我先唔理「加泰集會」係岩係錯,講返「兄弟爬山,不分不割」先。[size=4]我地維持到幾個月既原因係乜?就係各有各做,鼓勵人自發去做,而唔係叫人唔好做乜做物,你唔鍾意可以唔參加,而唔係柴台。[/size=5]
HK01 打手同某些分化撚,係好想炒起加泰集會既對立,利用「得失美國」作為藉口玩分化,要你地為左拗「應該唔應搞集會」、「提唔提加泰兩個字」,消耗大家行動既意志。
如果你覺得做乜野更加好,你快d去做,而唔係叫人放棄,或者要人一定要跟你方法做,呢個就係「兄弟爬山」。我一直都唔滿意民陣,但自6月9號起,基本上民陣每個遊行集會我都有去,亦都會叫人去,有時聽到某d人台上講既野,我都未必同意架,但我就係持秉持「不分不割」既原則參與。
加泰集會搞手劉穎匡已經清楚交待集會主題,係呼籲西班牙和平處理示威,譴責警察暴力,認為冇人應該因為政見坐監,亦都講明「對於加泰是否獨立,我地唔會、亦唔應該有立場。因為呢個係加泰人既事,唔到外人插手」。d 分化撚成個話「唔應該支持人地搞獨立」既原因已經唔成立,仲係到拗埋乜野「唔好提加泰個名」、「唔好舉加泰旗」之類既野,真係縮骨過d太監。
之前夠有人話「裝修」會令美國暫緩審議《人權法》,結果「裝修」繼續,參議院議程並冇減慢,甚至快左。根本「裝修」與否並非重點,美國根本唔 CARE。美國唔會因為d小事而影響《人權法》甚至對港政策。美國對港政策唔會因為部份香港示威者聲援加泰而動搖,係某d小學雞「國際磚家」先會誇大其辭。
加泰係歐洲最繁榮既地區之一,不論係經貿、工業、文化都係,成個社運係好多專業人士、知識份子、中產參與,呢班人係最關心國際政治,香港人以人權立場連結加泰人民,從道德、從民間外交角度都係冇錯既。
HK01 同分化撚係好鍾意利用你地對「討論提倡獨立會激嬲邊個」、「做乜乜會民意逆轉」、「做乜乜會得罪美國」(以前會話「激嬲共產黨」)去打沉大家既行動,大家應該保持足夠既信心同意志,唔好畀分化撚動搖。
要記住兩大原則:
1. 自己唔好放棄
2. 唔好叫人放棄