我覺得自己之前係入左邪教 (3)

會唔會係多重人格障礙？

單純從呢張相個笑容睇佢應該好自信

推推推

半夜醒咗瞓唔返追哂三個post，我諗我大概會咁樣分析徐老師嘅背景同心態⋯

1. 背景（夾雜着啲真話嘅大話先係最動聽）：
*堅係識古箏，堅係有牌，堅係上海乜春野學院畢業
*但查實際遇唔好，事業唔順利，冇特別優待冇贊助，冇朋友，冇特別優待（同經常FF嘅相反）
*Concept：每一次同囡囡們講自己嘅好都係對自己嘅immediate reward，相對，每一次囡囡們崇拜佢回應佢模仿佢扮嘅ideal self，都係等同大巴大巴車落佢個actual self度。咁點樣先可以令自己唔好沉落去呢？就係不停地投入好多時間、精神、心力落去囡囡們上。
所以樓主好多時候確切feel到佢嘅上心都唔係完全係假嘅，因為佢心理上同經濟上都需要你地。

2. 錢嘅用途：
*最初：實際生活上嘅支持
*發展：原來好多囡囡們都會落疊，完美地令佢可以毫無比較、毫無壓力咁用古箏賺錢同滿足心理缺陷，形成好穩固嘅comfort zone
*高潮：錢係呢個時候係一個證明，令佢可以貼近佢喺囡囡們心目中嘅自己，仲可以真實地打造高質生活（雖然佢尻咁亂買，冇taste可言⋯）

3. 同粒核心Bell嘅關係：
*情意結&投射：徐老師係Bell身上見到自己嘅影子，包括真實嘅自己同理想嘅自己。
（慘慘豬影子：覺得自己同Bell一樣都係鍾意古箏，一樣又有啲天份，明明好想覺得自己唔錯，但偏偏屋企冇人認同自己，冇人錫自己，attachment, secure同intimacy都出事）
（吹出嚟嘅影子：較好嘅外型，更好嘅家境，外向開朗，有朋友，有人關心同偏愛（佢本人照顧阿Bell）），
=Loop: 對Bell好—> Bell 好—>感覺好似自己好
=補償心態/自我防禦，否認自己嘅經歷，係Bell身上行多次
（心態：我差嘅特質Bell都有，但係有人錫佢對佢好，我都可能有人會一樣咁對我）
*實際功能性：Bell應該係三核心裏面最得力助手、最吸金助手（董事又係佢，飛去買公仔又係佢，出席表演又係佢，顔值代表又係佢）

4. 小結：
*所以我都有諗，成個少女團結構，其中一個最大嘅重點係Bell，佢係最滿足到徐老師嘅心理同收入，拉唔拉到佢出嚟好關鍵，不過情況唔樂觀。

5. 個人隱憂：
*如果徐老師同老公同阿囡嘅關係OK，睇怕慢慢佢心理依賴都會側重返家庭度，因為以上所提及嘅所有人，得佢個女先係完全屬於佢，受佢控制，咁樣嘅壞處係，少女團就會越嚟越趨向純利益功能，佢可以玩得越嚟越冷血。

*佢係咪食啲咩精神科藥物我都確定唔到，聽落似係鎮靜劑同安眠藥佢有機會啪得多啲。佢講嘢九唔撚答八同腫下腫下個方面，有啲似食咗一段長時間藥嘅schizophrenia client

6. 苦口婆心mode:
*請樓主妹妹唔好再對佢有一絲嘅體諒同留戀，冇錯，佢曾經十分關心你，對你十分好，但一切唔係基於佢覺得你好，或者愛你，佢只係滿足自己心理缺陷。
*有一句說話好赤裸，你未來慢慢感受下，你屋企人可能對你好差好刻薄好賤格好仆街，請你質疑佢哋愛你嘅方式，但係少啲質疑佢哋夠唔夠愛你，或者佢哋可能會因為你變好咗進步左，感覺好似愛你多左，好似好現實，因為佢哋都係人，但永遠唔好忘記，係你最初嚟到呢個世界上嗰陣，佢哋愛你，只係因為你係你。

再推大家要認住

出現了！！！！！？

一向都好自信，話自己係最醒目﹑最完美﹑最成功。

你諗既野幾Make sense
至於最後一段，我依家已經明白左每個家長愛既方式都唔一樣。

以前細個睇《小孩不笨》已經明白左依個道理，
可惜輪到自己時，比人教唆就走唔出個局。

由於上堂時間好多時都係到吹水，
所以我周不時會同老師分享自己既生活，
包括同屋企人之間經常有矛盾同磨擦。

老師聽完就會講：
我地父母會咁樣對我地係因為唔愛我地﹑
父母唔係為左我地著想﹑父母唔會尊重我地之類
一開頭可能無乜野，但當翻到屋企又同家人產生不愉快時，
就會確信老師所講「父母其實唔愛你」既事實

唔出奇，但都可以理解。
華人興護短，咩「大義滅親」有幾可會存在？
OMFGG巴打肯放出佢搵到既相已經好好，
起碼大家可以認住老師個樣，
千祈唔好入局

佢算唔算係psychopath定係反社會人格