日本Amazon入面啲賣家，
絕大部分都係大陸公司／在日大陸人留學生。（99％係有啲誇嘅不過都差唔多）
喺阿里巴巴低價買入，寫幾句日文，
就可以喺Amazon，扮晒來佬貨／日本貨咁高價賣出。
實際上同你喺淘寶買嘅嘢係一模一樣。
你以為自己買到好嘢，
大陸人喺到笑你傻仔咋
平時日講夜講要幫襯黃店，抵制淘寶
點知原來日本Amazon網購其實都只係貴版淘寶
點解要比貴幾倍嘅價錢，買假幾倍嘅貨？？？
不過呢個po目的
唔係叫你唔好再幫襯日本Amazon
而係
想你學識分辨賣家係唔係大陸人
因為假如賣家係日本人，
賣嘅貨亦係genuine日本貨的話，
我相信俾貴啲都係值得買嘅
唔識日文嘅巴絲都可以跟住做，巴絲們賞面的話可以試下
打開你想買嘅商品畫面，zoom埋去睇下右邊紅筆圈住嘅框框
留意每個商品，Amazon都一定會清楚列明
呢一件貨賣家係邊個
負責出貨嘅又係邊個
例如呢到寫：
この商品は、源之都会社が販売し、Amazon.c o. jp が発送します。
源之都会社就係賣家。
Amazon負責保管同運輸。
基本上初心者如果睇到如果運輸唔係Amazon.c o. jp的話就可以byebye，
因為成個過程中件貨冇經過Amazon手，
件貨係咩狀態Amazon都冇保證。同你喺carousell買嘢一樣咁高風險，運費又貴到hihi
如果運輸冇問題，就要click落賣家名起佢底
喺呢個example，
源之都会社，聽落個名係咪好和風好有信心呢？
點知現真身，仲核突過粗口
不過！！！咁唔代表你要即時放棄呢件貨，
事關Amazon可以同時俾多位賣家喺同一件貨上競爭，
只要click呢個「新品」，你就可以見到其他供應同一件貨嘅賣家，
然後逐個起佢地底
不過呢個做法非常浪費時間，
所以醒多大家一招
唔使click入去都可以一眼睇穿係咪大陸貨
大陸貨有幾個特色：
1. 牌子名係一抽你未聽過嘅英文（通常係個賣家自己作出嚟），或者冇牌子
2. "sponsored product"
3. 商品名好長，因為佢地習慣將大量keywords塞落去個Title到，係淘寶慣常手法
4. 啲日文好難聽
講多無謂，做個練習
以下1~8號仔入面邊個係純日本貨，邊個係低質山寨貨，你又睇唔睇得出呢？
出呢個post係因為見到好多巴絲打走去日本Amazon搶口罩
可能以為日本人賣日本貨都有保證
但點知都係大陸賣家賣嘅假貨
希望各位巴絲唔好再中計，做個精明消費者
利申：
曾經喺日本搞過網店
俾班賣假貨＋評價造假嘅大陸人跣到hihi
