相信大家近呢年都成日見到IG新興咗好多天然/自家,甚至係從未聽過嘅外國牌子護膚品。
多數我都係睇廣告見到,然後好奇禁落去見唔少都好多好評同埋人氣幾高,見到係幾心郁郁下,但見價錢都唔便。
以下係一d IG比較高人氣、多人買嘅Shop,每間我都有google查下評價,但有d唔太搵到,希望大家可以入嚟討論下,講下心得/中伏。
首先係呢間,如果大家之前有睇連登其他post,就會發現好多人踢爆佢係假瑞士牌子、外國根本冇review,同埋淘寶只係賣幾十蚊枝,但佢個價貴勁多。
但唔知點解可以做到開曬地鋪,又勁多藝人同KOL幫佢宣傳。
第二間開頭睇落覺得好似幾勁咁,但之後愈睇愈怪。佢d好評圖,全部都好似好做假feel咁(我個人覺得啦),一張產品圖,然後key 一兩句 wts嘅好評對話上去,見佢IG好多好評圖都係咁。
然後上網查佢嘅評價,發現其實唔少人話佢d野好廢,間店主打嘅咩清潔蜜糖心一d用都冇。d人仲話個店主態度好差。
第三間都係廣告成日見到,上網唔太查到佢d評價,但就見連登之前有人開post屌間鋪偽黃、食人血饅頭。(請大家自行作判斷)
不過我都幾好奇呢間護膚品好唔好用,見佢d包裝同效果圖又幾好咁,但上網就真係查唔到,希望有包膠。
第四間都係上網唔太搵到評價,淨係見到蘋果有訪問佢,睇落間野好似ok咁,希望有包膠。
最後一間,呢間一定最多人識。本身都諗住買,見佢d前後對比圖好有料咁。但又係上網查時發現d人對佢評價幾兩極,連登之前仲有人話用佢d皂用到爛面,原本冇乜暗瘡都爆到仆街。不過我見d人主要都係針對佢d皂話冇用/愈用愈衰。唔知佢其他產品好唔好有?期待下面有人包膠。
打咗咁多希望有人一齊討論啦,好想知道到底而加新興嘅本地天然IG shop可唔可靠。