【長文回覆質疑】點解用chinazi真係有問題

歷史本來就係借古鑑今，如果因為覺得揭瘡疤會痛就唔用，其實係本末倒置...
但為咗贏，唔用咪唔用，只要多啲外國勢力支持就得

私了又對準政權

係，德國本土，都偶有納粹比較，但係左翼咁做，其實都會惹起反感

可唔可以話我知邊段字有解釋到納粹點解令人反感
我都想知個真正原因

兄弟爬山
係講緊彼此嘅行動唔會衝突嘅情況下
大家自行實驗唔同抗爭方法

上面解釋左點解用Chinazi呢個字
客觀效果上就係可能alienate左我地要遊說嘅德國議員

但係依家行動就係會有衝突
正如經驗豐富嘅攬炒巴都避左chinazi呢個字唔用
我認為呢個問題係值得重視

當然我無權約束任何人唔好做某啲野，我唔係大台，攬炒巴都唔係
但係我有權響言語上反對同批評任何人嘅做法

語重心長
唔贊成用chinazi 揭人舊瘡疤
nazi都係因為做過好多衰嘢先整臭個名
其實ccp都可以自然發展成貶義詞
推

做口交部有用咩，上個月佢老人家先帶埋成大班經濟團訪問中國，講兩句人權問題就打哂飛機，佢做到Trump一成我都偷笑啦

推！！

明白哂, 我會叫返 Anti-ChiNazi
Thx 樓豬

你有權反對手足亦有權繼續用
twitter有人都質疑過用呢個term 我個人意見係有爭議性
就係因為有爭議性先有人留意有attention seeking既作用 不論係正反
有人討論一定係好開始
用得呢個term要有圖解/文字support係正確做法 但就唔根係度講到用Chinazi既手足就係唔正確 咁樣唔撚係兄弟爬山既原意

國際關注又如何?
只有美國有能力抗衡，但美國都係為自己利益。
歐盟更如無牙老虎。
如果中國聯合俄羅斯，北韓，伊朗，隨時成為一股新派系。

哦ok
本人將以臥底之身加入藍營大肆宣揚黃納粹，希望咁樣德國同歐洲會因此支持黃營

邊個話唔好「提起」人地死過人
德國人自己都強制教育納粹歷史啦

依家反對嘅係將nazi當成政治buzzword咁用
因為正如篇文所講
呢個係人地政治語言規範嘅一部分
而唔係事實上貼唔貼切嘅問題

語言規範係可以改變
但係唔使一黎就黎十大辣
尤其是依家遊說對象唔係年輕一代
而係德國政壇班人

// 我唔係讀歷史，唔係讀政治，但如果你想知道，點解部分德國人會咁唔鐘意呢個比較，之前留言，有一個好好嘅比喻：『依家我見到有義士俾黑警射傷，我好傷心呀！直頭好似你上年老母生Cancer死咗嘅時候咁傷心。#死老母咁傷心』

如果你係死老母嘅嗰位朋友，仲會唔會話：『你嘅比喻真係好精闢呀！我好清楚理解到你係有幾傷心！支持你！』唔會，正常人都唔會。正常人都expect對話入面，每個人都會尊重悲痛嘅過去，盡量唔會提起呢一段歷史。

用返同樣道理，你用呢個比喻都唔係話唔得，但係你要用落一個Context度：『上年你傷心到喊到爆，唉，依家我終於體會到你舊年失去親人嘅痛苦，希望你可以安慰下我啦。』我絕對唔反對香港人攞黑警『曱甴』論嚟講，唔反對網上面對比Gestapo同黑警嘅圖片，呢啲有Context，局部嘅比較，係做到大家想做嘅效果：話俾人知，香港警察，中共，有幾邪惡。

但係我嘅言論一出，好多人就認為：『佢叫人唔好用赤納粹，即係覺得中共唔夠邪惡，即係幫中共塗脂抹粉。』你要咁諗，我無辦法。我知道新疆維吾爾族，西藏發生緊咩事，中共七十年以來殘害過幾多中國人，我都算叫知道。呢度有一個觀點我想提出：技術上比較納粹德國所做成嘅死亡人數，同中共殘害過嘅人頭，係無意思的。納粹德國所引起嘅係世界大戰，係實實在在嘅戰爭，係一場涉及幾十個國家嘅浩劫，成個歐洲，幾多個人係經歷過納粹德國所帶嚟嘅毀滅，對於歐洲人嚟講，納粹嘅歷史，唔係一啲可以用嚟隨意比較嘅題目。我咁講，唔係話新疆維吾爾族所受到嘅逼害『唔夠慘』，但係有無必要用呢種我上面講，所謂嘅『死老母』比喻嚟講呢？局部嚟講，你都可以講話中共搞『集中營』，但係推『赤納粹』，直接俾『中共=納粹』呢個信息出嚟，唔係人人都buy㗎！//

都認同樓主既論點
但對其他國家嚟講用Chinazi可以好貼切咁令佢地明白我地既情況
唔用chinazi 可能可以accommodate 到德國人但對其他國家既人又可能對香港既情況了解少左？

我要澄清返
我唔係怪責班手足
而係講緊要小心呢個字帶來嘅副作用

你講嘅「用得呢個term要有圖解/文字support」係無錯
但係點解要用一個有可能alienate遊說對象嘅term？尤其是可以用其他alternatives，反極權、反法西斯、反暴政

算啦 人生苦短 唔好再浪費時間做無人appreciate嘅文宣組了

其實可以諗個新term，話哂係兩個唔同既政權
同埋新term有新鮮感，外國人先容易記住
例如CHIbalizatNA (9up)
講出中共想統一全球既野心

我覺得剛剛相反
Anit-Chinazi 係一定需要，
只係要多好多文宣去解釋。

我地要強調一點係：
宜家嘅中共等於二戰前嘅納粹黨。
今日再唔阻止中共，
他日中共就會好似納粹咁發起第三次世界大戰

二戰前英美各國都採取綏靖政策，
慕尼克會議，容忍納粹對鄰國如捷克、奧地利的侵略，
結果呢？係令到納粹膽氣越來越壯，
以為英美唔會阻止佢，最終入侵波蘭先至引致英國宣戰。

中共呢？中共除咗在自己國內鎮壓新疆、西藏、香港人，
中共仲有強烈的擴張意圖，
一直以來企圖侵佔南海，
西方各國隻眼開隻眼閉。
然後搞一帶一路，
在印度洋上如斯里蘭卡購買多個港口以備將來的戰略用途。
中共一直在威脅台灣，數以千計嘅飛彈頭對準台灣。
而今日西方社會繼續 business as usual，同中國貿易，
不單係對中國的人權問題視如不見，
而且係一直唔肯面中共的侵略。
而且中國已經隱約同俄羅斯、伊朗、巴基斯坦等等形成聯盟。
今日再唔阻止，
日後中共引發第三次大戰的時候，
西方國家會後悔莫及。

所以話唔好用 Anti-Chinazi，
你不用寫多啲文，英文又好、德文又好，
去解釋一吓中國同納粹相同之處，
對世界和平、環境等等都係極大威脅啦。

對於歐洲人嚟講，納粹嘅歷史，唔係一啲可以用嚟隨意比較嘅題目

只有呢句係原因 得罪講句 你係冇講過野

我又試下舉d好膚淺既例子 大家討論下
touch wood 講句 香港出老解坦克 殺左好多香港人
有人將佢比喻為 hk64 而咁你會令係當年係大陸經歷過64既反感

sorry 我理解唔到
或者我個例子有不貼合既地方 請你提出 大家一齊討論下

講多兩句 我係唔願意輕易放棄chinazi或者anti-chinazi既 因為真係太易入腦 又順口 隻字又易噴 係我眼中亦都好貼切

希望你可以畀多d料我地 等我地明白你 辛苦巴打了

如果德國嘅人唔理解，
就應該寫多成百篇成千篇文去幫佢地理解，
自我審查，係冇用架。

唔好講#Chinazi, 咁可以講#Anti-Chinazi

有人話吾好用#Chinazi, 因為德國人/左膠會唔開心, 咁佢實在太睇少德國人的智慧及氣量(咁左膠不嬲都係小氣, 又要清高要光環, 係會唔開心嘅).

同樣有人話唔好用支共同納粹比, 因為支共而家D暴行仲未衰過納粹, 咁佢又實在太低估支共的邪惡同恐怖, 三反五反大躍進十年文革仲唔夠勁? 支持赤柬條數又點計?

再者, 支共而家對維族的犯下的反人類暴行, 遠勝同時期納粹德國對猶太人所犯下的暴行.

而家係和平時期, 支共已將弱勢及對政權豪無威脅的維族當係敵人全族扔進集中營虐待勞改, 同樣水平比較, 納粹德國由1933奪權-1939歐戰全面爆發前, 都只係對猶太國民限制自由及公民權, 掠取財產及驅逐出國, 冇玩到集中營咁絕.

納粹德國係1939開打歐戰後, 先把德國國內及西歐波蘭等佔領區的猶太人當係敵人分批關進集中營, 1941入侵蘇聯時由SS組織行刑隊補殺東線的猶太人, 要到1942年戰況逆轉, 先再始大規模全面實行所謂最終解決方案進行有系統大屠殺.

咁而家和平時期就玩集中營仲唔夠激? 係咪要等遲吓支共開始大屠殺先可以用#Chinazi?

港共而家話要玩緊急法, 咁香港遲吓會唔會淪為Warsaw Ghetto?

唔通係要重蹈猶太人復轍, 當初被打壓自由時唔敢出聲, 被關進集中營時唔反抗, 要等到大家一齊排隊入毒氣室前先知後悔, 點解當初仲有自由時唔拼死反抗?

咁你會建議用乜字眼?