以下內容屬純個人見解，事實未必如此
— 前期有人預言有肺炎，但被指抹黑
呢幾個人係咩人黎？點解佢地會預先知？大膽假設今次事件係天然病毒，普通人係唔識呢啲野，所以由食野味＞潛伏＞發病＞睇醫生＞食藥唔掂＞再睇醫生，最快知道既人就係醫生。又假設係實驗室毒泄漏，知情者果幾個知大事不妙，寧願冒坐監拘留都要講出黎？到底呢幾個人係醫生定係毒實驗室人員，我覺得係後者。如果係醫生，佢鬼知有醫生遇著一樣有睇呢個病。
— 武漢有中國最高級別生物實驗室（以下最最最重點位摘錄＊）
【世界末日？】中國首個最高級別生物實驗室獲認證 將研世上最危險病原 From 立場新聞2017/03/01
實驗室將會致力於控制新興疾病、儲存純化病毒以及將會成為其中一個世界衛生組織的「參考實驗室」
需要處理危險、未知，且至今仍無任何已知的疫苗或治療方式的病原體，如伊波拉病毒、拉薩熱、天花等
所有的廢氣及廢水排放，必須經過濾以及最高級別消毒程序，以減少意外釋放危險病原體的可能性
實驗室未來亦會研究不屬 BSL-4 的 SARS 病毒，此後，將會分析伊波拉病毒及其他來自非洲的病毒
尤其最後一段，呢次既武漢肺炎同SARS係有七至八成相似，唔洗我多講了。
— 中國政府遲遲未有對外公開病毒樣本
宜家爆到封曬城，出曬武警軍隊，全球都慢慢有個案，中共一定係撐唔到落去既啦，除非真係想炸曬成個湖北省啦，不過宜家炸都可能無用啦，傳曬去其他省份。習大大早前先成功永續做皇帝，宜家比個乜春病毒搞到無得玩？緊係打死都唔濟，為求生存一定大力向世界求救，耿爽開到口好願意同你地班歐美國家合作啦。奇怪既係，佢又遲遲唔放出病毒樣本，雖然我唔識醫學，但憑常識都知，知條問題就會慢慢解到個答案既啦，佢又係都唔出黎比知，好似等人慢慢搵咁。做乜要咁做？好大可能個病毒係唔比得人知，即係唔係天然病毒，而係......
— 病毒源頭總係唔會確定
一開始公佈有40幾綜果陣係講緊個個乜野海鮮市場，比著我呢我就光速封曬成個市場，再逐間逐鋪去睇下有咩賣，同時叫醫生問下病人食咩黎，逐個去查總有一個係查得到。宜家又好似查唔到咁，最近好似話咩查到係蛇？我心唸，果到賣蛇都賣左幾年，食咁耐先有事？動物得兩種，一係就野生，一係就圈養。有事既多數都係野生，如果你懷疑係蛇，咁未去查下邊間鋪最近開始有入貨來歷不明既蛇，但又好似無曬消息咁喎，好奇怪。
— 世衛異常既舉動
唔知大家有無留意，世衛好似想宣佈啲野，但又唔宣佈咁，過幾下又好似想講野，欲言又止。有人話世衛染紅左，我覺得叫做岩一半，因為係今次染紅左。當世衛想講野果陣，背後總係有啲野壓住佢，係咩勢力就大家都知啦，但點解又要搞到欲言又止咁既款，壓到實一實未得囉。我個人睇法世衛可能仲有少少咁大既良心，知道中國呢個人工病毒泄漏左，寧願得罪一次中國，都起碼保住全世界唔好滅亡。反觀，如果呢個毒係天然病毒，一係就即刻發大件事叫全世界幫拖，一係就壓到實一實等中國自己搞掂有番啲面子，彈黎彈去你估好好玩咩。
總之各位小心，保護好自己，千其唔可以輕視呢次既病毒
覺得幫到你既請比Like
Share出去比更多人睇到
