［討論］移民台灣交流組

可能係科技業
所以人工高好多
我上面話師兄5萬人工係佢畢業之後冇幾耐搵到嘅第一份工
佢唔係主管！但係佢份工都幾攰要輪班
另一個師兄4萬5人工亦都係佢畢業嘅第一份工
我哋都係同一個實驗室

噉你想點移民臺灣呀？有冇咩專業？
如果都冇噉你會好辛苦
而如果你國語有好重香港口音噉真係好難搵工
我就係新北人
新北我最鍾意板橋但係太繁榮所以都幾貴
但係咩都有，我覺得板橋好似小小嘅台北市
咩百貨戲院火車站捷運都有

新莊亦都好發達，我粵語老師就住喺度
有捷運同埋公車都好方便

有冇人幫手台灣買農田農場？
可以直接支援香港黃色經濟圈

投資咩好 要幾多錢

我自己一定係投資移民，因為已經過咗讀書的年紀
做咗好耐功課，覺得新北應該比較適合自己
(住台北市太貴了，唔值得）

其實你多D 睇港劇都可以訓練你嘅粵語
你真係好有心，特登搵老師學

我而家最頭痛係唔知喺台灣做咩生意
因為自己一直都係打工，從無做過生意
而家改制要開三年公司，我無乜分向可以做咩

其實我都覺得投資移民好難噉
用讀書同埋結婚拎身分證簡單多啲
如果你唔介意，其實年紀唔係問題
我呢度有一個學生畢業之後佢爸爸入嚟讀緊master
好佩服佢爸爸都已經成個白髮噉仲係讀緊書做緊實驗

因為冇大學學歷好難搵工
其實都可以搵到嘅
但就係好辛苦嘅工而且好低人工

台北市真係好貴
我發現其實幾多香港人鍾意移民度台中
雖然我仲係比較鍾意新北
新北市有捷運站嘅地方都幾方便

多謝你建議
但其實我唔係太鍾意香港文化，咩戲都冇乜興趣
最出名嘅周星馳我都冇睇（各位大佬唔好鬧我
所以我就搵老師學

我都係頭痛唔知男友移民咗臺灣之後要做咩工

me 3

錢方面無乜問題，因為香港賣咗個房去台灣生活已經可以用好耐

同埋用讀書方法時間太耐
怕中途如果收緊政策就白費心機

香港人要去台灣打工係一件麻煩事！
就算有人請，都要接受人工嘅落差
到時你要幫你男友留意下工作

無專業無學歷真係唔知點移民去台灣

相信呢個問題應該最common
而家日日胡思亂想有咩生意啱自己又可以涯到三年
不求賺錢，但求搞手打個和就算

除咗錢（其實預咗蝕），
仲有要請兩個台灣人，但咩勞工法例/保障都唔識，一個唔覺意犯法/俾員工扼/俾人告就仆街了，仲要請律師乜乜柒柒

總括嚟講，唔知做咩生意，蝕硬錢，同埋上面嘅員工問題，都令我卻步

x2
但求搵到兩餐

係台灣讀書，畢業兩年，做醫院，第一年一個月人工4萬幾台幣，第二年6-7萬台幣，不過再高都唔會過十萬.....

有番咁上下年紀要養父母真係好難諗讀書依條路

趁父母未退休仲有收入真係要認真plan
好似我咁父母退左休得自己有收入既話就多好多野要考慮

我係女仔啦！！！！
唔好意思我之前喺連登自爆咗身分
好驚俾人利用
所以唔想講太多
大學係國立嘅，但分數唔係太高...