馬中真係難搞到 個人覺得都係派系累事
今次錦濤同馬中兩區 街外人會覺得係陳國強同麥潤培兩個喺馬鞍山爭嘅縮影
宜家陳國強就派佢個仔陳天俊(錦濤)同椰子(馬中)
麥潤培就有盟友許立燊(錦濤)同鍾禮謙(馬中)
馬中嚟講 我個人覺得就鍾禮謙係深耕細作少少 佢都落咗區有一兩年 曝光率高(我記得有一排講咩美食沙漠個陣佢已經有上報推介餐廳) Marketing都好過椰子 而且佢又辦地區報又剩 所以馬中人多數都會見過佢
椰子唔係唔好 不過我多數見佢喺錦濤區 始終佢係強哥助理主任 跟佢喺錦濤出現好正常 都叫高曝光 不過可能因為返工 好少見椰子喺馬中 樓上有巴打話佢一早講咗過嚟選我真係唔清楚
總括嚟講 兩個都係好嘢 不過怪就怪在椰子唔選錦濤選馬中 因為如果講Plan B 以我所見 陳天俊就真係冇點落區 叫椰子選返仲好
至於許立燊 我記得佢本身唔係做錦濤 好似唔知恆安定耀安 宜家又轉咗場 不過唔係嗰區 俾唔到咩意見
簡單講:錯咗佢地選前換區/地區服務唔係當區 結果宜家好多兩區人都唔知點選 下下又話邊個泛民明星支持 但都2019 冇實績 有幾多明星支持都冇用 尋日見鍾禮謙同椰子喺馬中巴士站疊哂聲咁嗌咪叫人支持 個下真係核突咗少少 又話想保皇落台 但宜家兩個做嘅嘢就係攬炒益人 到宜家都唔知投邊個好
利申:馬中選民 覺得李子榮完全幫唔到手
想踢走佢好耐