[文青勝景美食團]獨遊台北4日 (野柳‧九份‧總統府)

幾好睇 支持繼續出

推

The weather forecast stated that it was going to be warm and breezy today, just right for swimming. It also said there would be fog and drizzle tomorrow.

1300一晚?
可以住4，5星靚酒店

台北近一兩年星期五六啲酒店勁貴

台北車站附近
細間啲都500以上一晚
150呎左右
係貴咗

LM

係3晚1300蚊
打少左隻字

火車便當文化係由日治時期由日本傳到台灣
唔係姿勢，而係食得嗰啲
臺鐵係戰後就開始做便當生意
方便啲人搭長途火車係月台都買到飯食
有一點要注意既係日本既火車便當係凍/涼食
為左方便儲存同埋唔想香味影響其他人
而臺鐵便當就係新鮮滾熱辣既
啲人視佢係其中一餐
好似雙餸飯咁當Lunch/晚餐咁食
雖然而家火車速度快左，車程短左好多
但係便當本身價廉物美又好食
所以歷久不衰，仲要每年賣多過一年
上年賣出超過1000萬個便當
計番成7億新台幣營業額
所以臺鐵俾人串話賣便當好賺過本業

首先睇番前一張圖先
臺鐵便當本舖係臺鐵專門賣便當既店
係西3門出口有2間
一間叫1號店，一間叫七堵製供
呢2間嚴格黎講都係隸屬臺鐵
但係唔同廚房整出黎
所以味道，製法同菜式都會有少少分別


今次食呢個係臺鐵便當既皇牌 - 排骨便當
呢個就係七堵嗰間最平既傳統排骨便當
七堵既皇牌係宜蘭風味便當，但係冇哂
排骨便當舊排骨唔係排骨而係豬扒相信大家都知
所以千祈唔好覺得佢係豉椒排骨咁冇肉食
呢個飯舊排骨係摺埋左，實質係2倍大
排骨先炸後滷，所以炸嗰層膜吸收左好多滷汁
甜甜地好入味，但係啲肉仲係好嫩又撕得開
咁既味道咁既大細再加又要炸又要滷
先至60蚊台幣，香港60蚊港幣都食唔到呢個質素
滷豆皮都係用同一個汁滷
佢唔會滷到爛哂，但都好入味
仲keep住一層層腐皮既層次感
滷蛋都一樣，上哂色都好入味
酸菜就係七堵排骨便當另一個特色
好爽脆，同時唔會過酸/過甜
加埋排骨一齊食味道好夾
撈飯食一流
飯都煮得幾好，唔係爛飯而且粒粒分明

個陣係台北車站買左個日式便當食，好好食，佢仲會幫我叮熱埋

八角便當好食
上次買上機食

留名同埋D人可唔可以唔好QUOTE到長一長咁thanks

頂
咁就差咗十萬八千里

剩係個便當唔係好夠食
問fd子附近有乜食
佢就介紹我去北北車魯肉飯
位置就係我酒店過馬路行2分鐘就到
間店係南陽街，本身出名係食街，掃街一流
要去到間店要行入條巷先到
但都唔難搵，因為佢門面比隔離啲舖新潮
店面唔大，堂食得10幾個位
嗰陣未夠6點，但係外面已經好多人等緊外賣


既然第一次食，就當然要叫招牌菜


魯肉飯(小) NT$30
因為頭先食左便當
所以唔食咁多飯
呢度既魯肉瘦肉肥肉比例2:1
亦切得比較大粒，粒粒分明
所以食落會比較有口感
醬汁唔係太杰，但都好濃醬油味
汁落得啱啱好，唔會少得滯撈唔到飯
而且撈完之後啲肥肉因為熱力溶化，聞到好香
食落肉粒唔會好鞋好乾
就算加埋肥肉既豬油都唔會覺得滯
港紙10蚊唔駛有碗有肉又好食既飯


招牌排骨酥湯 NT$50
本身排骨酥湯都係比較濃味
飲到好濃既蒜味
排骨本身有炸過，之後再煮成湯
好林，一咬就骨肉分離
湯底本身有白蘿蔔，好林好入味
湯底都有少少甜味，飲唔出炸排骨既油味



本身帶漏左轉插器諗住去邊度搵既時候
原來附近有Daiso
香港就12蚊，佢就NT$49，比較貴
但令我比較出奇既係
點解會有港版出前一丁

但原來隔離光南大批發有賣仲要平過佢

原來酒店後面有やよい軒
係我去日本其中一間最鐘意食既餐廳


不過台灣食野又平又好食
呢度既價錢仲貴過日本價少少，不了


酒店附近環境，乜都有，好方便

前一晚食完飯行左陣就返左酒店
因為36個鐘冇訓過
之後沖埋涼攤落張床睇電視就自動訓著左
8點訓到5點半冇醒過
張床真係好舒服
好彩較左鬧鐘

Day 02
呢一日要極早起身食早餐
首先要搭1個站捷運去善導寺站
其實酒店行過去都係20分鐘
因為今日可以用嗰張北北基好玩卡
任搭我梗係唔行

見到善導寺我覺得好唔似寺


6點半未到就華山市場
就係去每個去台北都必食既早餐 - 阜杭豆漿
大部分blog都同你講要預早去仲要排好耐隊
市場已經預左好多人會排隊所以寫定告示
叫人沿牆邊排



其實華山市場2樓唔止係得阜杭豆漿
不過應該99%人都係為左佢而黎
18個舖位阜杭豆漿都要左5個


上到去都還好
不過都要等30個
但如果係咁假日可能真係會排到落樓下


排緊既時候可以睇到製作過程
左邊就搞麵團整燒餅
右邊就整油炸鬼同焗野
中間就包裝送去門面
前面有個燒爐燒燒餅
隔住玻璃都覺得有啲熱


逢星期一休息，5點半開門
賣到冇就收舖，所以早到的鳥兒有蟲吃


門面啲阿姐速度都幾快
排到叫餐都係5分鐘既事
可能因為未有遊客



每一樣叫得既野都有mark個number
如果怕叫錯野既話用number叫會好啲
啲阿姐都會做得快啲
基本上廚房送野過黎都好快清哂
所以都確保啲野係新鮮出爐


俾完錢就搵位坐
排隊人潮都冇少過

留名跟進

阜杭豆漿本身價錢算係比較貴
接近香港既價錢，當然好食好多
呢度加埋都要NT$120


厚蛋夾油條 NT$65
厚蛋夾油條姐係厚燒餅夾住蔥花蛋同油炸鬼
厚度超過5cm，個口細啲都一啖咬唔哂
燒餅外脆內軟，食落甜甜地，有麵粉既香味
蛋好有蛋香味，而且熱辣辣
油炸鬼真係不得了，真係薯片咁脆
唔會好似香港啲粥舖擺到林哂韌哂
三樣野一齊咬落去，份量十足
食到燒餅既甜，蛋既鹹，油炸鬼既脆
不過食完已經飽左9成
因為真係好大份又好好食



冰豆漿 (無糖) NT$30
Default叫豆漿係已經加左糖
但我怕太甜，叫左碗無糖既
無糖好既地方係飲到豆味更加濃
但佢唔會飲到苦味
證明佢煮豆漿煮得好
另外佢仲有鹹豆漿同米漿
不過有機會下次再試


焦糖甜餅 NT$25
首先睇個面都知焗得好靚
芝麻多到唔駛錢咁
咬落去好脆，入面好似美心嗰啲空心包咁
入面既焦糖仲係暖暖地，好香口

食完先7點未到
但人潮已經消失哂
因為之後去既地方未咁快有車
所以睇左陣師父係個爐拎燒餅出黎
基本上就係重覆夾幾件出黎
之後掟去個籃度
師父鐵砂掌好勁

想問total成個trip用咗幾錢

咁早食早餐除左因為要黎阜杭豆漿之外
其實都係因為下一站去野柳
預早去會少啲人
首先就係搭1個站捷運去忠孝新生站
之後行去臺北科技大學(忠孝)巴士站
搭953呢架區間車去野柳
因為佢唔係4位數既特快巴士
而且係屬於台北新北基隆路線
所以我嗰張北北基好玩卡係用到既
如果唔係要用呢張Pass就搭番4個位啲車
停少好多站，而且台灣搭巴士都唔貴
所以唔駛特別慳




巴士delay左10分鐘
上到車都8成滿
而係總站開左之後
下一站已經唔停站去到基隆




今日天氣其實麻麻地
等車嗰陣落過好微微雨
上左高速之後就見到其實廣泛密雲


但係去到基隆附近突然間破曉出耶穌光
晴天娃娃屬性再次出場

LM

呢日唔係好塞車
1個鐘就到左野柳地質公園
落車個位係酒店隔離
行出少少就會見到海
有個路牌指你去入口



野柳地質公園8點開門，我8點半到
所以冇乜人，正


野柳地質公園本身就零零丁丁突左出黎
經過海水侵蝕就形成獨特既地貌
以前啲人見到就好得閒咁FF
將啲石用相似既野命名引遊客過黎
最出名就係女皇頭


出面有個超大既停車場
方便旅遊巴泊車
左邊有個臨時搭既物產市場
不過未開，等我行完個公園先去


門票NT$80
持有北北基好玩卡既我係唔駛俾入場費
因為張飛包左16個景點門票，野柳係其中一個
不過可能真係太少人用呢張Pass
入場個職員係我黎到嗰陣用call機問其他人
之後先斯斯然開部公司手機(HTC機慢到呢)
開個app同NFC去嘟張卡
搞左10分鐘


一行到入去要行過一條長廊
側邊有啲石頭既擬人吉祥物
不過好娘



晴天娃娃屬性開始展現
啲密雲開始向右移，開始好天


野柳點解有咁多奇形怪狀石頭
除左因為地質容易風化受侵蝕之外
另外都因為呢度好大風好大浪
前面好多人嗰度就係排隊影女皇頭
嘩屌，啱啱開門就已經要排隊


再行前會見到好多蜂窩岩
因為啲石有好多一個個窿
前一日應該落過雨，地下都跣跣地


其中一舊係心形石
所以引左好多情侶過黎影相
我都俾人叫左去揸機幫兩pair人影相



繼續行前就見到好多攝影發燒友影相


因為本人降臨此地
所以啲雲就要離開呢度
係呢個位影出去
同時可以睇到藍天陽光同烏雲密布
個景色都幾特別

無左陸客
野柳應該清靜好多