[良心經濟圈] 英國物業篇 – 地區簡介(1)

留名

2) Manchester
介紹完London 咁就緊係要介紹下英國既第二大城市 Manchester啦 ！



Manchester 既地理位置屬於英國既中部，Manchester係十八世紀既時間係以工業為主直到近十至二十年左右開始發展成為一個以媒體同科技為主既城市，都開創左佢地好引以為榮既Media City(媒體城)。係我既文入面我都會稱Manchester為二線頭接近一線既城市。由於近五到十年呢一個城市發展得極快，令到佢得到英國第二城市既稱號 。

物價: 中等
治安: 中等
樓價: 中等偏高
娛樂: 中等偏高
校網: 中上
食物: 好
交通: 方便
就業機會: 多

Manchester既物價相比起London絕對係平得多，用番同一個例子去解釋既話，你出去正正常常食一餐飯既話大概10至15英鎊左右可以落到樓，叫一個take away 大概係7至8鎊可以埋到單。除左餐廳既價錢比London平之外，佢地當地既超級市場都會比London平。

治安 - 屬於中等，由於近十年多左好多人選擇左係Manchester定居所以人流都會雜左，但係治安方面都會比London好，反而有幾個區域係要留意係會比較危險比如Rushholme我個人唔建議係個邊居住。

樓價 – Manchester既樓價近五年上升左好多以至到而家Manchester既樓價偏高。以一個新既市中心樓盤兩房單位為例，大概價錢去到350萬港幣左右，係英國黎講屬於偏高。

娛樂 – Manchester既娛樂會比London少，但係一般酒吧，小店，歌舞劇等等都應有盡有，只係選擇上冇London咁多。而shopping方面係市中心有Arndale作為一個大既shopping mall，再遠少少有一個Trafford Centre都係Manchester人主要shopping既地方。

校網 – Manchester本身城市內既校網名聲都偏好，而且Manchester入面都有D名氣高既學校。以中學黎講比較出名既有Levenshulme High School，Whalley Range 11-18 High School等等，大學既話就有出名既University of Manchester都係好多學生會選擇既名牌大學。

食物 – 個人黎講既話Manchester既食物係偏好，選擇黎講都唔算太少。有啲本地既食物都好出名比如Rudy’s Pizza。食物既種類都好多，中日意法韓咩菜色都可以揾到。

交通 – Manchester既交通網絡屬於完善，除左Manchester既大型火車站Piccadilly 之外重有一個international airport係大概30分鐘車程以外。呢一個機場有直航飛去全球既大型國家同城市，包括香港杜拜等等。除左對外既交通之外，本地有Metro可以通往Manchester唔同既地區，班次都好頻密。除左坐Metro之外重可以選擇坐巴士 交通費都會比London 平。

就業機會 – Manchester係繼London之後其中一個就業機會最多既城市，而Manchester既主打行業包括媒體同埋科技。BBC同ITV兩大媒體公司都係Media City設立基地。除左媒體同科技之外，對地產類行業需求都因為市場關係而提高。另外非專業工種都會比其他小城市多，主要係因為人口多令到需求大。

請問知唔知道-Logistics嘅工作邊一個City最多？
多謝分享

3) Birmingham
繼Manchester之後既城市好多人都會提到既Birmingham (有人話Birmingham先係英國第二城市，不過呢個就見仁見智啦。


Birmingham既位置係係London既西北面，正正就係Manchester同London既中間。Birmingham之所以有人稱佢為第二城市係因為佢係地理上比覺近London，亦都係英國重點發展城市之一。除左本身Birmingham既人口多之外，佢地都吸引左唔少公司去落腳。
物價: 中等
治安: 中等
樓價: 中等
娛樂: 中等偏高
校網: 中上
食物: 好
交通: 方便
就業機會: 多

Birmingham同Manchester有多方面都好相似，所以評分上都係極相似。
Birmingham既物價會相對地比Manchester低，Cost of living 黎計 Birmingham大概係排係21左右。

治安方面，Birmingham既治安會比Manchester好少少，佢既治安排名係27，相對下Manchester就係37。本身個城市某啲區域係會比較危險，比如話Spring Hill Area但整體黎講Birmingham既治安會係中/中上。

樓價方面，Birmingham既發展大概係慢Manchester四至五年左右，所以而家既樓價會比Manchester 低7%-10%，但係Birmingham既發展潛力絕對會係而家既Manchester之上。

娛樂黎講，Birmingham既娛樂同Manchester差唔多，包括所有以上講過既野都有 而同Manchester好似既就係佢有一個好出名既商場叫Bull Ring (牛環廣場) 係一個地標黎，娛樂黎講既話Birmingham都唔會太過悶。

校網 – Birmingham既校網係屬於偏好，最主要係因為全英排名第二既中學—Eden Boy’s School正正就係係Birmingham，而且大學黎講University of Birmingham都係數一數二名牌大學。

食物方面，各式各樣既食物都會有，但質素個人意見冇Manchester咁好，不過Birmingham本地有個好出名既地方叫Digbeth Dining Club，呢個地方主要係做Street Food 係各區各城都好有名氣。

交通 – 本身Birmingham既交通網絡都唔差，佢都同樣地係有Tram(即係Manchester既Metro) 通去Birmingham既唔同區域。如果要同Manchester比既話，Birmingham就係少左一個international airport 通去世界各地。不過 Birmingham既優勢將會係英國高鐵HS2，英國首相Boris Johnson親自去左Birmingham既高鐵站實地考察，亦都confirm左2026 年HS2既第一站將會係Birmingham落成(如果冇delay既話)， 由本身1小時21分鐘既車程由Birmingham到London，將會縮短為52分鐘。呢一個高鐵計劃將會為Birmingham帶到去近一線位置既城市。

就業機會 – 由於London既operation cost 實在太高，好多既大公司包括HSBC KPMG PWC DB等等既大行都將會係Birmingham設立office。而PWC 將會有一個全英最大既office設立係Birmingham 呢啲龍頭公司將會為Birmingham帶黎120,000個就業機會，主要都係同London一樣既Financial Service 工作機會。至於非專業工種亦都會因為環境因數已增加，人口愈多，公司愈多既時候，就業機會都會跟住上升。

由於整合呢啲城市特色要比較長既時間去做research同layout番出黎，所以我今個post去到呢到就完左先 (主要係因為我要番工…)。而點解我揀呢三個城市講左先係因為好多巴絲會優先考慮去呢幾個地方試一試，始終工作機會大同埋比覺上發達。我黎緊下一個post會介紹多少少二線中/下既城市(Sheffield, Huddersfield等等)比大家又或者係啲好重英國文化既城市(Cambridge, York, Oxford等等)。

係咁多先！

下 會唔會快成咁... 我都未出完

聽講liverpool? 唔確定

考慮緊birmingham，可唔可以講多啲？

推

lm

Push

樓主可唔可以介紹下倫敦附近地區
Reading, Slough, Essex, Guilford, Crawley etc.

想知d咩

我每做一個都要好多時間去research 所以未必做得晒咁多 你可以去公海睇下有冇人知我自己都未必去過咁多area

個人認為係吸引既

pish
Birmingham好似唔錯

嗰度主要工種係咩？我係理科出身，佢哋對呢方面有冇呢個需求？一時三刻冇工作，點樣做按揭？除咗匯豐之外有冇其他銀行方便？birmingham邊區好？

好長盡

推

主要工種有講到
理科係咩科 唔識 即係專D咩
冇工作好難有人會做mortgage比你 除非你本身係香港有做開野
Barclays, Lloyd's bank etc
Digbeth, Erdington

推

推