一到冬天抑鬱就發

好多野其實好明自己應該要點做 識鬧自己 但就係行動唔到
本身個人都自卑 而家愈來愈自卑
心情起伏好大 今朝唔開心到晏就 但而家夜晚又覺得冇咩野 到我有野再話你知

所以我覺得你繼續係依個工作環境係對自己既煎熬
就算唔轉行點都要離開依個工作環境
如果唔係真係長期受壓迫
工作以外會唔會有朋友幫到你架？

如果只係一時三刻就係正常既
好多野的確理智上係知點做
但行動上未必係跟到想要既野
其實大把人都係咁
愈係迫自己爭係愈辛苦
等於跌左落大海愈爭扎就愈沉
不過依個又好正常係抑鬱時就係會咁

係呀而家都努力搵工，但係真係唔容易，可能我要求太高又臨近年尾
出面嘅朋友都會聽我呻下，佢地俾我嘅建議都係叫我轉工。
呢啲其實我都知，其實我真正需要嘅係想有人理解明白我嘅處境同心情，
不過可能佢哋始終係局外人，我又講唔到咁清楚我自己份工個情況，覺得佢哋幫唔到我。
所以慢慢都冇搵佢哋傾，變左自己收收埋埋個人仲鬱結

之前加埋工作壓力要辭工，買左部暖風機好似好好多
office太冷氣都可以救命
我都知聽落好on9但係對我有用

發左
喊到顛 唔知自己做過乜，想做乜

而家已經轉左新工？

我通常發嘅時候會狂做運動（唔識攰）
之後就會好好瞓，你都試吓，個人覺得好過喊
雖然瞓醒第二朝都係繼續頹

轉咗啦，之後第一份都俾人不斷extend 試用，之後走埋
而家份工係做病發後揾工期間見落，等咗年半，做落同事老闆都唔錯
The best is yet to come

恭喜晒,同事老闆好緊要，我都期待搵到份啱自己嘅工

如果持續好耐都係咁，點知係正常唔開心定抑鬱

依個係真建議個個識比
但有時我地又唔係真係想要人比意見
其實都只係想有個人默默聽同支持下
搵到個知心既真係唔易
屋企人會唔會support到多d呀？

你依個問題都問得幾好
其實網上都有好多評估工具
不過睇你點睇抑鬱依件事
我自己又覺得抑唔抑鬱只係用黎比醫生去界定既一個term
就算確診唔確診係抑鬱咪一樣咁生活
我既睇法係最重要明白自己既唔開心由來
同埋搵到方法去settle down個心情

我冇同屋企人講

正常都廢事同屋企人講既
除非屋企本身極度support者
如果唔係都寧願係屋企報喜不報憂

喺佢地面前會扮開心

有苦真係自己知

自己一個唔開心好過要佢哋擔心

講咗幫唔到手反而多咗人煩

係呀我就係咁諗
通常唔會選擇同屋企人呻

接觸陽光、散步、運動，可以試一試。

呢排好撚depressed

好似已經唔開心咗幾個月
聽聽下歌 啲眼淚就不自覺咁流落黎 成日係張床到喊
諗住出街行下 成條街就得我自己係一個人自己行 成個異類咁
啲人態度又差 搞到自己都好忟
好多時都係想留返係張床到算
我覺得我就黎痴線

有日頹到吾想旭，有日狂旭吾攰。
有日喪喊，有日無理取鬧。
不由自主，唉

好明你感受
抑鬱嘅時候情緒特別波動，好容易受周邊人影響，對人哋嘅態度同行為都特別敏感，睇嘢睇得好負面
巴打做cs？要對住啲西客？