【天文】你生日那天的宇宙
淋完衫
192 回覆
145 Like
2 Dislike
LM
1月11日
拍攝於2000年，位於雙子座，距離地球5,000光年嘅 愛斯基摩星雲 Eskimo Nebula。
*大家可能會問點解唔同網站寫嘅星體距離都唔同。咁係因為距離量度係有一定嘅誤差值。
以Eskimo為例，維基就寫2,900光年，但NASA就指5,000光年，但其實兩者都係10^19米咁遠，計數黎講呢個誤差值係可接受嘅
Eskimo係一個垂死嘅恆星嘅遺骸，我地稱為行星狀星雲 Planetary Nebula。
質量較輕嘅主序星(~0.5-8個太陽重)，當燃料(氫 H)用盡就會膨脹並降低表面溫度。
主序星會大變紅，故此稱為紅巨星 Red Giant。
而紅巨星演化至末期時，星體氣體外殼會再次向外膨脹並且電離化，形成行星狀星雲。
我地可以睇到Eskimo外層一圈嘅氣體，圍繞住中央嘅星體。
係地表觀測時，因為大氣嘅干擾，濛濛嘅影像就好似Eskimo一樣
電離化嘅氣體依照元素嘅特性，發出唔同嘅色彩。所以行星狀星雲係宇宙中非常靚嘅結構黎
例如Hubble圖中，紅色嘅Nitrogen，綠色嘅Hydrogen，藍色嘅Oxygen同紫色嘅Helium。
----------------------
1月12日 及 1月13日
拍攝於2011年，距離地球大約250萬光年嘅螺旋星系仙女座星系 Andromeda Galaxy (M31)。
M31擁有超過一兆粒恆星，加上距離唔算太遠，所以佢嘅視星等好低(愈低愈光)，亦係人類肉眼可以睇到最遠嘅深空天體
https://www.youtube.com/watch?v=4disyKG7XtU
M31結構同銀河系好相似。
如果要講M31有咩特別嘅話，就係天文學家相信M31會係45億年後同銀河系碰撞融合。
M31我舊文有詳細介紹過，唔重覆講咁多了
----------------------
1月14日
拍攝於2003年，位於大熊座中，距離地球6,500萬光年嘅橢圓星系 Galaxy NGC 2768。
橢圓星系外貌上真係比較普通，通常我地都唔係J佢外型架啦
橢圓星系特點之一，就係佢嘅恆星大部分都係好老嘅
我認為係呢個情況下，橢圓星系嘅超新星數量應該係比螺旋星系少。(因為星體已經經歷完呢個階段)
而超新星爆發時係好激烈嘅，會向外射出好多物質同能量。
換言之，欠缺超新星爆發嘅橢圓星系係比較穩定嘅。
咁圍繞呢D穩定恆星運轉嘅行星，又會唔會比較適合生物居住呢？
話雖如此，喺2015年天文學家於NGC 2768中發現咗Supernova 2000ds嘅爆發
到底應該係比較多定少呢，大家有興趣可以一齊討論下
[quote］呢段解釋得好好，好清楚連我呢啲冇任何天文根基既人都明
[/quote]
多謝希望唔認識天文既朋友都睇得明啦
連我呢啲冇任何天文根基既人都明[/quote]多謝
希望唔認識天文既朋友都睇得明啦好慢仲成日死圖
我生日嗰日好似係個黑洞 得堆白色嘢 但係前一日後一日影出嚟嘅都好靚
留名
留名
好有心呀巴打留名等睇
留名等睇我年尾生日要等幾耐
要等幾耐1月15日
拍攝於2009年，距離地球6,500萬光年嘅螺旋星系 Galaxy NGC 4710。
呢張側面觀察嘅相片，令我地發現到一個幽靈Ｘ字出現係星系上。
其實恆星係星系入面行走嘅軌跡並唔係平面黎，而係會不斷會穿梭星系盤。
每一次穿越星系盤，恆星都會從中得到能量。就好似打韆鞦咁，愈黎愈高。
https://www.youtube.com/watch?v=5PDHwrU-zTQ&feature=emb_title
恆星垂直於星系盤嘅運動，經時間會愈發明顯。恆星嘅運行軌道會飛離星系盤，形成一個隱約嘅Ｘ字。
呢個有趣嘅現象唔止發生喺NGC 4710中，亦出現咗喺我地身處嘅銀河系當中。
----------------------
1月16日
拍攝於2004年，距離地球3億光年嘅 Lindsay-Shapley Ring Galaxy。
圖中兩個唔同顏色嘅結構都係屬於 Lindsay-Shapley Ring Galaxy 嘅。
分別係直徑為150,000光年嘅藍色外環(銀河系直徑只有105,700光年)，以及環入面偏向一側嘅黃色星系核。
藍色嘅光係由環上面年輕、熾熱、大質量恆星所發出嘅。
年輕嘅恆星亦會發出高能量嘅光線(紫外線)，環上面嘅 氫氣 Hydrogen 吸收當中嘅能量，就會發出熒光嘅粉紅色(紅色同水藍色嘅融合)。
天文學家相信呢個特別嘅結構同樣係一個星系撞擊另一個星系正面而成。
就好似石頭跌落水一樣，石頭會推開水分子(氣體)，形成一個向外嘅水波(氣體環)。
Lindsay-Shapley Ring 會不斷膨脹，直至3億年後就會達到最大半徑，然後瓦解。
----------------------
1月17日
拍攝於2017年，位於大麥哲倫雲 Large Magellanic Cloud，距離地球168,000光年嘅超新星殘骸 Supernova Remnant SN 1987A。
Hubble張圖其實並唔係好清楚咁展現出 SN 1987A 嘅外貌，反而係拍低咗佢嘅背景星空。
呢張圖我地可以見到 SN 1987A 經爆發所形成嘅獨特三環結構，外圍兩個比較稀疏同暗。
SN 1987A位處於 蜘蛛星雲 Tarantula Nebula 嘅外圍，Hubble 相入面嘅紅色氣體係由星雲中嘅 氫氣 Hydrogen。
SN 1987A嘅超新星爆發喺1987年2月23日被天文學家觀察到。
而喺觀察到光線前嘅3小時，天文學家亦都首次直接偵測到由超新星爆發出所射出嘅 微中子 Neutrino 。
微中子係一種電中性、而且質量非常細嘅原子粒子(比電子細10萬倍)。佢地唔會同其他粒子交互，所以非常難觀測到。
探測到嘅微中子雖然只有24粒，但反向推算後得出 SN 1987A 實際上總共射出咗10^58粒微中子，佔咗爆發放出總能量嘅99%
SN 1987A 經常被研究嘅原因在於，係呢個殘骸入面發現唔到中子星 Neutron Star。
有睇我舊文都知，理論上我地認為超新星爆發係質量至少為太陽質量的倍嘅恆星老年時演化嘅必經階段。
恆星經超新星爆發後會演化成一粒密度相等於原子核嘅中子星。
天文學家對於搵唔到中子星就眾說紛紜，有幾個解釋係比較相見。
第一個睇法認為係中央氣體太厚，所以擋住咗呢粒中子星。
氣體大約仲需要30年時間就會散去，到時我地就可以知道中子星係消左定被擋住咗。
第二個理論認為呢粒中子星因為磁場而吸引咗好多物質，繼而進一步塌縮成黑洞。
第三個可能就係呢粒恆星冇變成中子星，而變成咗另一種理論預言嘅星體：夸克星 Quark star。
可唔可以講多少少呢個三環結構?
好amazing
同埋微中子點解只係收集24粒? 係set咗一個period去收集微中子? 同埋點知呢24粒就係嚟自SN 1987A㗎?
可唔可以講多少少呢個三環結構?
同埋微中子點解只係收集24粒? 係set咗一個period去收集微中子? 同埋點知呢24粒就係嚟自SN 1987A㗎?
1) 三環結構
睇左paper，呢個我未係好明。但大意係咁樣。
中間個環係超新星爆發產生。
上下兩個淡D嘅環，係超新星爆發前已經有，係由兩粒恆星撞擊所產生。
而超新星爆發嘅氣體就將呢兩個原有嘅氣體再向外推，形成三環結構。
2) 微中子
i)Check返應該係25粒。 Kamiokande II 12粒; IMB, 8 粒; Baksan5 粒。
ii)你可以幻想個探測器就係一大缸水，入面有D光電倍增管。 基本上佢就係不斷收集緊訊號，視乎我地分唔分析。
咁因為觀測到SN 1987A，就分析之前嘅數據。
呢張圖就係當時嘅數據，可以見到首先1987年仲係用緊磁帶＋紙去分析，另外就係入面嘅點點就係微中子嘅數量突然出現左個峰。
仲有好好彩一點係，峰值再過小小有段時空係空白左嘅，原因係維護停機。
所以當時觀測到微中子真係好好彩，岩岩好係維護前到達地球。
iii)接收器係一個三維陣列，根據微中子嘅入射角就可以知道微中子來源方向。
咁發現得出方向同SN 1987A方向一致，所以認為係黎自SN 1987A
呢張圖就係當時嘅數據，可以見到首先1987年仲係用緊磁帶＋紙去分析，另外就係入面嘅點點就係微中子嘅數量突然出現左個峰。
張圖要禁入去先睇得到D黑點
好有心機 LM等睇自己個日西利！
留名等睇414
留名等睇414
睇住其他日子既先啦，都好有趣架
留名支持，巴打好有心機，好叻！
推
復活啦
得閒幫手推文俾多D人睇到呀
加油
超有心機 留名等睇自己生日個日
留名等睇自己生日個日好有心呀 加油
搭單問埋
點解detect到neutrinos會早過見到光? 係咪即係SN係發光之前會有d mechanism令佢射好多neutrinos出黎?
點解detect到neutrinos會早過見到光? 係咪即係SN係發光之前會有d mechanism令佢射好多neutrinos出黎?
1月18日
拍攝於2004年，距離地球965萬光年嘅 Galaxy NGC 4163。
雖然佢係圓圓地，但佢唔係橢圓星系黎，而係被分類成矮不規則星系。
除咗藍色嘅年輕恆星，同埋紅色嘅年老恆星外；圖中特別嘅係有好多不規則嘅紅色斑點，代表着有好多爆炸以及恆星形成嘅發生。
----------------------
1月19日 及 1月20日
拍攝於2005年，位於獵犬座方向，距離地球2,300萬光年嘅 渦狀星系 Whirlpool Galaxy。又稱為 M51 。
圖中係一粒叫 SN 2005cs 爆發前後嘅對比圖，好清楚見到恆星嘅嘅光度增加咗好多。
呢次爆發嘅 祖恆星 Progenitor Star 係一粒超紅巨星，印證咗超新星理論嘅正確性。
得知祖恆星暫時係一件好罕見嘅事，係咁多超新星爆發嘅事件中，天文學生只係確認到六粒祖恆星。
原因係我地要係超新星爆發前，就已經要預先清晰地記錄過個一遍星空。
----------------------
1月21日
拍攝於1999年，位於獵戶座方向，距離地球1,500萬光年嘅 反射星雲 Reflection Nebula NGC 1999。
星雲係指星空上一種擴散結構，簡單講係由一堆鬆散嘅塵、氣體、電漿等形成嘅星體。
星雲往往望落都比較靚，因為入面有好多唔同嘅氣體，喺吸收能量後就會發出唔同色嘅光。
而反射星雲就比較另類，佢地當中嘅物質(塵埃)並唔會發光，而係單純反射附近發光源嘅光線。
NGC1999 係由隔離呢粒 V380 變星 Orionis 所照亮。
https://www.youtube.com/watch?v=6MyBy-jObrY
稱佢為變星嘅原因，係因為佢係一個多星系統，至少有三粒恆星互相圍繞轉動。
p.s. 唔好search 三星系統
要search英文先有相關資料。幾粒恆星會互常阻擋大家發出嘅光線，所以亮度會隨佢地軌道嘅位置而變化。
----------------------
1月22日
同1月19、20日一樣。但係一張影晒成個 M51 嘅相片。