一到冬天抑鬱就發

你知唔知個源頭喺邊？有冇得解決？
我啱啱又突然成個人好灰好絕望

唔知呀，好突然，又冇壓力，一訓醒就咁。你呢？
撐住呀食下野會吾會好啲

你係本身冇嘢唔開心突然有抑鬱徵狀？係咪本身性格負面？
我性格都係傾向負面，但之前冇咩嘢唔開心所以冇嘢，係近呢幾年份工越做越唔開心，又突然調個西老細過嚟，又廢又仆街，而家同佢反晒面，同事又唔夠supportive，搞到好抑鬱，考慮左好耐先決定轉工，因為而家份工都做左好多年，算叫做穩定，自己又供緊樓
依家搵緊工又搵到好大壓力，覺得自己好無用

可以google 下seasonal disorder

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站 www.help4suicide.com.hk 。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

唔會無用啦。我明呀，唔可以同人講我辭左工，今個月唔供㗎嘛，生活洗費又要繼續比。
但做得唔開心，對住西人幾個月都灰曬啦。點樣對到自己供完樓喎⋯⋯
轉左工都要等多排，再次穩定翻，先會平復心情，冇咁大壓力。係要時間嘅。。。

我一時有原因，一時冇。反佔中一開始就有啲吾舒服(mental上)，開始情緒不穩，但好落力㩒住自己。。。有時都要抖幾日先追翻啲新聞。而家都算handle 到。

但近排係一訓醒就尼料，係我控制唔到嘅灰。平時安慰人多，變到大家安慰唔到我。。。

我話自己無用係因為我真係唔識玩呢個遊戲，eq又唔夠高，太容易俾自己情緒影響，但面對西人西事我真係冇辦法妥協，雖然我知好多人都做到，怪自己唔夠老練

反送中單嘢我諗真係嚴重影響咗好多香港人情緒，我都係成日睇新聞嬲到想打爆部電視，覺得香港好陌生，加上生活壓力又大，諗唔通時真係有種衝動想死咗去算。
不過為咗身邊嘅人我都暫時撐到，希望仲會有明天，巴打都撐住呀，有時都真係患難見真情，佢可以幫你分清邊個係真心朋友。

真係無壓力？無野諗？好簡單，搵個靜既地方或者屋企最靜既時間，合埋眼坐喺度十分鐘唔諗野，睇下係咪如你所講，個腦乜都無野諗

飛去澳洲?

暖返D就無事，年年都係咁

試下約下朋友做下運動
會好好多。
利申：過來人