跪求好嘅狗狗獸醫推介（港島區）

好多醫生都係垃圾, 好似人咁 "喔, 你發燒流鼻水呀? 感冒啦, 開d藥比你食晒就好", 完全唔會考慮其他野, 最緊要收錢
不過我暫時睇你咁講, 隻腳應該真係冇咩問題, 係你太緊張, 我隻狗2歲開始養, 養到13歲, 中間都有3-4次3腳行路, 除左第一次有睇醫生之外, 之後都冇再睇, 當然最緊要既係, 你要肯定摸佢果陣, 佢冇痛, 佢肯郁, 冇自閉, 之後就會自然好番, 我經驗係1-2星期
嘔果方面就你試下每次餵少d, 用手餵, 控制佢食慢d+唔好食太飽, 我隻狗有時見到鍾意既野食得急/食得太飽轉頭就嘔番晒出黎
頭盔: 我唔係專業, 極之粗養隻狗都養到13歲

我都知狗會扮嘢，但我隻今次堅整親，不過一個星期已經由3隻腳行變到宜家行路仲有少少吉但跑得跳得，復原能力都幾強 嘔完又鬼打咁精神 其實係咪我新手養狗大驚小怪

我完全明白，今日睇個醫生就係咁唔係話佢唔好，佢好details咁睇晒我啲藥，問晒成個過程，跟住又話要照雙腳x-ray，又突然打咗支止嘔針，再強制要我買咗袋hills糧話對腸胃好 再加埋啲藥，埋單又好金

nvp太子陳醫生專門骨科，收費比其他醫生平

我就係去咗太子睇佢

睇開嘅醫生有開啲骨supplement俾佢，但等佢腸胃好返先俾，宜家淨係食胃藥同糧咋
我隻狗唔似會識驚 佢第3日隻腳好返啲掂返地行已經狗衝同跳

great choice 祝小毛孩早日康復

多謝你呀都唔知係咪自己養得唔好定品種問題，好似我隻好多問題咁睇獸醫真係燒錢咁 我有個朋友2隻狗7年冇睇過獸醫

看狗醫生，專門骨科係好 好貴 ， 因為 要照x 光， 同埋要覆診，如果斷骨 要一萬蚊以上 腫瘤 又係好貴 因為要照ct或者磁力共振同埋要覆診 要 萬五蚊以上 如果揀錯醫生會用好多錢 如果冇醫德 有心呃你你可能要畀好多好多好多 好多 錢 陳 醫生係台灣人 佢份人好直 又有 愛心 唔會收 多 你錢 唔好信我我唔係 賣廣告 你可以同佢傾下 試下佢 唔好畀狗成日跳 跳來跳去 保護署 佢啲骨 你可以慳好多錢佢又唔駛斷腳 佢隻腳冇事佢可以走去走去 直至到去去 彩虹 橋嗰日 腫瘤 防不勝防 你同小毛孩今世有緣 你又有愛心 佢帶畀你開心你又帶畀我開心所以千祈唔好 棄養小毛孩 佢會好傷心 我 分享 個經驗畀你 要 每日同佢刷牙 用棉籤 幫小毛鞋刷牙每一 每隻牙都要 清潔 其實 小毛孩好 好容易養 因為你有愛心 你一定做得到

可以係佢屙左之後搵塊片索少少 再帶佢去個到 間唔中就帶佢去個到叫佢屙尿 屙左之後要即刻讚佢獎勵佢

我明白啊 搵到個好獸醫真係好重要！
我本身睇開有個獸醫好好，但收咗爐先周圍搵其他睇，就係個獸醫refer我去睇陳醫生

我試過好多次都係用呢個方法，但佢都好似呆呆豬咁唔明，入到廁所又唔痾佢係完全唔識聽尿尿嘅指令 但sit就識wor!

試下買d小朋友既圍板, 一開始比籠外一米佢, 佢柯岩左(係個籠度)就一步一步放大佢個地方, 唔好一開始就全屋任佢走, 最後係放個籠去廁所
諗番起我真係好好彩, 一執隻肥狗番屋企第一分鍾佢就已經識去廁所柯

點啊？你隻狗仔有冇好翻啲？

冇事啦佢 宜家又生猛返 係咁狗衝
之前真係嚇死人

咁就好啦！！

佢隻腳好返後，帶多咗佢出街，佢宜家出街先肯開大，如果落雨帶唔到出街佢就會死忍，忍到第二朝頂唔住先痾。 最大問題係，佢慣咗出街隨地痾尿，宜家喺屋企完全唔識返廁所到痾，係我推佢去廁所，佢先痾得啱，痾啱完已經即獎嘢食讚佢㗎啦，但如果唔推佢去廁所，佢就會隨地解放
可以點教返佢喺屋企廁所痾返啱？

我個隻法鬥情況同你個隻好相似（都係5個月，佢自己跳一跳之後就叫左一聲 , 有隻腳唔掂地行）, 醫生話佢係軟組織受傷/拉親 , so far 大慨6日 , 佢開始掂地"gut" 下 gut 行 , 你個隻大慨幾耐先完全好返

好似2個星期就好返了，你有冇睇過獸醫？不過佢掂地行返都係最好cage rest俾佢抖多啲，唔係佢會以為自己好返又衝

thanks,
睇左 , 而家都係cage rest 緊 , 但係好難24小時係cage , 因為佢成日都要人抱 , 可能佢仲細

獸醫講咩？嗰時我嚇到死，照咗x-ray好在冇斷骨總之唔好俾佢跑同跳 好返買返啲骨supplement俾佢食下，佢就嚟爆頭要靚仔啲 狗仔啲復原能力都幾強 唔洗咁擔心

但係聽講hills垃圾糧黎，獸醫好撚中意叫人買