[文青勝景美食團]獨遊台北4日 (野柳‧九份‧總統府)

行番落去就見到有個阿公係度吹簫尺八
而且好似都好出名下
因為佢個位隔離放左張剪報
應該係講佢吹簫尺八吹到上頭版df
至於好唔好聽...你睇下隻狗訓得幾稔就知


跟住周圍遊蕩左陣
去左煉金樓睇劇場動畫
主要講述一個後生女訪問個老礦工
個老礦工就講番當年係金瓜石同九份既生活
都幾值得睇


雖然我食左4次野
但嚴格黎講我正餐都未食
6:30 阜杭豆漿
11:00 周家蔥油餅 + 豆漿
12:30 阿柑姨 芋圓綜合冰
13:30 米詩堤甜點王國 黃金泡芙
所以我決定15:00食番餐正餐先

行左附近幾間餐廳，最後揀左礦工食堂
一黎係呢個奇怪時間都仲有咁多人
二黎佢有啲Gimmick野引左我過黎


舖頭室內區唔大，得幾張枱
但個戶外區好大，但係熱到仆街
本身室內區坐滿哂
但我去到嗰陣咁啱有人走
成功入去坐歎住冷氣食


呢度都幾多野食，有意粉有牛肉麵
但最多人食既就係礦工便當
佢有分2個version
1個係就咁普通用膠盒裝既便當，NT$180
1個係便當+便當鐵盒+筷子+便當方巾，NT$290
就係我叫既呢一個
點解個便當同個鐵盒分離呢？
店員同我講，其實以前係真係裝落個鐵盒度
但係有客反映佢地要洗番個鐵盒先帶得走好煩
所以就變成咁樣方便啲人食完拎走


賣相上，塊排骨既面積佔據成個盒既8成
都叫做幾有誠意
佢唔係坊間既滷排骨，而係炸排骨
但咬落唔柴，炸得好香口，幾好味
下面就有菜脯同酸菜俾你送飯
老實講，味道黎講呢個價錢其實都幾貴下
台鐵便當又平過佢又好食過佢
不過呢度交通唔方便又係遊客區
仲俾你又食又拎，算係咁



食完就差唔多4點，準備走
因為呢度返台北市區最快都要1個鐘
驚巴士去到市區塞車
二黎有舊大黑雲飄緊過黎，驚落大雨
上車點就係博物館門口
有965同1062返台北
但係我張北北基好玩卡只可以搭3位數既車
所以得965可以搭

加速

又停咗
最近成日諗返起上次去鹿兒島
今年3月8出發 15返香港
無晒大陸人/韓國人 有今生無來世

因為真係彎多路窄
一有對頭車就要倒後等是旦一邊出左先行得


965呢架巴士係旅遊巴咁款
一行4個位，中間係走廊
電視睇係度播旅遊節目
睇開TVB對廖科溢呢個人都應該唔陌生
因為J2同85台播台灣啲旅遊節目都周不時見到佢


呢一日天氣真係好到不得了


架車去到九份老街就即刻全車爆滿仲要企
好彩預知到去總站上車睇住佢地迫
去到瑞芳車站就落左半架車既人
可能有啲人轉台鐵去第二度/架車泊係度


台灣最出名既當然係夜市
今次黎台灣有3個夜晚
第一晚就因為前一晚冇訓而冇去
剩番2晚都冇可能去哂咁多個夜市
就算去得哂，胃就係得1個
有木下咁撚大食都冇可能食得完
所以我用左其中一個世界性既指標
就係米芝蓮推介+就腳黎搵食
於是我下一站就係去寧夏夜市

搭965既就係捷運北門站落車
呢一日唔塞車都幾快
1個鐘多少少就係金瓜石到北門
之後轉松山新店線去中山站行10分鐘就到
當然你都可以係北門站行20分鐘去
不過好撚熱，不了


去到寧夏夜市啱啱好5點
啲舖頭都啱啱好開舖，人都唔係好多
所以可以慢慢由頭行到尾巡下有乜好食
順便搵我預定想食既2間米芝蓮推介
方家雞肉飯同劉芋仔


但壞消息係
屌！劉芋仔個舖冇開！
本身以為佢未開
但係等到6點都唔覺有人開舖
所以算了，剩係食方家雞肉飯啦

方家雞肉飯就係第60號舖
就係正寧夏路間學校正門正前方
係個路口隔離，所以唔難搵
招牌講到明一定要食佢個雞肉飯啦
我睇食評啲人都有叫湯，所以都叫埋


因為啱啱開冇耐，現場其實都多位坐
但係我坐係度1分鐘
已經俾周圍煮野食既熱氣熱到爆汗
所以我都係決定外賣番酒店涼冷氣食


外賣就咁係舖面排隊就得
廚房得2個人
1個負責炒菜炒蛋
1個負責其他包括裝飯夾雞肉倒肉燥包裝收錢
而且前面有幾個叔叔嬸嬸一叫就叫10人份
所以排隊要俾少少耐性
我見前面有幾個人叫豆腐，於是我又叫左


排隊買飯由天光排到天黑
搭捷運返台北車站經過台鐵便當本舖
念念不忘排骨便當，於是買左一個
之前行地底返酒店，今次行地面
係台鐵便當本舖行出去，左邊會望到高樓
嗰度就係新光三越，後面就係我間酒店
前面就咁過馬路就係，好方便


番到酒店就係開箱文
因為我買完番黎到酒店都係半個鐘
所以所有野都係熱辣辣既
仲可以歎住冷氣睇住台灣啲時政節目送飯


雞肉飯 (NT$35)
一開盒就聞到好香，原來佢有淋到蔥油
雞肉就好滑，咬落唔係雪雞咁梅
而係彈牙食到一絲絲質感，好有雞味
飯就係用珍珠米，索哂啲精華
所以配埋豉油同蔥油食落好香口
如果嫌太少可以係外賣嗰陣叫雙份
佢會拎個大盒黎裝2份雞肉飯
但係作為米芝蓮推介既招牌菜
我就覺得有啲名不符實


滷豆腐 (NT$35)
呢2舊豆腐既價錢同雞肉飯一樣
看似性價比好低，但味道係驚喜
豆腐質感唔似坊間好易震爛
拎到番黎一忽角都冇爛到
用筷子夾都唔會夾唔起
落既醬油膏唔鹹而且帶少少甜
所以食落好滑同充滿豆香
再加上佢冇乜點出水
唔會驚調味越食越淡


苦瓜排骨湯 (NT$55)
呢個湯味道我覺得比雞肉飯更加好
苦瓜就用白苦瓜，食落唔苦仲好淋
沉底有幾舊排骨，都煲到骨肉分離
湯頭好甘甜，飲得出一定落左好多料煲出黎


台鐵排骨便當 (NT$60)
前一晚食既係七堵車站廚房version
今次食既係台北車站廚房version
味道上9成一樣
我覺得七堵舊排骨個調味好少少
台北呢個舊排骨就林少少個飯就好食啲
大家都係台鐵出既便當不用分得這麼細


Day 02完

Day 03

今朝訓到7點自然醒
去可蜜達吐司北門店食早餐
係一條暗巷入面，但唔算難搵


門口掛住個牌，賣唔哂唔準收工
咁咪賣少啲囉


餐廳一眼望哂，最多應該坐得20個人
不過好乾淨


可蜜達最出名就係佢既肉蛋
姐係豬扒蛋三文治
望落其實都唔平
但其實全部都係用靚野
豬扒係用溫體黑毛豬
姐係一劏完冇耐就俾你食
雞蛋係無激素無抗生素蛋


鬼椒起司肉蛋吐司 (NT$75)
炭燒甘蔗鮮奶茶 (NT$50)
講左杯奶茶先，我以前未飲過呢種味道
飲落去第一時間試到有蔗糖既甜
之後飲到微微既焦香味同奶味
最後品嘗到茶既甘
每種材料都唔會搶到大家既味道
但係要彈既就係我覺得佢甜左少少


個多士唔駛多講，賣相100分
芝士半溶，流心蛋黃半切開就流哂出黎
多士有烘底，所以好鬆軟
豬扒可以輕易咬開，好林好滑好有肉味
蛋+芝士+豬扒加埋味道好夾
鬼椒減少左芝士既滯，增加左風味
食既時候記住埋啲蛋漿，好香蛋味
男仔就咁食可能唔夠
不過加埋杯奶茶都夠飽


食完行去北門站搭捷運
經過呢間北門citizenM酒店
望落好新，係北門站隔離
行去機場捷運又近，下次試下住先


台北啲兩段式左轉搞到我好驚過呢啲馬路

下一站就係去故宮博物院
捷運士林站就因為好多車去到
所以會多人揀係度轉車，10分鐘就到
係捷運士林站1號出口直行會見到條大路
右邊就係巴士站，好多車都會經故宮博物院
如果驚搭錯車就揀總站係故宮博物院就得
但故宮博物院都有3個站
a. 故宮博物院總站 (故宮博物院正下方) - 紅30
b. 其他以故宮博物院為總站(正門牌坊) - 離故宮博物院大約100m
c. 故宮博物院為中途站 - 正門牌坊對面
因為我張北北基好玩卡包哂巴士捷運同入場票
所以又係唔駛諗唔駛煩


今日天氣麻麻地
但係都無阻故宮博物院個氣勢
前有牌坊石獅後有廣場靠山，一定係風水寶地




故宮博物院下面有個大鼎


我8點半到啱啱好開門
所以仲未係好多人到



入到博物院就見到好多日本學生妹
估唔到連去台灣都見到


但係記住如果你個背囊太大/拎喼
你要去寄存/去隔離locker擺低
因為佢會好似機場咁過機
所以連液體都唔好帶入去

台灣有故宮博物院
北京都有故宮博物院
南京又有南京博物院
當年民國時期政府將皇宮珍藏展出
就係當年第一代既北平國立故宮博物院
然後抗日時期國民政府驚日軍偷文物
所以一度將文物搬離故宮
抗日成功之後有啲就搬左去南京
但國共內戰國民黨打輸左要退守台灣
於是順便用船運走啲文物
嗰啲文物都經過精心挑選容易搬走
佔故宮文物總數5分1
之後就係台北復院
就係而家我去緊呢個台北國立故宮博物院

而去國立故宮博物院既重頭戲
當然係呢度既2大文物 - 翠玉白菜同玉形石
展館係3樓





唔好講笑，出面以為好少人
但其實呢度係台北旅行團必到既點
所以有啲早到既團已經入左黎
入到黎個個都排隊睇呢2舊野



屌，舊肉形石去左南部院區
嗰陣立即google睇點樣去
原來搭高鐵去嘉義都要個半鐘，來回NT$2000
咁唯有下次有機會先去多次


翠玉白菜就係呢舊野，都幾真




隔離仲有其他展品
都好精細好靚

我本身好鐘意行博物館
入面啲展品靚得黎都有好清楚既解釋
有時會行去旅行團啲導覽團聽下典故
呢個博物館算係我數一數二行得耐
我由8點半行到11點半先肯出黎

行完就出番去四圍行下
呢個時間啲觀光客湧住入黎
個停車場都拍滿哂車
其中原來好多都係日本學校團
乜啲學校咁有錢可以四圍飛既
香港就剩係可以去祖國



國立故宮博物院個外牆唔係普通野黎
全部都有Pattern寫住中華民國唔知幾多年造


作為台灣國立博物館之首
國父孫中山當然會係度鎮場啦


準備去下一個行程，去番Locker拎野


用既時候準備台幣10蚊入落去
拎走會俾番你，所以都OK啦


係地下有得搭巴士返士林站 雖然總站係劍潭站
KKDay有架可以直達101既專車
但係呢個價錢佢都幾貴
同埋應該實會塞車

My Taiwanese friend Susanna and I visited an art gallery where we looked at all the big nineteenth-century oil paintings in the gallery in minute detail in case we missed ant wonderful things. She's gonna give her birthday party at a hotel instead of her place lest they bother her neighbors.

Last Monday, I complained that I was treated badly at Starbucks in Taipei. As a result, I asked a barista for a referral to a senior staff member who in turn referred my case to the manager. I'm gonna follow up with the manager on the case to be sure that it'll be dealt with seriously. In addition, my Taiwanese friend Celine suffers a stroke so I gave her a referral to a cardiologist. Recently, I posted on an online forum and suggested that the government should build an art museum so as to promote tourism which was supported by many people on the forum. As a result, the forum administrator provided a referral to a district councilor. They're gonna follow up with the district councilor on the matter being discussed. I'm going to follow up on the issue too. Her suggestions as to how to improve tourism are deemed appropriate. Last Wednesday, we visited an art gallery where we looked at all the huge nineteenth-century oil painting in the gallery in minute detail lest we missed any wonderful things. She'll throw a party at a hotel rather than her home so as not to disturb her neighbors.

期待繼續出遊記～

多士個樣好正

長榮而家好撚削
派細機又食凍餐

下一站就係淡水老街
捷運士林站搭去總站淡水站經海邊行過去就得
頭先烏雲密佈，而家又陽光普照






1點鐘係時候食飯
淡水其中一樣名物叫阿給
其實就係日文既揚げ (a-ge)，姐係炸咁解
佢將炸豆腐挖空，入面放粉絲
之後用魚漿封口拎去蒸
食之前再淋甜辣醬食
淡水出名既有3間阿給
文化阿給 老牌阿給 三姐妹阿給
全部都係真理街，要行條超級長命斜上去
不過呢3間都因為阿給賣哂而關舖
結果我又原路行番去淡水碼頭隔離間阿給老店


因為樓下坐滿人，所以上左樓上
可以望住個海食


魚丸湯 (NT$40)，阿給 (NT$40)


魚丸本身好彈牙，中間釀左豬肉
湯就清湯冇乜特別


如果你地食過甜辣醬
應該會知道佢個味道會好突出
偏偏粉絲，魚漿同豆腐係冇乜味
就算佢地有味都會俾啲醬蓋過哂
而且佢地好吸汁，令到我剩係食到甜辣醬味
我就覺得麻麻地

剩係食阿給就梗係唔夠啦
淡水老街有另一樣出名既就係阿香蝦捲
係阿給老店門口隔離條巷行入去轉左就見到
舖頭剩係見到得個阿婆係度炸蝦捲
我去到就唔多人排


到我既時候我話要1串蝦捲 (NT$25)
俾完錢要找錢自己去佢啲散子陣度拎
阿婆就會俾支竹籤你
因為啱啱好啲蝦捲冇哂
佢就即場拎餡同皮黎包蝦捲之後擺落油鑊炸
大約1分鐘等佢轉色阿婆就會夾上黎
你就吉番3舊行開就ok
佢有2隻醬俾你揀，甜辣醬同蒜味醬油膏
就咁拎個掃掃上蝦捲就得
如果你拎走就係隔離拎個袋裝就OK
全自助，個阿婆全程一粒聲都冇出過


蝦捲炸得好香口，但一啲都唔油
一咬落去好似食薯片咁既聲
中間個餡係蝦同豬肉
雖然唔係好多，但係食到好新鮮
唔會食到腥味同油溢味
其實overall就似錦鹵雲吞
不過捲到春卷咁樣
個皮厚啲咬落會滿足咁啲


呢個掃左蒜味醬油膏
蒜+醬油本身就係又香口又甜
食落超級惹味
不過唔好掃咁多，會濃味過頭


呢個掃左甜辣醬
因為頭先食阿給既陰野搞到我覺得佢麻麻地


因為太過好食，所以我總共食左4串
之後行番去條巷飲番杯他阿媽的酸梅湯
既解暑又清熱氣，爽！

杯野未飲完就四周圍蕩下
作為其中一個遊客區呢度都十分熱鬧
啲人大部分都行入內街
因為好多舖頭好多野食好多手信舖
其實仲因為都真係幾曬
不過我又唔想買完拎住行黎行去
所以行完都係兩手空空行番出面看海
海皮同香港一樣都係大量被廢老佔據



行行下俾2隻鴿吸引住
鴿係專一既動物，一生只有一個伴侶
今次見到一隻幫另一隻打理毛髮
係我眼中似係一隻係度錫緊對方
但對方眼睛半閉合好似好enjoy咁
唉屌，連鴿都識放閃

https://imgur.com/a/QEqxy21

話口未完，行緊番淡水站既時候
又俾一首奇怪既音樂吸引住
原來遠處有個殘障阿叔賣緊藝
佢開住個大喇叭播住啲懷舊金曲
阿叔就吹口琴伴奏
我會形容阿叔吹既口琴好魔性
佢大部時間會吹高/吹低半度，但拍子好啱
聽到我上哂癮停左係度5分鐘
我專登錄左條片俾大家鑑賞下
歡迎大家評論下
隻狗出黎既timing好啱

https://imgur.com/a/01rLYe2

行到去捷運淡水站又見到人賣藝
今次係俾錢就會郁1分鐘俾你睇
我專登又望住佢5分鐘，又真係唔郁
主要係因為冇人課金
但係呢個天氣著到咁厚真係辛苦佢
但係我都係唔會課金救佢


下一站，北投

北投溫泉本身係台灣溫泉既發源地
以前台鐵淡水線既北投站離北投溫泉有段距離
如果要浸溫泉既話要落車行上山先到
後來嗰度啲溫泉旅館越黎越多，越黎越多人去
台鐵就係淡水線北投站起左條新支線去嗰度
將支線總站叫做新北投，形成左當地地名
之後淡水線改建捷運，新北投支線都有留低
本身預計應該做除左淡水站之外既第2個北面總站
用正常6卡車經北投站直接開去南面
但係俾附近住客屌噪音太大
就變成得番3卡車開去北投就停
班次都要整疏埋

新北投站有個好得意既裝置藝術


新北投站得1個出口
一出就會見到北投公園
入公園一路直行就會見到臺北市立圖書館北投分館
出面望落好型，好有森林既氣息
入面都好modern，但係費事影到人所以冇影相



之後就要轉左去番中山路繼續行上山
大約行多10分鐘見到好多車泊係度
行入少少就會見到地熱谷個入口


行到入去就聞到臭蛋味
姐係呢個泉係有硫磺
水面好大煙，原來成90度
行近水面望真係見到水滾有氣泡浮上黎
本身已經冇乜風，加埋啲蒸氣搞到好似焗桑拿咁




以前真係試過有人跌落水滾熟左佢死左
所以起左好多欄防止人地走落去


本身溫泉水會源源不絕係岩層湧出黎
地熱谷裝唔哂既佢都會經溪流流番走
綠色嗰啲就係溫泉水既礦物貼左係石既表面

lm

頭先直衝上去地熱谷
比我想像中快行完
所以落山可以慢慢行
同埋條路鋪得好靚所以好好行


因為呢度都仲係有溫泉浸
所以附近都仲有好多溫泉旅館
其實又冇想像中咁貴




行到呢度見到有幢紅磚建築
就係北投溫泉博物館
係唔駛錢既，所以隨便入

北投溫泉博物館本身就係古蹟
以前係公共浴場，建於日治時期
所以入到去要除鞋費事啲鞋刮到
但係放鞋個櫃都好有特色
鎖匙係一塊有數字同個邊凹位既木板
係有同樣數字既鎖頭度拎出黎就鎖左
入面放左拖鞋，要著住行


博物館本身介紹北投同溫泉既歷史
所以有唔同展品同藝術作品睇
二樓主要介紹北投既風土人情


成層既中間就係榻榻米大廳
以前就係浸完溫泉過黎休息鳩Hea
中間係無柱結構好開揚，左右2邊都可以通風
後面個台有時會有人表演
咁大地方就方便個個都睇到，唔夠位又可以企走廊


隔離係望樓，以前係俾人望下風景
而家起哂樓就冇乜野睇

去到一樓就係浴場既地方
有好多唔同既細池


呢度教浸溫泉要有5大步驟
洗，沖，浸，淋，飲
點解有淋呢個步驟係因為呢度係琉璜泉
唔沖既話有機會引起皮膚敏感
同埋呢度既飲唔係飲沖涼水而係飲奶


溫泉湯花係琉璜泉既產物
通常出現係溫泉出水口同溫泉池邊
因為高溫蒸發水份，久而久之就會沈積
本身琉璜可以抗菌，收集左過濾之後可以做番梘


呢度用左拱頂同馬賽克地磚
本身好有羅馬浴埸feel




樓梯呢邊又有英式feel