見無人回,講下我對石頭嘅睇法
應該大部份6000左右分段嘅玩家都好憎見到石人
好似石頭人乜都無做淨係沉底落怪就贏咗咁
我覺得石頭人係一副識沉底就唔難上6000嘅牌組
最主要係呢個分段唔多人識喺你沉底嘅時候比壓力
講同路對撞 無乜幾多個撞得贏石頭人
對低費牌黎講,打石頭人嘅大觀念得兩個:
1. 對手落石頭嘅時候打散佢水費
2. 點防守石頭人會喺最好
打散水費一定要知道,對面落石頭人個一刻,你手上面有咩牌係對佢最有威脅,呢個係可以喺平時諗定。
以玩炸彈礦為例:
對面落石頭,對我黎講最好手上有女武神+蝙蝠 / 一費骨打散水費;
而差情況係手上炸彈+炸彈塔+ 骨 + 箭雨 ,下一張係蝙蝠,有排先有礦工同女武神。
咁呢幾張牌比對面嘅威脅會細好多。
所以當我知道對面有石頭,我手上係呢啲牌,我一定會落一費骨加炸彈去洗牌,洗到我想要嘅牌先再等對面落石頭。
第二點就係喺平時都可以諗定自己邊幾張牌守石頭人係最舒服,最基本嘅石頭+暗夜 / b龍落邊d 牌可以用最少費守,如果佢加個大電又要點守最好。
如果諗完都係發現守唔到,可以問下朋友/公會嘅勁人。又或者根本就無可能守到,換路係唯一出路,呢啲都係可以提早諗定
跟住你就會發現原來打低分嘅石頭人可以好格式化