唐狗西遊記

帶番隻狗入番香港境係咪仲煩

場波改早一日，兼且無得退票，變相我成個行程都亂哂，因為因為因為18/1係大佬4歲大壽，我要同大佬一齊唱生日歌，所以我係無得住一晚要即日來回，場波16:00開波，時間上我係趕得切係十二點前返嚟同大佬慶祝牛一，我就去馬照去睇波，我機票用飛行里數換補少少錢就可以改早一日，我今日搭朝早08:00機，回程搭19:50機：

朝聖行程
05:30起身梳洗
06:00出發機場
06:30辦登機+早餐
07:30登機
08:00起飛

16:00皇馬對西維爾

18:00衝去機場
18:45辦登機+晚餐
19:20登機
22:00到意大利

睇個時間表都覺得又嚟玩自己，為咗個夢，我豁出去現實同理想時間是否配合？我又趕唔趕得切返嚟同大佬慶祝生日？

訓先，明天待續

返到香港話你知

狗狗有呢個主人，真係有今生冇來世

自己身為狗主，同樓主比真自愧不如

卡斯美路兩球
期待樓主班拿貝球場報告

睇波散場好撚迫, 班拿貝仲要咁多人
搭公共交通工具應該爆到阿媽都唔認得, 的士又應該封晒路入唔倒附近
我勸樓主未完場好走人

原來已經踢完, 唔知樓主走唔走得切

德國菜

睇大佬去旅行好治癒

aeon有 大size大約$200

朝早5:30起咗身
望住內人同大佬熟睡，我暗然地離開，天未光加上絲絲細雨，令我身影更顯獨單，但其實我好很興奮。
米蘭泊車好貴 一晚收咗我三十幾歐，揸車去機場都幾快，一條大直路，唔洗廿分鐘。所以到咗機場仲有好多時間俾我出Post。

就好似謝拉特跌低有啲嘢係整定

比佢上床訓咁好

米蘭大教堂

當我連出幾個Post後打算差差電，點知發現尿袋得翻22%電，我張波飛、登機證全部喺電話入面，要捱成日嘅時候，未上飛機，已經變咗飛行模式。

我今次行程只係去班拿具，機場地鐵8號線直接搭到尾站就到，原本諗住分去程同回程各買一張單程飛，總共10歐，有個熱心職員老遠行過嚟問我嘅行程，推薦咗另一款pass俾我8.4歐。

好想知你同唔同到大佬慶祝生日

搭咗大半個鐘就到咗，當時11點幾，一出站就見到El Corte Inglés，襯有時間幫內人睇少少嘢同幫親戚買頸巾

內人睇啱嘅嘢，好多時都無貨，包括今次，好多人都知歐洲買牌子嘢平過香港好多，我具體用我親戚條頸巾做例子，香港賣$4100，歐洲賣€420，仲要退€51稅，等於$3200左右，平成一千蚊，唔怪之得水貨店咁好搵

食埋個晏晝，行咗十分鐘，就到咗班拿貝


果時13:45已經好多球迷，我去咗皇馬隊巴入口附近，等隊巴入嚟歡迎佢哋，當時啲雨都落得好密，但係阻一班皇狗熾熱嘅心，等到14:30隊巴由兩架電單車開路，終於到咗，我跟住班西班牙球迷一齊嗌咗啲唔知係咩嘅口號。

歡近完隊巴入場，我都入球場，我一路入一路見到vip boxes，雖然我買飛嘅時候大概都知自己坐邊，但原來我個位隔一條樓梯就係vip位，實在太奇妙啦。

落雨真係唔好著白鞋

我行到最前（姐係後備席隔離個位）尻影咗陣間相，25古就開始進場熱身，之後就到正選10人進場熱身，馬些路好撚nice會同周邊球迷打招呼，無拉膠、夏神、V15同巴利，我有少許失望，球員熱完身，我乖乖地返埋位啦，坐低靜候開波

拉膠入嚟拎住西超盃又真係幾型棍

由於啱啱皇馬拎咗西超盃冠軍，西維爾列隊歡迎佢哋入進。

皇馬球員某程度都幾慘，永遠都好似作客咁，表現唔好會俾主場球迷柴台，加上太多太多唔係皇馬球迷，純粹遊客入場，只有龍門背果區先似主場，其他位置似中立場，山頂橫咗俾作客球迷坐嘅地方，作客球迷打氣聲仲大過主場，我都忍唔住尻叫支持自己愛隊。同埋極少掌聲，所以我都尻拍手，拍到手都爛，0:0完上半場，我凍到即刻去咗買杯熱咖啡暖暖個胃。

皇馬主場唯一噓聲就係Var，我以前睇利物埔，只要對手拎波就噓到爆，係班拿貝係絕跡罕見。下半場卡斯米路梅開二度，主場贏2:1。馬些路換出場嘅時候應該影到小弟 係87分鐘嘅時候，我就已經去咗離出口最近嘅位置，一完場我即刻跟住人群狗衝去地鐵站，行過去地鐵站係一條大直路，我由係人群中間跑跑吓，變咗領頭羊當我去到地鐵站18:00距離上機時間仲有個半鐘。

好彩我買咗張Pass唔洗同人排隊買飛，一落到站就有地鐵，又要搭到去總站。到咗機場距離登機時間仲有半個鐘左右，我預先做咗登機證，所以直接入行check 行李，我前面有3母子，3母子好似第一次去旅行，每一個入金屬探測部機都響大佬我趕時間㗎，搞咗一大輪終於去到登機閘口，啲人開始排隊入去，我襯有時間都買個pizza 醫醫肚。順利上機

大家有無試過飛機降落後，全機拍手掌，我今次就試過。

差啲以為要同大佬講拜拜上到機我好快就訓著，差啲以為長眠。

我訓到差唔多落機嘅時候就俾機上廣播嘈醒咗，我半清醒下見到架機嘅燈熄曬，我果下無太理會，突然部機震一震，我以為氣流，我見到左右兩個女人好似好緊張咁雙手頂住前面櫈背，我正當以為飛機慢慢降落，就發出巨響同狂震，原來已經降落咗，之後就全機拍掌。我再望一望出面，原來係勁大霧，而且架機嘅燈真係熄哂，當時個廣播我好有興趣想知佢講咩，可惜我聽唔明，亦都唔希望有機會再聽

大霧到好恐怖

有驚無險地落咗機，當時十點幾。我又要狗衝去停車場拎車，仆街，唔記得咗自己泊咗係一樓定二樓。

搵咗陣間先搵到架車，上到車，仆街，唔記得咗張泊車飛未俾錢，又要行返轉俾錢。

出到街，仆街，勁大霧要超超超慢駛，能見度應該無五米。我要十幾分鐘嘅路程揸咗半個鐘。

最後最後都好好彩，係十一點半左右返到嚟同大佬唱翻首生日歌同食蛋糕。


一日不見如隔三秋


正宗皇狗