準備緊入藉 未知得唔得
其實生活真係冇咩好講 用香港人嗰套標準嚟講就一定係悶㗎啦 就算Stockholm都咁話
所以我唔明啲人又要嫌悶又要嚟係咩心態
不過夜生活唔係冇 不過要有人帶你去
我自己就冇興趣
人嘅話上面有人講咗 除非有人介紹你入個圈子
否則一般都唔會比外人join
無論係社交場合定工作都係咁
就算係歐洲人都好難打得入本地人圈子
因為瑞典人一般都當外國人係Hi-Bye Friend
瑞典算係尊重個人生活空間嘅極致
一般望落好冷漠 笑起上嚟好假
不過又唔係真係唔幫人
純粹你冇問 佢哋唔會做主動
因為佢哋覺得你冇問即係你自己搞得掂
我記得初初嚟嘅時候幫個推BB車嘅女人開門
後來有個瑞典鄰居同我講返話咁樣會比人覺得係睇唔起個女人自己可以搞得掂
之後我就開始明 香港人細細個真係比人灌輸太多無謂嘅英雄主義