一到冬天抑鬱就發

我明呀，大學無可否認係多咗好多虛偽撚，呢啲我選擇唔走入佢哋個圈子。

但你身邊有冇一啲同你一樣與世無爭可以同你一齊柴娃娃嘅朋友？我慶幸我大學時仲搵到咁樣嘅true friends,等我可以逃避多3年，唔駛咁快面對呢個殘酷社會。

但可惜出到嚟社會真係適應唔到，所有嘢都係利字行頭，功利到不得了，以前玩開班friends為咗適應社會好多都變埋質，係我呢啲死硬派仲未醒覺啫

我畢業好多年啦，讀書時好多朋友聽我呻反而冇咁嘅需要

當然有，然後佢地一齊鬱
唔知係咪同性相吸，身邊fd嘅十個有九個都有情緒問題

屌同我一樣一齊呻
但大學係少啲嘢煩嘅，都係玩多
唔開心時仲有一大班fd陪我，諗起都開心
而家各有各生活好多都冇時間理我啦

點解唔係秋天
而係冬天

我睇巴打你講個d都好sad
你本身都唔係佢地個價值觀
個社會強迫你要跟佢個套去生存
巴打做金融之類個行架嘛？
大學個時有班true fd都仲好d
你咁講咁出賣你個d係工作遇上既人？

你講得好啱，講中咗我心聲，
我真係唔明自己價值觀唔同點解就變咗係唔合群，我真係做唔到好似佢哋咁假，
呢個社會唔係應該百花齊放，接受唔同性格特長嘅人咩？點解會變咗一個倒模，人人都要一樣鬥假鬥上進？我真係接受唔到

出賣我嘅人係工作識嘅，曾經當過佢係朋友，佢而家撈到風生水起啦，都話社會係需要佢呢種人
不過都係佢教識我出嚟做嘢唔好對任何人有任何期望。

我唔係做金融呀，但因為自己讀呢科關係都會接觸金融嘅人，自己好多朋友係做呢行。
反而覺得佢哋易溝通過自己班同事可能因為冇利容關係啦...

你講得岩呀
依個社會其實係應該百花齊放
正正係有班人淨係識同聲同氣
接納唔到同自己唔同意見
先搞到個社會咁分化咁兩極
其實你都好拉扯緊
你已經盡量讓自己唔墮入依個洪流中
不過變左你自己會好委屈

不過有時我覺得又有報應既
佢係撈到風生水起
之但係佢除左金錢同權力
犧牲左同人的關係
佢都唔會有任何同佢有真正pure的關係

反而樓主你仲有機會搵到屬於同你有共鳴既人
只不過係工作上你仍然係辛苦者
不過如果返到咁其實會唔會考慮轉職或者轉行？

嘩巴打我懷疑你同我係同一類人，點解可以講中晒我心聲？

不過算啦報應呢家嘢我唔信，我眼見係呢啲人為左權力金錢地位無論幾不擇手段都冇問題，
喺其他人眼中佢哋識玩個遊戲，你唔跟就係你冇本事或者懶清高。
佢哋呢班人根本都唔希罕pure嘅友情，佢地心諗你冇利用價值睬你都嫌費時啦，
佢哋自己大把志同道合圍威喂互相利用不知幾happy

所以我依家準備緊轉工同轉行啦，最大困擾係經濟壓力驚搵唔返而家個人工啫。
不過其實我覺得份份工都一樣咁多西人，我本身都冇咩期望，但願下一份會好彩啲唔駛大部分都西啦

出 去 曬 太 陽
https://en.wikipedia.org/wiki/Seasonal_affective_disorder

我就係咁覺得先想問你拎tg

我明你講咩不過我依然信佢地有報應
只係佢地既報應未必報係工作上
咁我覺得人生唔係淨係得工作
佢地做既野只會令佢地淨係係工作上有「成功」

其實都真係到到都有西人
不過都總有d行業個價值觀無咁功利既
就算經濟爭d 起碼生活開心返都值得既
好過日日行屍走肉咁

可惜我冇tg,覺得好似同你sync到，至少我咁隱晦你都明我講咩

我都盡量逼自己唔好睇得自己份工咁重，我事業心其實唔重，但生活逼人，睇在份糧份上冇得揀。
可以財務自由我絕對唔會做而家份工
睇嚟巴打都有啲經歷，你又係有相似經驗？到我做下你樹癃啦

樹窿

苦中都要作樂

要同7婆鬥長命。

我之前係連登都識左個同你好似經歷既巴打呀
講到最後佢而家都諗住話轉行
有時依d行業覺得你無事業心＝失敗
不過我覺得唔係無事業心囉
只係唔想淨係以依個方式去獲得事業
係個制度令到好似一定要依從佢地方式先叫岩咁

我唔exactly一樣係咁
我好彩d係我係讀書時期遇到
個陣都好抑鬱有睇過下d心理輔導
好彩返工個陣d同事幾好先叫比返d信心自己
所以有時望返轉頭先覺得有時係經歷黎

究竟呢類被打壓嘅職場犧牲品仲有幾多人？
我成日喺度諗我哋呢類性格唔可以成為主流唔單只因為我哋喺個社會只佔少數（其實我覺得數量唔少），重點係我哋通常都係默默唔發聲嘅一群，所以變到好孤立無援咁。

呢個社會真係誰大誰惡誰正確，上咗位嗰班多數都係靠踩住人上，以我觀察好少係我哋呢類人上到位，就算有都係少數，仲要係真正有料嘅，當然亦要靠運氣遇到貴人先得。

所以當在位者全部都係啲虛偽撚時，大家都理解點解個社會咁傾向呢種虛偽文化

我自知性格問題一定唔會有咩大作為，而家已經放棄咗事業，唔會同人爭上位，做嘢得過且過就算，但係個人冇晒雄心壯志又係好唔開心，冇晒動力所以我真係好矛盾。

咁你而家份工啲同事好已經夠啦，之前讀書時期遇到嘅衰人而家又唔會再見，應該會容易啲釋懷，好過我而家偶然仲會喺公司撞到佢

之前都冇咁覺 近排feel到好似真係有 網上既徵狀中左8 9成
個人好自卑 唔敢同人講 覺得冇人明白 怕煩到人
其實睇醫生食藥係咪真係有幫助 定都係要靠自己意志?

我認同其實係好多依類既人其實
只係好多人默默承受唔出聲

調轉個角度睇 其實佢地依d人淨係踩住人上
如果無左我地佢靠d乜呀講真
佢地都係蝦我地唔出聲
所以只要唔合作/離開
佢根本就無野威到

我又唔覺得一定唔會無大作為既
咁好似愛因斯坦咁自閉
都一樣有成就既
不過當然好似你話齋要遇到伯樂
但我又信另一樣野係
每個人係某個範疇上會有佢自己既「成功」
只係我地而家睇既係d人係工作上搵到佢自己者
但我見到有d人可以係好「成功」既爸爸媽媽、朋友、自己興趣etc
問題只係自己係邊條路上搵到真正既自己

所以我話自己都好好彩係讀書時期遇到依d人
而家就學識點避重就輕
遇到d唔志同道合既就避之則吉
或者覺得份工的文化同自己唔岩就走人就算

其實食藥情緒上點都有少少幫到
不過你可以理解為佢係治標不治本
除非你對一世食藥都無所謂
如果唔係配合心理治療會好d
巴打你都一直有依個問題好耐？

我明你講咩，心態上要調整到唔好睇得件事咁重，要接受好多人都唔會理你感受，現實就係咁，簡單嚟講即係要睇得開。
我依家都係走緊你講嘅路，就係採取不合作態度，又準備緊轉工已經做野冇咁上心，心理叫平衡返啲，但係唔知係咪本身個人都叫有責任感，個感覺好奇怪，好似唔係做緊自己咁，總之個人就係好辛苦。

我都想好似你咁轉到份人事同文化適合我嘅工，呢個小小嘅希望都係唯一支撐住我嘅動力，始終工作佔人生太大部分，我都要搵食，想擺脫都擺脫唔到，所以好容易俾佢影響我情緒，而家我盡量放工放假都唔諗架啦，但好難做到咁抽離

我靠意志就唔得囉，心裡面知道自己要睇開啲，但係總係做唔到但越諗就越抑鬱個人仲辛苦
你係本身自卑定有啲嘢令你自卑，唔開心嘅原因又係咩？
試吓搵個源頭再同人傾訴下，唔介意或者試吓同我講，可能我會明呢...

正正因為我地人太有責任感先會咁
唔明點解啲人做野可以咁唔諗其他人
可能要平衡自己先會開心啲

肯定係難做架啦 做左廿幾年人
而家先話原來以前學既野係唔岩
原來社會唔係下下都真心就得
幾咁難接受既一件事
不過我覺得搵到真係明白自己既人都好重要
因為自己去面對其實係好難

巴打你又再一次講中晒我心聲
我到而家都唔覺得自己嘅價值觀係錯，只係個社會演變到大部分人嘅價值觀都扭曲晒啫
你嗰句搵到明白自己嘅人好重要真係擊中我心臟
我而家工作上真係一個人面對緊，好辛苦

之前一直以為只不過係正常負面情緒
而開始愈來愈覺得係抑鬱 我諗就係近呢幾個月 上連登聽多左人講抑鬱 覺得同自己相類似 於是上網睇先覺得真係似有