我係撞凹咗 表面摸上去凹凸不平
首先用水砂紙磨翻平滑先(由240、400、600、800號)由細no.開始磨到大no.(而水砂紙係五金鋪有得買,我買一大張A4size先3$) 有啲人會磨到去1500號
跟住先再補灰、補灰我係啲汽車用品鋪買、
而樓主間鋪可以買soft 99補灰嘅用品 我諗兩者用法都係差唔多 都係用個膠刮咁嘅野 逐少逐少咁一層層塗落去凹咗嘅位置 一層乾咗先再塗上新嘅一層
而每次塗上去嘅厚度
佢建議就係2mm 我覺得實際都係差唔多
而一開始磨平滑咗嘅好處就係 你補灰果陣啲灰會貼服啲你凹嘅位置
如果呢個步驟你太心急一次搽太多灰上去 佢就會好似有個小水泡咁 乾唔透 你要吉穿佢再等佢乾透咁
之後到你補灰補到同本來車漆差唔多厚度(建議可以厚少少、因為你之後可以磨翻平)
之後等啲灰完全乾透 呢個時候你補灰個位表面會凹凸不平
你再重複一開始嘅步驟用水砂紙由細no磨到去大no
(所以你買一大張水砂紙都有好處)
磨到表面平滑喇、點為止平滑呢 就係你摸上手同你隔離正常車漆差唔多滑
之後你等佢乾(因為你用水砂紙磨完佢會濕
)呢個乾嘅過程就好快嘅姐
跟住就拎你支補油筆出黎(記得對住你車漆顏色no.黎買、唔好諗住靠自己鳩估)
細嘅傷痕就用牙籤或者好撚幼嘅水彩筆(我用this)
大嘅就可以買補油筆嘅時候 買埋轉駁補油筆嘅噴罐,
或者你亦都可以直接係網上一間鋪直接配翻你隻色嘅噴漆
之後開始噴/塗三層漆上去
呢個步驟亦都唔可以心急要薄薄地一層層搽/噴上去
而每層之間亦都要等佢乾透再上(我果時每層等15分鐘等佢乾)
之後再等車漆完全乾透、呢個時候表面又會凹凸不平 又要重複再用水砂紙磨到平滑(記得!呢個時候要小心磨走埋你噴上去號油漆、過度研磨會磨到得翻底漆/底鐵) 跟住再用粗蠟同拋光蠟去磨到佢變翻光亮
有幾樣野要特別注意:
1.用水砂紙流出黎嘅水同埋噴油會整污糟你周圍、最好搵報紙 皺紋紙之類痴住你唔想整污糟嘅位置
2.補灰同噴漆都要逐層薄薄地上 同埋每層之間等佢乾
3.要花大量時間去整、有錢都係出去比人搞好過
附上樓主教學Link:
https://www.hkcarproduct.com/車身花痕修補/