我都推介你試金盞花先 性價比幾高
之後先試其他
但用凍膜掃真係必須的
我仲買咗永久花眼霜 唔lup同幾舒服
不過我眼冇乜問題/困擾
所以睇唔到明顯效果 但都會keep住用