係專登請假去嘅，第一次做旁聽師，好想話俾手足聽佢哋唔係condom之餘，係有人會尊敬同崇拜佢哋。
而且，今日有一位想低調嘅消防手足我特別欣賞。
排隊、拎籌、入去、幾乎坐滿旁聽嘅公眾，都冇問題。
等咗20分鐘以上先開庭，期間已聽到：
- 主控官塞車嚟唔到架啦 （我心諗喺火星嚟呀？！）
- 控方律師細細聲同辯方律師講，一陣會申請押後。辯方律師好驚訝問佢點解但好似冇正面回答，控方顯得騰雞
- 5-6 個藍衫死黑警喺被告個玻璃欄內齋坐冇嘢做（真係一份筍工）
開庭：
- 所有咪都超級細聲，要好專心先聽到。我隔離位有人遞起隻手少少，件褸嘅聲音已經可以蓋過法官同律師嘅咪聲
- 冇還押果幾位出嚟，聽唔清講咩，總之好快就話押後
- 消防手足已經還押10星期，由5-6個死黑警看守住出嚟，冇講過嘢就話要押後
- 辯方律師主動補充（聽唔清楚，但大意係被告俾警察打，同埋今次係第N次提出押後再訊，只希望紀錄在案）
勁快完咗。半個鐘有冇？！
感想：
- 所有人係運吉/被運吉
- 有理由相信控方專登拖延時間令被告未判刑先服刑
- 旁聽師被浪費嘅時間不值一提，但係一諗起手足白白地還押再等又唔知要受幾多苦，而且律師好可能係花咗好多時間準備，甚至係推其他客嚟義務幫手足。仲有家屬，又要再等再擔心
點解香港人咁慘
