[文青勝景美食團]獨遊台北4日 (野柳‧九份‧總統府)

點解咁多人呢
原來有一堆係台灣學校既旅行團




睇黎唔止1間學校
海邊有過百人
呢邊影過去已經好天


但係另一邊都仲係烏雲密布


之後排隊影女皇頭
都有成70個人排緊
不過全部都係學生
老師叫佢地分1組組影
所以都算散得幾快



呢位先生你影相發羊吊？




排左10分鐘終於到我


女皇頭前面同後面
不過聽講因為風化案越黎越嚴重
女皇條頸越黎越薛凱琪化
未來幾年仲好大機會斷頸
所以如果真係想睇就好快啲黎



影完相就冇得返轉頭了


全景圖，左邊係女皇頭
右邊係龜頭山 (真名，自己睇Google Map)
啲密雲基本上散哂
而家超好天仲開始有啲曬
天氣報告都唔準既

Lm

海邊都有好多奇怪形狀既石




朝早9點呢個時間9成都係學生
因為啲旅行團都未咁快過到黎


之後就開始行上龜頭山
行到上燈塔都要成1公里
橫掂大把時間就行下


唔知點解行過左女皇頭之後
好多人都唔會再行上去
明明呢邊都幾多野睇



啲烏雲散哂，而家曬到仆街


一大堆學生已經走哂
女皇頭而家任影唔駛排隊


行上燈塔條路會keep住左邊有180度海景
天氣好既話都幾好行


好彩有2個阿叔係前面行
自己1個人行呢啲路其實都幾恐怖



燈塔個位望出去


因為真係好曬好熱
燈塔嗰邊又俾個山擋哂啲風
嗰2個阿叔又唔繼續行
以免中暑，我都係跟住佢地行番落去了

行番落上山個入口有個休憩站
有奶茶冰沙嗰啲野賣
不過賺開遊客錢，都唔平


因為野柳呢個位突出黎又有高地又開揚
所以曾經做過船速監測站
而家拆左就得番個羅盤




係頭先心形石向岸邊望上去有座矮山
個山可以行上去，景觀都幾開揚
有一個泰國旅行團啱啱好黎到
全場都好嘈




因為怕野柳既生招牌女皇頭石遲早甩頭
園方就用3D scanner掃描左之後整番個1:1模型出黎
之後好仔細打磨番同真嗰個差唔多
但我睇黎好似曬到甩甩地色
個女皇變左白人
不過都好多人走去影呢個A貨



附近都有好多1:1 A貨模型
因為都驚呢啲石終有一日會因為風化而收皮


公園既出口係另一邊
但個感覺俾我似係去左啲治安好差既地方咁



出口隔離就係野特產街，冇左個柳
入面有所謂野柳既特產 - 海鮮
但係因為啲舖都係啱啱開門冇耐
所以冇乜人行呢條街
而且啲野我覺得冇乜特別
所以不了


穿過條街就會去番入口
10點鐘啲遊客陸陸續續入場
比較驚喜係都幾多外國人識自遊行黎呢度
因為我見佢地係自己去售票處買飛


又見到香港常見既法輪功壁報

野柳地質公園本身公共交通唔係幾好
如果係搭巴士就只係得以下幾個方向：
金山，淡水，基隆，台大
論巴士班次密度同行程開放度就梗係去基隆
順便plan埋去九份，因為多野食

去基隆既巴士站唔係頭先落車嗰個位
要係遊客中心左邊條路沿著海邊行
行10分鐘就會見到T字路口同野柳風景區個牌
個站過左馬路就係
而家先10點半但頭先個空地已經泊滿車
自駕既人要留意下
呢度有2架車去到基隆，上是旦一架都得
等左5分鐘就有車



因為都冇乜人上落車
半個鐘就到左基隆
不過基隆市區本身都真係幾殘下


呢個招牌幾得意，專登影低佢


黎到基隆都係晴天
上年去台灣撞正雙十節前後
所以周街都係青天白日滿地紅



而家先11點，廟口夜市大部分都未開
頭先係巴士Google左一輪就搵到食呢間周家豆漿店


呢間舖凌晨4點就開，開到12點半
但係11點都仲keep住要排隊
證明呢間野人氣同味道都真係唔差


佢啲蔥油餅唔係香港啲啲煎到一大塊薄餅咁
而係將麵團桿到薄餅加左蔥之後就捲番埋圓形咁
所以好似燒餅咁厚
將加左蔥既麵團放去鐵板煎一陣定形
再放去焗爐焗至香脆
排住隊都聞到啲蔥油餅焗到好香



我就外賣叫左2塊蔥油餅 (NT$17 @1)
同埋呢度叫豆漿店
所以叫左杯凍豆漿 (NT$15) 但冇影低
蔥油餅熱辣辣，一咬落去外皮極脆
但係口感就好似生煎包咁，好滿足
裡面好多蔥，所以充滿住蔥油既香氣
豆漿味道唔錯，豆味重但唔係太甜
Blog啲人話飲到焦香味
但我就唔係好飲得出



雖然基隆真係好多野食
但我今次黎既時間比較尷尬
早餐店差唔多關門冇哂野食
夜市嗰啲又未開冇得逐間黎掃野食
所以都係追景點算
基隆東面有條河有12條橋
每條橋都用1隻生肖命名
我呢條就係狗



基隆搭788就可以直達九份老街
因為想有位坐所以行去基隆火車站
而家個站整到好靚

但原來巴士站係海洋廣場對面
正正係舊站前面藍色橋底一落去就係
唉，行左一大段冤枉路

一行到去巴士站走左架車
要等20分鐘先有下一班
車上面有部電視講下個站仲有幾耐到
俾我見到有個站叫大香港社區


車站個預報全部都唔撚準既
因為20分鐘我已經到左瑞芳車站
一黎到呢度就極多人上車去九份


上次去九份都差唔多10年前
又係烏雲密佈咁


係基隆40分鐘就到九份老街
落車就係城隍廟隔離，要行番上去
作為熱門旅遊點，都係多人到仆街

蔥油餅正撚到

再次留名陣間睇

爛尾?

因為熱到仆街，所以想搵啲凍野食
Google完就發現九份有2間食芋圓冰
一間係賴阿婆，一間係阿柑姨
我個胃冇咁大食唔哂2間
所以揀左阿柑姨，因為特別啲
阿柑姨嗰度其實唔難搵
沿著九份老街行人路行
行到有個位會見到保險套世界個樓梯位


但唔好係呢度行上去
轉右行番行人路
係下一個樓梯位轉右上樓梯就係阿柑姨


芋圓本身會配豆，有熱有冰
呢度有紅豆綠豆花豆俾你揀
我就叫左個芋圓綜合冰，乜豆都齊


買完就可以行入去用餐區堂食
中間經過整芋圓既廚房
啲芋圓放哂出黎包裝好哂俾你買黎番屋企煮
但係要雪藏，我仲有3日先返香港
所以不了


呢度有乜咁特別令我揀佢？
主要係佢有個270度既無敵大海景
不過啲窗邊位俾人霸哂
唯有坐係後面



之前烏雲密佈咁
而家已經青天白日滿地紅綠
天氣極好


講番個芋圓綜合冰先 (NT $50)
唔好以為成兜野都係芋圓
其實有半兜係碎冰
面頭啲芋圓都仲係熱，所以要撈勻
橙色係蕃薯芋圓，白色係普通芋圓
啲芋圓趙落都幾香幾彈牙，但又唔黐牙
佢有落少少糖水，所以溶出黎唔會剩係冰水
配合煮到林林地既豆同甜度適中既冰，口感好豐富
望埋個超級大海景，視覺同味覺都十分滿足
食到最後飲埋啲冰糖水，Gur哂

冇斷到
但係呢啲時間放遊記驚唔係好啱時候
不過既然有人想睇我就寫埋落去啦

食完阿柑姨就行番落去繼續行到街尾
金山岩出面有個觀景台
好撚多人，尢其係日本啲公公婆婆
日本人係外國其實都幾嘈下



呢間民宿係咪想用長腿吸引人地訂房？


之後就原路行番番去
中途見到有間泡芙店
啲啱啱焗起既泡芙放係櫥窗
超級香，同埋都有人排隊
作為泡芙控既我當然扺擋唔住要買番個




黃金泡芙 (NT $60)
頭先兜芋圓綜合冰都係NT $50
呢個泡芙要NT $60好似唔係好扺
但係個泡芙係有一個女仔手掌咁大
咬落去有牛角包嗰種口感
入面入滿左蕃薯蓉，塞爆咁滯
食落應該係純蕃薯蓉冇落其他調味
唔係話唔好食，但係食哂成個好滯下



眾所周知，九份老街越到下午就越多人
本身已經路窄，越多人行就越難行
所以都係去下一個景點 - 金瓜石
要行番落頭先落車個位
見到總站係金瓜石/水湳洞就上得
我揸住北北基好玩卡
呢度全部巴士都係3位數
所以架架都上到

上左車10分鐘唔駛就到左金瓜石站
黃金博物館就係個站隔離

黃金博物館其實係金瓜石礦場既遺址
同隔離九份都係出名開採到金礦
所以好多人去呢啲荒山野嶺度希望搵錢
係日治時期就有公司系統化呢樣野
請好多工人去開採礦場賺錢
久而久之係礦場附近就形成左繁榮既城鎮
不過係80年代尾礦業式微
老礦工就退休，後生既就出城搵食
令到呢啲地方變成死城

九份成功透過九份老街為主軸吸引遊客過黎
不過嗰邊商業味太重
個個都剩係去買野食野睇風景
冇乜人留意昇平戲院呢啲文化遺址
金瓜石呢邊就轉型做文化旅遊
比九份靜得多，文化味會重啲
起碼少左啲剩係識買野唔睇野既港女同師奶
真正想知台灣礦工文化既人可以黎呢邊
展品同體驗都好多，好值得黎
最重要係巴士總站，一定有位坐番去

因為我揸住北北基好玩卡
黃金博物館呢個景點係包左係入面
所以係唔駛俾錢
我show張pass俾遊客中心前面個NPC阿姐
佢就俾我入去
諗住入去隔離日式宿舍參觀
點知日式宿舍個NPC阿姐就話我冇飛唔俾入
原來要去番遊客中心入面掃張Pass
係手面印個章先入得
可能呢張野太少人用啲阿姐唔知程序


講到明日式宿舍，入面既野當然係日式
當年係俾台灣日治時期既日籍員工黎住


呢個防空洞係當年保育既時候發現
冇人知佢真正用途


客廳好大



廚房


睡房原來係用番床而唔係訓榻榻米



個日式宿舍叫做四連棟
所以佢係有4個門口
但入面就係駁通哂

我愛樓主
好想去台灣

磨牙

一直有追 請繼續

終於明白點解呢度要cup印先入到去參觀
原來呢度唔係剩係一個博物館，而係一個城鎮
行到入面會見到警局同郵局
附近有小路係可以行去其他住人既地方
而俾人參觀既地方就只係呢個城鎮既幾幢野
係郵局面前有個紀念碑
紀念以前第二次世界大戰日軍驚台灣人謀反
所以係金瓜石屈鳩當地人
拉佢地去坐監嚴刑迫供，死左好多人



之後就要瘋狂行樓梯
中間有好多展覽睇呢度出產過既礦石
當然唔少得金


再行上啲就會去到另一個新世界
呢個位就係以前礦山既所在地
所以會有路軌將啲礦石運去加工
而家就得番路軌同幾架車俾你玩下




呢舊野係壓風機
負責將新鮮空氣吹入礦坑
之後另一邊就將廢氣抽出黎




前面就係黃金館
行上去睇可以望到金瓜石山城景



最矚目既就係入面有舊好大舊既金磚
重220.3kg既999純金
而家金價貴左，市值接近1億港紙
仲有個洞可以伸隻手入去感受下

好掛住台灣，幾時先有得去

巴打都幾勁，基隆 &九份差唔多一年有300日都會落雨,你去到竟然咁好天

打錯，200日先岩

I went to an art museum in Taipei where I looked at every single big nineteenth-century oil painting in the museum in minute detail for fear of missing any wonderful things. My Taiwanese friend Susanna will be throwing a party in a hotel instead of at her place lest they should bother her neighbours.

係頭先條路再向前行
就係一條依山而建既平路
行到尾可以行去好多金瓜石既民宿
不過我又唔係住嗰度所以唔行了
都係行番轉頭去體驗一樣好多人都未試過既野
就係做礦工！
礦洞個入口係玻璃屋右邊個小屋度



想做礦工首先要課金 NT$50
另外有個藍色頭墊俾你戴頭盔嗰陣墊住個頭



首先要睇參觀須知
佢話每次參觀人數要10-25人
但其實同一批計埋我都係得3個人


之後有一塊好得意既展板
講解既時候個projector會射啲表情去中間個礦工look阿伯
同時又會射啲注意事項係塊板度，都幾得意


睇完個阿伯就到個真人妹妹講
話呢度其實有幾個唔同既礦坑
但因為日久失修同安全問題
而家只開放改建過既本山五坑俾人行


聽完一大輪安全須知之後就可以行去礦坑
就咁望個門口好闊，可以唔駛dup低頭行

我估唔係勁係去到咁好天
而係本身唔好天有少少雨粉
我一去到就好天
走就即刻有黑雲

最前呢一段礦坑就全直線好闊落
但係鏡頭自己自動調光左好多


而實際上我睇到既只係呢個光度
好彩地下鋪左防滑墊
如果唔係好易睇唔到叉錯腳仆街


以前掘完坑就要搵人架牛條
姐係搵野頂住個坑等佢唔好咁易塌
有部電視show條動畫講點樣掘礦




越行條坑就越矮，開始要屈低腰行
仲要係上暗斜好難搞



佢應該有sensor感應你行過就會播野
主要係啲阿伯講緊掘礦啲野
但係台語我聽唔明
https://imgur.com/vwS68mJ

條路其實keep住滴緊水
所以你都冇可能係度停留得太耐


個礦坑其實都唔算好長
10分鐘唔駛就行完
出口有2個公仔講掘完礦要搜身
咁都正常既，你嗰個係金礦喎
偷幾兩都已經夠致富


入既時候係下面，出既時候係上面
呢條路向相反方向上去可以去到金瓜石神社遺址
係以前日治時期起落黎拜祭
但因為我又肚餓了，所以都係唔行上去了