以下係Tommy fb post:
幫手share!!!
今晚有一個唔太開心嘅case想同大家講,我聽完都好心up。#已fc 已經入左院!
有一位手足喺今年年頭嘅時候覺得心口唔舒服,以為係食得多催淚彈,於是去求醫。結果,發現佢有癌症。
咁後生有絕症,以為咁樣係晴天霹靂嗎?並唔係,與此同時,佢嘅伴侶有左佢嘅BB。亦因為免疫力太低,肺部染上炎症(唔係武漢肺炎)。
醫生希望佢盡快接受治療,但係用嘅果隻藥物無資助亦無得claim,佢自己要承擔翻呢個費用。手足好早之前已經同屋企人反左面,無再見面,無辦法要屋企人幫手。因為費用昂貴,希望可以透過大家幫助,再加上佢伴侶屋企人嘅幫忙,能夠儘早接受治療。
之前手足有喺討論區開過post,亦搵過唔同人士幫手,可惜呢件事同抗爭無直接關係,而且時值612、71、初選等大事,唔係好多人關注。佢亦喺fb癌症group開過post,可惜俾藍絲admin踢左。我想略盡綿力幫幫佢,希望大家即使捐唔到錢,亦可以幫手forward出去,俾更多人知。
https://gogetfunding.com/comehelpus/
呢個係眾籌link,入面篇文係手足本人打,更詳細嘅情況可以click入去睇下。
初為人父,仲未見到自己骨肉一面,我希望手足最後可以渡過難關,可以照顧懷孕嘅伴侶、可以見證小朋友出世、唔會缺席小朋友成長嘅每一個階段。
source: https://m.facebook.com/story.php?story_fbid=2645637169018260&id=100007160080074