話說我擺係屋企出面門口地毯對鞋就唔見左
咁我就懷疑有人偷左啦
咁條友都走左 無影無蹤 追唔返
我都打定輸數 當我唔好彩 諗住買過對
咁我諗諗下 佢可能係偷嚟變賣搵錢 我就上carousell搵下啦 我就search我對鞋 再filter揀「最近期」 點知真係比我搵到我對鞋
我對鞋本身左腳個隻有一點污糟左 所以好易認 再睇埋鞋碼 都係一樣46號 再睇一睇出po時間 係22個鐘之前 正正就係我唔見對鞋個個鐘數 時間吻合
咁我諗啦 可能咁啱得咁橋啲特徵全部一樣姐 唔好咁快下定論佢就係個賊住 咁我㩒入去佢profile度查清楚啲啦 點知佢出po全部都係鞋 有10幾20對鞋 正常人邊着到咁多？再講 佢放既鞋對對都唔同size既 佢對腳時大時細？講唔通啦 所以都幾肯定佢係偷鞋返嚟賣既
之後我諗諗下我有keep鞋盒 可以用鞋盒個serial number同對鞋個serial number對一對 事關佢影個鞋碼label張相真係有影到個serial number 咁我就即刻去拎個鞋盒同張相對number啦 點知真係一樣 每件貨品既serial number 都係獨一無二既 所以我肯定呢對就係我對鞋 更加證明佢就係個賊
咁之後我就扮正常買家約佢出嚟交收啦 我語氣都好nice 所以佢都無起疑心 最後就約左出嚟 我一見到佢就繼續扮好人買家先 同佢講話想check下對鞋先 佢都比左對鞋我check 我一拎到對鞋之後就即刻同佢攤牌 我就同佢講 我有同呢對鞋一樣序號既鞋盒 仲有屋苑個CCTV影到曬你 講都未講完佢就笠水轉身走左
咁之後我雖然已經攞返對鞋 但係我都係想佢收手唔好再偷 就wtsapp左佢話會冷處理件事 唔好再搞我 點知佢就轉話題話自己係黃...
咁佢擺明係想借黃呢樣野 表明自己係同路人 唔好再追究佢啦 先不論你黃唔黃同偷野係無關係既 你偷完野奶撻想消費個政治立場嚟避責就肯定仆街先
呢篇文既目的係想屌鳩佢扮黃嘅 同埋警戎全部人 唔好擺對鞋係門口出面 事關我自己如是 我見左鄰右里都係咁擺 大家十幾年嚟都係咁擺 咩airmax UB yeezy 乜都有 真係講個信字 但係今次之後 原來唔係所有人都信得過 真係會有仆街偷走左佢 就例如呢條友咁 佢主要係沙田區第一城馬鞍山呢啲地區活動 住沙田馬鞋山既巴絲就特別留意 或者你地有類同經歷歡迎係度講底 開心些牙等其他巴絲唔好中招 以後少啲受害者
我估啦 佢既犯案手法應該就係求其搵座樓 趁看更吹水/唔為意 就鼠入去 或者行後樓梯 上樓之後 用洗樓式方法去掃逐家逐戶 睇下邊對鞋靚就偷左佢 再拎去賣賺錢
如果當事人你睇到呢個po 你收手啦 先唔講你有咩苦衷/財政困難 偷野始終係唔啱架 呢啲事總有正當方式解決到 再講 如果對鞋本身對物主有一定意義 例如可能係已故親人送既 你更加會對物主造成心理上既傷害 放下屠刀 立地成佛 懸崖勒馬 唔好再偷喇
最後附上佢個樣 等大家認到佢 有所警惕 影得有啲矇 sor
報警拉鳩佢喇
