Day 1 東京 -> 岩手 -> 青森
上回講到 去到盛岡
搵左一間食soba放題嘅地方
黎到呢間叫東家嘅舖頭
盛岡有三間
不過因為都唔會開得太夜
我就喺車站附近嗰間食
入到去有2個價錢揀
不過初頭睇嘅時候都唔係好明有咩分別 你知啦佢地啲英文譯到勁騎呢
後未先發現
平啲嗰個係你一路食你要自己數自己食左幾多碗 因為你食完佢會收左你啲碗
貴啲嗰嗰係佢會一路俾你嘅同時疊高啲碗
你收皮嗰陣佢就會幫你數幾多隻碗 咁就會出現我喺fb見到嗰張相嘅畫面
而呢2個人就選擇左後者(貴嗰個)
因為我開頭睇唔透 我揀左平嗰個
除左soba 佢都會provide 少少配菜
即係幾片魚生 紫菜 納豆 肉呀嗰啲
等你唔駛咁寡
佢仲會俾一個大碗啦 等你食soba嘅時候唔駛飲曬啲水 搞到好似啲大胃王比賽咁
(sorry for 文字轉播 因為我掛住等食咩都無影)
當你一開始食
佢就會不停倒俾你 倒一次就會講一句野(我聽唔明)
食完就倒 再食完就倒 直至佢手上嗰盤清曬要番廚房攞 你就有機會抖下
(我淨係拍左IG Story 片 所以成個過程我唯有cap圖post 番出黎)
初頭我張枱得我一個
佢就專serve 我
因為佢係企喺你隔離standby 等你食完就再倒過第二碗俾你
你都唔好意思食完唔拎你隻碗出黎接下一碗。。。
(其實喺到番工應該會膝關節炎同網球手)
好彩食左一陣有2父女坐左喺我隔離
佢就可以一個人輪流倒俾我地3個
咁我每食一碗就可以倒耐啲
補充一下先 一碗係咁多
其實只係一啖
但係呢啲始終都係carbs 你食10啖我諗應該都有一碗掛
聽聞紀錄保持者係食左5xx碗
最衰大船渡線嗰程車我先食左個飯團 所以都唔係好肚餓
搞到我戰鬥力大降 食左50碗就開始無咩餓嘅感覺
同埋可能我係比較鍾意食嘅冷嘅soba 所以無咁醒胃掛
因為我無簡到貴嗰個set
我就要自己去數究竟我食左幾多碗
其實都幾攰 食到懵懵下仲要數住自己食左幾多
基本上就係佢俾一盒籤你 食左3碗就等於1枝
一路食一路數 好似張圖咁 10枝即係食左30碗(啖)
究竟其他食客食左幾多碗?
經過一輪混戰 最後嘅戰績係111碗!
當你要收皮嘅時候(好似)蓋住隻碗 佢就知你要收皮
咁你就可以自己賣數/佢幫你埋數
最後仲會送番舊咁嘅野俾你留為紀念
諗番起都覺得有啲恐佈
好似番黎香港之後到而家都無咩食過soba
食完先8點幾
仲有一個鐘多啲先坐再坐新幹線上青森
就行左去盛岡嘅市中心(盛岡站嗰邊係比較靜)
主要都係餐廳 K房 不過比我想像中熱鬧好多
可能之前去過青森 相比之下真係差好遠
行番出盛岡站嘅橋
零下3度 凍到仆街
已經係今日第三程新幹線
好鍾意停一停一個地方 轉頭又穿梭去下個地方嘅覺 好充實
2138-2230 盛岡 - 新青森
JR東北新幹線
はやぶさ43号
新函館北斗行
喺我心目中 東北新幹線已經當左係去東北嘅一個景點
坐一次又要影張相
有少少掛住北海道 唔想落車 想過埋青函隧道
但係要落車啦 呢班係去新函館北斗嘅尾班車 但係其實新青森已經落左9成人
2248-2255 新青森 - 青森
JR奥羽本線
青森行
由今朝5點搭車搭到11點
終於去到酒店check in
住嘅係岩岩先俾hotel mystays 接手嘅酒店
距離車站唔駛3分鐘距離
本身一開門心諗一晚HKD$4xx 連早餐仲要俾埋雙床房我???
點知我岩岩準備開gip嘅時候
front desk走上黎同我講話原來佢俾錯房我.....
我住嘅係一張細雙人床 連開個gip都有啲難嘅雙人房:(:(
終於打完第一日啦
聽日就出發坐五能線!
本身打算搭巴士番工嘅時候每日打啲
不過呢幾日攰到搭車都係閉目養下神算啦