[文青勝景美食團]獨遊台北4日 (野柳‧九份‧總統府)

去到第二航廈就去美食廣場
就係地庫桃捷站隔離


今次就揀左係新加坡拎到米芝蓮1星既了凡油雞飯‧麵


機場食野點都貴啲架喇
我就要左個單人油雞+叉燒set
除左有飯仲有菜同湯
如果依照商品說明加NT$70得5舊仔燒肉
都係不了


單人油雞+叉燒set (NT$249)


肉既份量好夠，仲有半隻滷蛋
叉燒同香港既部位唔同
香港用梅頭，佢係用五花腩，會比較林同有油香
而佢既味道比香港既叉燒甜，幾好食
油雞個顏色好靚，皮係深啡色但唔肥
因為佢係用醬油膏，所以會濃啲甜啲
就算雞胸都唔鞋，都算入味



飯面淋左雞汁，其實就係雞味既醬油膏
甜得黎有啲焦甘味，就咁撈有啲濃味
加埋菜食啱啱好


菜就冇乜特別


湯就係海南雞飯會送既冬瓜湯
都係冇乜特別

剩係食飯梗係唔夠
隔離Bread Papa出左個期間限定
即刻要番個試下



森永牛奶糖泡芙 (NT$65)
而泡芙咬落去極脆，之後爆Cream
個Cream同牛奶糖一樣味
所以係好撚甜，食完要飲水



食完仲剩個半鐘登機
行左陣手信街就過關了
準備離開台灣了


入到禁區，因為登機橋實在太長
佢轉登寫埋你過去大約預幾耐
CD係二號航廈，AB就係一號航廈
呢度行去隔離航廈最遠個機橋要半個鐘架

話咁快就要上機了
好彩今次程飛機有電視睇冇咁悶




上飛機例牌拎報紙睇當地新聞
但呢篇我唔回應了，自己睇
[溫故知新系列]





每間航空公司都會設計乘客同安全守則片係飛機播
長榮個感覺好freestyle
個鏡頭轉黎轉去，啲dancer就跳黎跳去
之後就會彈番啲守則出黎
最勁係成條5分鐘既片係一take過
都幾impressive




起飛了，再見台灣

機上面都幾多野睇，有Avengers 4
個mon質素唔錯，又大又唔起粒



當然仲有偉大既國出品既流浪地球


去到台中附近就開始派飛機餐



個餐係燻雞花枝丸麵沙拉
不過個餐係熱既做乜叫自己做沙拉
雞冇雞味，花枝丸冇花枝味
麵就有味，係唔好味，因為有啲油



呢個糙米堡就幾好食
好脆好鬆化，好似旺旺咁



過多1個鐘就見到偉大既港珠澳大橋
姐係代表我既旅程完結了
係時候回到現實了




[文青勝景美食團]獨遊台北4日 (野柳‧九份‧總統府) - 完

下一篇
[帶住父母去旅行]13日橫越日本列島 (札幌 ~ 鹿兒島) - 不日上線

樓豬 點搵夜市米豬蓮推薦？

終於出哂期待日本遊記呀

。