塞咗半個鐘頭車,見有時間,打一段長少少嘅酒店分享俾大家参考下。
今次旅行所有酒店都OK嘅,唯獨是有一間,真係唔講對唔住大家
,嗰間酒店係國王湖,而大家去國王湖會好大機會揀嗰間酒店,因為係附近,先唔講嗰間酒店令到大佬有啲咩問題先。
首先由我哋入去嘅時候,推嗰道門見到個門口有塊牌寫住[推]兼且見到好多殘體字已經心知不妙。入到去,我哋check-in嘅時候,酒店職員嘅態度,其實都唔係好友善。咁唔緊要,可能係德國人嘅文化風格,到職員要我地俾當地旅遊稅錢,我諗住比Credit卡,唯獨是呢間酒店,話因為我唔係用當地嘅信用卡,所以要收2%手續費。咁都冇問題,我咪轉俾現金,check-in完,呢間酒店嘅配套係無升降機搭(我都住過好多酒店係無升降機搭,但純粹講俾大家知呢間酒店無升降機搭,如果多行李或者有老人家都會唔方便)
咁我就拎一個個喼拎上去,提提大家呢間酒店職員係唔會幫人拎喼上去,當然唔拎上去都唔係問題。拎上去會對間酒店加分咁解。而且唯獨是呢間酒店俾特登俾張a4紙,我果刻無細心睇,大概係一啲酒店規矩,我哋上到二樓見到間酒店嘅走廊都係唔開燈,係好慳電好環保,係要自己撳掣先可以開到燈
咁入去房裏面,有樣今次旅行喺其他酒店都見唔到嘅嘢,竟然係呢間酒店出現,就係牙刷同牙膏,仲要係金妹嚟嘅,跟住我內人第一直覺就話呢間酒店係咪中國人開?咁我唔係對中國有啲咩歧視嘅,我亦冇諗太多野,但係我哋都唔敢用枝金妹,唔知有咩化學成份,我又唔想曬咗佢所以我拎咗枝金妹去洗鞋,洗完對鞋仲白過之前
間房嘅污糟程度,佢成間房嘅地氈都好多一點點,張床單同被係發霉,我同內人抱住住一晚嘅心態都由佢。之後就同大佬影吓相,hea吓,果時我就慢慢睇啱啱提到果張規矩紙,其中一條係唔俾狗狗上床,由於內人係道德撚,所以果晚係唯一一晚大佬無上床訓要訓地下。導致後續故事
到第二朝check out ,除咗我同內人,仲有成村人由7:30等咗半個鐘左右先有人嚟幫我哋Check out。事後我內人上網Check 過,呢間酒店真係中國人開,我都心內讚嘆咗一句,厲害了我的國
以上經驗純粹参考,因為無圖無真相,大家信嘅下一次去國王湖就唔好簡呢間酒店,大家唔信嘅就簡呢間酒店睇吓我有無吹水。